ESDRAS 2:1 - Bible en langue guiziga

¹ Nabukodonozor, buy madiɗa ngi Babiloŋ, mizli, naŋ mija taŋ zleˀe nga Babiloŋ na, mizli asi taŋ mumoko nga Zeruzalem waɗ nga Zuda, mbur gar aru ng'ar walahay nga naŋ nga naŋ na, t'ani.

ESDRAS 2:1 ပူးပေါင်းရင်းမြစ်များ

BUYOY MUCUW NAŊ 25:11

A dirba nah, mizli mindiram mineˀ ɗagay muroko ar walahaya, yo mizli mujumoko ng'avu buy madiɗa ngi Babiloŋ tuwa na, Nebuzaradaŋ, a ja taŋ nga Babiloŋ.

ƁI NGI HIN GAR MUDUMBUŊ NAŊ 9:1

A slufaka Israyeleye le gar, vur hay vur hay, a tohoko taŋ ar ɗerewol ngi toho slimiɗ ngi buy ngi Israyeley. A jaka mizli Zudahay nga Babiloŋ, asi taŋ miteŋteŋ avu Buymisemuŋ ta.

ƁI NGI HIN GAR MUDUMBUŊ NAŊ 9:2

Mizli mumoko dumbuŋ dumbuŋ nga pi a ruwuy taŋ muŋ, ɓa a tiɓaka gwat taŋhay a muŋ, ati walahay taŋhay a muŋ na, i mizli ngi mbuŋ Israyele mizlewey waɗ, masayay, mizli levihey waɗ migi slra ngir hay ngi Buymisemuŋhoy a Zeruzalem.

ESDRAS 1:11

Jommo gar na, gwat ngi ɓiri tapasl tapasl ati ngi ɓiri bara, a gam le durmuk zlum ti skat skat mufaɗa. Ti mizli mijahay macohom ti Babiloŋ nga Zeruzaleme, Sesebasar a hila gwat tayna cek a haŋ.

ESDRAS 2:2

Mukoko taŋ mbuŋ i ti: Zorobabel, Yesuwa, Nehemiya, Seraya, Relaya, Mordokay, Bilesaŋ, Mispar, Bigivay, Rehum waɗ Baˀana. Mizli Israyel, mizileheye t'ani:

ESDRAS 2:70

Akẽh na, masayay, levihey, Israyeley cah, mizli mazlam dimisey, mijigina mizlingrehey, waɗ gawla migi slraˀahaya, a pam ar walahay muvulaka taŋ di. Israyeley gar, a pam ar walahay taŋhaya so.

ESDRAS 5:8

Buy kumani, anja ki si na ɓi ani sin le, i ram le ar hirwuy Zuda, ar hay ngi Buymisemuŋ madiɗa. I lumaka na, ara maka hiri ngi ndir naŋ ti ɗugur miciɗa ti ciɗey, yo ɓamtalay gizl gizl ar dalama. A ra gaka slra nah ti jiviɗ naŋ, yo ara wusam di vu kutum ma.

ESDRAS 6:2

Yo li ada a Ekbataŋ, i li muguno ti mohol, angi hirwuy ngi buy miwi li asi ruwuy Medi na, a lumam ɗerewol ngi garak mufuɗa faɗ faɗ a diga, a tohoko ara na: «Ɗerewol miwi di vu.

ESDRAS 8:35

mizli mijahay zleˀe, mumoko tir hirwuy mulak tuwa, a gam mikuli mizlam zlam da Buymisemuŋ ngi Israyele. Vur Israyeley gara, gusoŋ kuruˀ nga cuw, zlengerek kukur ngoltir nga merkeɗ, ziri tumuŋhoy kukur tarnaˀ nga tarnaˀ, waɗ bazuwayay kuruˀ nga cuw vur mikuli ngi pula mungra. Ginew tayna, a gam taŋ mikuli mizlam zlam wãˀ da Bumbulvuŋ.

NEHEMI 12:1

Masayay ati levihey munduloko ati Zorobabel, mangal ngi Seyaltiyel, waɗ Yesuwa na, i ti: Seraya, Irmeya, Esra,

ESTER 1:1

Ɓi mutohoko angi ɗerewol hana na, a cuh ti hin ngi buy mazilaka Zerses. Buy Zerses nah vuna, a wi buy miwi lihey wal wal skat ti kukur cuw nga tarnaˀ, zle a Eŋde hã sesẽŋ a Etiyopi.

