ESDRAS 3:11 - Bible en langue guiziga

¹¹ Taŋ mahunumaka Bumbulvuŋ, yo taŋ magakaŋ sise na, a tiɓaka dimis ani: «Buymisemuŋ naŋ mezle, asi gi teŋteŋ naŋ vur Israyele, a ndir ngi caˀa.» Mizli gar ara jam salalay ti hunuma Bumbulvuŋ, asi ara ɗuvaka virzi ngi hay nga naŋ Bumbulvuŋ.

ESDRAS 3:11 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 16:34

Hunumaka Bumbulvuŋ, asi naŋ mezleŋ, wuɗa vu naŋ a ndir ngi sete.

ƁI NGI HIN GAR MUDUMBUŊ NAŊ 16:41

Ti Heman ati Yedutuno, t'ada asi taŋ, waɗ mizli muwunaˀ mekelemey mindirama, a zilaka taŋ ti slimiɗ taŋ ti slimiɗ taŋ nga hunuma Bumbulvuŋ. Asi wuɗa vu naŋ a ndir ngi sete.

ƁI NGI HINEY MUCUW NAŊ 5:13

Mifi zarahay ati mikiɗa gwat ngi dunguroyo, a jumom gar taŋ arleˀe ngi hunuma Bumbulvuŋ, yo ngi gaŋ dudok ti ˀay purla. Taŋ mira faka zara, ara kiɗaka jãwjãw ati gwat ngi dungur mekelemeye na, ara hunumaka Bumbulvuŋ, a ɓam: «Buymisemuŋ naŋ mezleŋ, yo gi teŋteŋ naŋ a ndir ngi sete.» Akẽh na, gazlavay a naha hay ngi Bumbulvuŋ tirslik.

ƁI NGI HINEY MUCUW NAŊ 7:3

Israyeley gar mupuraka vu mupo sar ti muŋ ati dudok ngi Bumbulvuŋ ng'ar hay tuwa na, a huruk hurukam a ruwuy a ruwuy, ar li mididirka, huruk huruk, a hunumaka Bumbulvuŋ, a ɓam: «Buymisemuŋ naŋ mezleŋ, yo gi teŋteŋ naŋ a ndir ngi sete.»

NEHEMI 12:24

Buy ngi si Leviheye i ti: Hasabiya, Serebiya ati Yesuwa, mangal ngi Kaɗmiyel, waɗ sukum taŋ Levi mekelemeye deŋ deŋ, hiri pulaˀ pulaˀ ng'ar taŋ ngi zli dimis ngi hunuma Buymisemuŋ. Asi mike na, Davit, mbur ngi Buymisemuŋ a vula ɓi nah le kanah, ɓa a zlaka, mizli ti ngay taŋ ti ngay taŋ, a hunumaka Buymisemuŋ, yo a gakaŋ sise.

NEHEMI 12:40

Ngay ngi mizli dimisey mitaˀtaˀ cuw tuwa, a cicam ar hay ngi Buymisemuŋ, waɗ ya vuna ati reta ngi buyoy, ndra mindiram bummoˀ tuwa.

DIMISEY 100:5

Asi mike na, Bumbulvuŋ naŋ mezleŋ, yo gi teŋteŋ naŋ na, naŋ da ngi caˀa, yo naŋ da ti gi kaslsla naŋ na, hã ngi set, ngi samadin.

DIMISEY 103:17

Amma gi teŋteŋ ngi Bumbulvuŋ, naŋ da ar mizli mazlunam di, naŋ da zle misi ngadana ta, hã ngi samadin. Gi jeŋŋe naŋ na, naŋ da vur dideˀ vur dideˀ taŋhaya.

DIMISEY 106:1

Haleluya! Hunumaka Bumbulvuŋ, asi naŋ mezle, yo gi teŋteŋ naŋ na, naŋ da caˀa kine.

DIMISEY 107:1

Hunumaka Bumbulvuŋ, asi naŋ mezleŋ, yo gi teŋteŋ naŋ na, naŋ da caˀa kine.

DIMISEY 118:1

Hunumaka Bumbulvuŋ, asi naŋ mezleŋ, yo gi teŋteŋ naŋ na, naŋ da hã ngi sete.

DIMISEY 131:1

Dimis ngi zuɓa mulak nga diradibiɗ a Zeruzalem. Dimis ngi wuzla dimis ngi Davitey. Bumbulvuŋ, huhumo vu anta a mevel ɗu ta, pura hiri ɗu, i ngi wuɗa dudok ta, i pur di i jiviɗ ngi gi gwat madiɗahay ta, malla gwat ngi zuma hirngahay mifineˀ gidaŋ ɗu le ta.

