ESDRAS 2:68 - Bible en langue guiziga

⁶⁸ Ti taŋ mindilam angi li ngi hay ngi Bumbulvuŋ a Zeruzalem na, cah a wuzla buy ngi hay taŋhay, a vulam gwat ngi mongoy taŋ, vur hay ngi Buymisemuŋ, ɓa a ndira kaˀ ar li naŋ a muŋ.

ESDRAS 2:68 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 21:18

Modro ngi Bumbulvuŋ a ɓa Gata: «A ra ɓa Davite na: ɓa aru ng'ar məlaŋ ngi Ornaŋ mbur Zebusi, ɓa ara juw li gi mikuli da ya Bumbulvuŋ a diga.»

ƁI NGI HIN GAR MUDUMBUŊ NAŊ 22:1

Davit maɓi: «hay ngi Bumbulvuŋ Buymisemuŋ naŋ aka, li gi mikuli zlam zlam ngi Israyeleye n'ani na vurˀe.»

ƁI NGI HINEY MUCUW NAŊ 3:1

Salomoŋ a zla ndira hay ngi Bumbulvuŋ a Zeruzalem a muwã Moriya, ar li Buymisemuŋ mibiga vu da cine naŋ Davit, ar li Davit miɗiya a məlaŋ ngi Ornaŋ, mbur Zebusi.

ESDRAS 2:67

zlogomo taŋhaya: skat skat mufaɗ ti kukur makir nga zlum, zunguhoyo: durmuk merkeɗ ti skat skat tarnaˀ ti kukur cuw.

ESDRAS 2:69

A vulam migidaŋ taŋ ng'ar hay ngi wi vu ti gwat puɗaway vur slra: ɓiri tapasl tapasl durmuk kukur merkeɗ ngaŋ kaˀ, yo ɓiri bara, kilo durmuk cuw ti skat skat zlum, waɗ jibe ngi masayay skata.

ESDRAS 3:3

Ko ti taŋ mazluwunam ti mizli mekelemey mipam asi ruwuyo tekeɗe kwana, a ɗiyaka li gi mikuli cummo ar virzi naŋ misi zleˀe vuna si, a gaka mikuli mizlam zlam da Bumbulvuŋ, i mikuli mizlam zlam magaka ti miprik waɗ ti pastaˀa.

ESDRAS 9:9

Haˀaw, Buymisemuŋ ndra, ko ar li gi beke ndra zleˀe na kwana, ki pula ndra mbak fuk ta. Asi gi teŋteŋ ɗik na, ki pura ndra ti hiri mezle avu buy Perseheye, a pulam ndra ti siifa, ɓa i slikiɗaka hiri ngi hay ngi ɗik, ka Buymisemuŋ ndra na, ɓa i ndiram gwatay ar diŋheye, yo ɓa ki vula ndra musuka vu a Zeruzalem waɗ asi ruwuy Zuda.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

BI NGI ISRAYELEY 25:2

«Ɓa Israyeley a cikilikiy gwat ngi migidaŋ taŋ, kisa, cikiloko di avu mizli masa vulaka ti mevel purla.

BI NGI ISRAYELEY 35:21

Akẽh na, mizli misi mevel mezlehey, mavulam ti gula ti hazumo, a soko ti gwat ngi vul taŋhay da Bumbulvuŋ, ɓa ngi ɗiya guɗuk ngi zlir ti Buymisemuŋ, ngi gi slra naŋhay gar waɗ ngi tufa zana ngi slra a mbuŋ Buymisemuŋ.

BI NGI ISRAYELEY 35:29

Israyeley gar, ziley ati ngwas muvul ti gula ti hazumoy gar na, a soko ti gwat taŋhaya ngi mongoy taŋ, a vulaka da Bumbulvuŋ, ɓa ngi gi slra Bumbulvuŋ muɗuva da Moyis tuwa.

BI NGI ISRAYELEY 36:3

Moyis a vula taŋ gwatay Israyeley mucukuloko taŋ ngi ɗiya hay ngi Bumbulvuŋ tuwa. Vur miprik gar na, mizli ara soko ti gwat ngi vulo ngi mongoy taŋ na si.

KORENTIHEY MUCUW NAŊ 8:12

Da wuluk ngi gi gwata, i mezle gisiŋ na, Buymisemuŋ a tuɓuw kuy kuy jom ati gwat ɗike, anta slufa gwat mikic avu ka na ta.

KORENTIHEY MUCUW NAŊ 8:3

I ga sedewo taŋ gu: a vulam weˀe avu gidaŋ taŋ, hã a funa gidaŋ taŋ vuna le ma, a vulaka ngi mongoy taŋ.

KORENTIHEY MUCUW NAŊ 9:7

Anja mbur gar a vul ka naŋ muwulka le a mevele, manja niˀic malla manja tika ˀay. Asi Buymisemuŋ a wuɗ di i mbur mavul gwat ti mumul.