ESTER 1:11

ɓa a sakaŋ ti maˀãy Vasti nga mbuŋ naŋ. Anja a sawa na, hirnga tuwaɗ tuwaɗ ti loppol nga naŋ maˀãya, ɓa a so biga kuy naŋ mazli ta wãˀ na da mizli gar, waɗ da mizli madiɗa ngi slra ngi buyoyo. Vasti naŋ kuy teˀ gwaɗ naŋ, hiri a ɗuv ava ta wãˀ.

ESTER 1:3

Angi vi mimakir naŋ angi zuma buyo na, Zerses a di ɗaf ngi muguzlum da mizli madiɗa ngi slra naŋhay ati gawla naŋhay gar. Soje ngi Persehey ati ngi Medihey cek cek waɗ mizli hirnga hirngahay ati buy miwi liheye gar, a soko nga mbuŋ naŋ.

ESTER 1:8

Mbur gar a si mbaazlaka naŋ mawuɗo. Vurˀe, buy a vula mingiɓi da gawla naŋhay gar mavulaka gwat ngi zum da mizli, ɓa anja mbur gar na, a lum gwat naŋ mawuɗo.

ESTER 8:9

Hirak ti hin nah vuna si na, a ziloko mutoho ɗerewol ngi buyoyo. Naɓa i kiya mimakir naŋ, a mbiɗeˀvra, kiya Sivaŋ, ngi hin mizli ngir cuw nga makir naŋ. A tohoko letireye kasl kasl kaɓa Mardoke muvula taŋ ɓi nah. A tohoko da Yudehey, da mijingaˀ ngi buy miwi lihey ati buy miwi lihey, da mizli madiɗa ngi slrahay misi ar li ngi buy miwi lihey mitaˀ taˀ skat ti kukur cuw nga tarnaˀa. A zli zle a Eŋde, hã sesẽŋ a Etiyopi. Li buy miwa le gar na, a tohokoŋ di ka toho gwat taŋ, ti mi ngi mizli ngi mizli, yo da Yudeheye ti toho gwat taŋ, yo ti mi nga taŋ maɓam di.

EZAYI 48:20

Bam avra tir walahay Babiloŋ! Cohom le tisi hirwuy nah. Mingiɓi ani, tilam di mi ˀay kaˀ a muŋ, njahaka ɓi nah, hã ar hirwuy mira kiɗo mi, ɓam na: «Bumbulvuŋ a mbiɗa hirnga ngi Israyel gawla naŋhaya le.»

ZEREMI 50:19

I wuɗ i mi ti Israyele ng'ar li zum naŋ a muŋ, ɓa a sa luuma li zum naŋ a muwã Karmel ati Basaŋ, a sa zum hã a mbi pecek wãˀ, a muwã Efrayim waɗ a muwã Galaˀata.

TUWUY 1:3

A ra jaka sukwi ngi Zuda nga hirwuy mulak, a hin hirnga le, a tiri beke le. A cifi le a wuzla misi kulihey, amma naŋ anta lum li pi haya ta. Misipi naŋhay nder ndere, ara gidiɗakaŋ, a gucokoŋ mi le guc.

TUWUY 1:5

Mizli mazliram ti naŋ ta, a funakaŋ le, mesene naŋhay ara pulam vu, naŋ masi bonoy na, i Bumbulvuŋ migaŋ di, asi slikiɗa ɓi naŋ mihaɗa na. Ziri naŋhay i mijahay le, mizli mazliram ti taŋ ta, ara ɓulaka taŋ sesek a mbuŋ, ara ram taŋ le nga hirwuy mulak.

TUWUY 4:22

Kum mizli Siyoŋhoy, bonoy kum vur gi moˀore kum na, a kiɗ mi le muduba, Buymisemuŋ anta sa jukum nga ruwuy mulaka mata. Amma kum mizli Edomoyo, Buymisemuŋ a sa kutukum vur moˀore kumo: a sa njika mungra kumoyo ngbay ar li babaraŋ.

SOFONI 2:7

Joˀ li vay nah, a sa ndir da is ngi mizli Zudahay. Taŋ, a sa ram ti ginew taŋhay nga jigin a diga, ti pastaˀa, a sa muskam vu ar hayay misi a Askaloŋ, asi Bumbulvuŋ Buymisemuŋ taŋ, a sa jiniˀis asi taŋ, yo gwat masa gi avu taŋ na, a sa mbiɗa pal.

SLRA 23:34

Buy miwi li muslufa ɗerewolo slaf slaf na, a cufuɗa Polo: «A yukuw ar hirwuy wanaka?» Ti naŋ micina Pol i mbur ngi hirwuy Silisi na,