DIMISEY 135:3

Hunumaka Bumbulvuŋ, asi naŋ mezleŋ! A wuɗ vu haɗa, hunumakaŋ ti dimisi.

DIMISEY 47:1

Dimis ngi wuzla dimis ngi sukwi ngi Kore. I mulumo di ar ɗerewol ngi buy dimis.

DIMISEY 47:5

A wuna ndra hirwuy le da ndra, ndr'i ra jijiham di, ndra mizli ngir sukwi ngi Zakop yeme naŋ.

BI NGI ISRAYELEY 15:21

Joˀ Miriyama, a bo ti ˀay ngi dimis a mbuŋ ngwasaya, a zla anihĩ: Zlam dimis ngi hunuma Bumbulvuŋ, a lum bugawla migisiŋ gisiŋ le, a pa haŋ da pilisey ati mizli ngir taŋhaya le ng'ar mubuliy.

EZAYI 12:6

Kum misi a Siyoŋ na, jam salalay, jiɗam mececẽleŋ, Asi Buymisemuŋ mipal ngi Israyele, misi a wuzla kum na, naŋ madiɗaŋ!

EZAYI 44:23

Muŋ, zluzluɓu, asi Bumbulvuŋ a ga slra naŋ le, mijileŋ ngi ruwuy, ji salalay, Muwãhay, ɓuh ati widis mingiriɗ ngi raˀahay, jakaŋ salalay ngi ngir ngi ngir, asi Bumbulvuŋ a mbiɗa hirnga ngi mizli ngi Zakopoyo le, yo a biga dudok naŋ le da Israyeleye.

EZAYI 6:3

Taŋ gar a wudam da cala da cala: «Bumbulvuŋ misi gidaŋ wãˀa naŋ pal, naŋ pal, naŋ pal, dudok naŋ a naha hirwuyo le gar!»

ZEREMI 33:11

ˀay ngi zluzluɓ, salalay, dimis ngi mbur mazuɓ ngwas ati mumul ngi ngwasa, waɗ dimis ngi mizli ma ram ti mikuli ngi hunuma vu ar hay ngi Bumbulvuŋ, a sa zlaka na: ‹Mumuloko Bumbulvuŋ misi gidaŋ wãˀa, asi naŋ mezle, yo gi teŋteŋ naŋ hã ngi sete.› Haˀaw, i sa mo ti mizli ngisi ruwuy hana a muŋ, a sa tiri kaɓa naŋ misi zleˀe a muŋ.» I ya Bumbulvuŋ maɓi.

Ɗerewol AZE 2:3

Hay hana i mezle kuy ta wãˀ zleˀe ar dumbuŋ naŋ, mbur mindiro ti siifa ada a wuzla kumo mupura ɗaˀ kwa? Ki puraka wurenna, naŋ mbrike? Kum mapuraka wurenna na i hay mupuɗaw aruŋ kwa?

ZAKARI 4:7

«Ka muwã madiɗa, ka vuna ki waka? Ki sa tiri li cay a mbuŋ Zorobabele. A sa bo ti ɗugur ngi mivaya tisi ka, kaˀ ar li babara, joˀ mizli a sa jam salalay vurˀeŋ: «Sise! Sise!»

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Ɓimezle ngi Yesu Kristu LUK mitil di mi 1:50

Gi mezle naŋ a njih ar mizli masa ɗuvakaŋ hirnga, masa ya ka taŋ nga mbuŋ nga mbuŋ.

ZOZUWE 6:10

Zozuwe a ɓa ɓi ani da mizli ɗaˀ le: «Ko ki wudam ta, cifam teteˀ teteˀ, yo anja ko mingiɓi purla a bo ti balam kumo ta, hã a ndila hin ya misa ɓukum le: ‹Wudam› na, dar kisa wudam so.»

ZOZUWE 6:16

Angi taŋ magunom ngi sar mitarnaˀ naŋ na, masayay a faka fugumoyo, joˀ Zozuwe a ɓa mizli gar: «Jam salalay so, asi Bumbulvuŋ a vulukum walahaya le asi haŋ kum.

ZOZUWE 6:5

Masayay, da ara faka fugumoy tuwa, hã a zikam di le na, mizli gar a sa wudam cǝruw cǝruw. Akẽh na, mohol a sa mbizli daˀ arleˀe girip girip. Dar Israyeley a sa tuwuɗam, mbur gar a ɗuv dibiɗ cir a mbuŋ naŋ.»