ESDRAS 3:1 - Bible en langue guiziga

¹ Israyeley a cifam le ar walahay taŋhaya. Kiya mitarnaˀ naŋ ngi vi mindilo na, a kusom ti mevel purla a Zeruzaleme.

ESDRAS 3:1 ပူးပေါင်းရင်းမြစ်များ

NEHEMI 7:72

«A dirba nah so na, masayay, Levihey, mijigina mizlingrehey, mizli dimisey, mekelemey a wuzla sukwi ngi Israyeleye, migi slra ngir hay ngi Bumbulvuŋhoy ati Israyel mekelemey gar na, a pam ar walahay taŋhaya.» Taŋ mindilaka kiya mitarnaˀ naŋ na, naɓa Israyeley gar a cifam le kuy kuy ar walahay taŋhaya muduba so.

NEHEMI 8:1

Sukwi Israyel gar a ngiɓam ˀay ar li purla, a jumom jom ar li misi a mizlingre ngi Yam. A ɓaka Esdras, mbur misina toho gwata, ɓa a so ti ɗerewol ngi Ɓimujuwa ngi Moyis, Bumbulvuŋ muwuɗ da Israyeley na.

NEHEMI 8:14

A lumam a tohoko ar Ɓimujuwa misenna, gwat Bumbulvuŋ miɓa ɗaˀ le da Israyeley ti balam Moyis na: ti hin ngi muguzlum ngi kiya mitarnaˀ naŋ na, sey Israyeley a hinam ar mazlaɓay.

LEVIHEY 16:29

Ɓimujuwa vur kum ngi set ani: angi hin mukuruˀ ngi kiya mitarnaˀ naŋ na, ki gam dalyam, ko ki gam slra neˀ tapasa ta, kum Israyeley ati moholoy ngi wuzla kumoyo.

LEVIHEY 23:24

«Ɓa Israyeleye: Hin mudumbuŋ ngi kiya mitarnaˀ naŋ na, i hin kum ngi muska vu, hin ngi wuluk keŋ, waɗ ngi ji salalay, ki gam kus ti slimiɗ ɗu.

SOFONI 3:9

Akẽh na, i sa ga ɓa ɓi malambaˀ a bo ti balam mizli ta, ɓa taŋ cek a zilam slimiɗ ngi Bumbulvuŋ, ɓa a gikiy mezegwel ti mevel misi purla.

SLRA 2:46

Vur hin gar na, a ndiram deŋ ti deŋ ar hay ngi Bumbulvuŋ a Zerusaleme, taŋ ti mevel purla. A hay taŋhaya, a zumaka ɗafa jom ar leˀe, a zumaka ti mumul, yo ti mevel mezle.

SLRA 4:32

Mitiɓiheye, taŋ zigiduw taˀ, taŋ ti mevel purla, lesl purla, ko mbur maɓi gwat hana inga ya na, anta. Amma a jumoko gwat taŋhay gar ar li purla jaka.

KORENTIHEY MUDUMBUŊ 1:10

Sukum ɗu misikristuhoy, i ra gukum ambuh ambuh, kum gar kumo ti slimiɗ ngi Buy ndra Yesu Kristu: ngiɓam ˀay purla, anja ki wunkam ˀay ar wala kumo ta. Ar wuluk kum ati gwat kum majuwaka le a mevele ngi gi gar na, jumom ˀay purla.

Slu cuw 16:16

Vur vi gar na, mizli mizilehey gar, a sa ram is makir ng'ar li muwuna le, a mbuŋ Bumbulvuŋ Buymisemuŋ kum. Muguzlum ngi ɗaf manja is, muguzlum Paŋtekot malla muguzlum ngi guɗuk na, anta sa ram nga mbuŋ Bumbulvuŋ haŋ njoŋ ngatara ta.

MIGI KIITAHAY 20:1

Israyeley gar a cikilam a Mispa a mbuŋ Bumbulvuŋ, ˀay purla. A soko tika tika gar, zle a Daŋ tir vay muŋ, hã a Berseba tir vay ruwuy waɗ ti ruwuy Galaˀat tisi pas ngi mipriki.