ESDRAS 10:8 - Bible en langue guiziga

⁸ Angi hin makir na, da mbur aru kaɓa ɓi ngi buyoy ati mizli micawwahay miɓaka na ta na, a sa ngizlakaŋ zlili naŋhaya kap ar slimiɗ ngi Bumbulvuŋ, yo a sa ɓulakaŋ naŋ vuna avra ti wuzla jum ngi mizli mijahay zleˀe mumoko ti ruwuy mulaka.

ESDRAS 10:8 ပူးပေါင်းရင်းမြစ်များ

ESDRAS 10:7

Akẽh na, a slinam a tilam mi a Zeruzalem waɗ asi ruwuy Zuda gar, a ɓaka mizli mijahay zleˀe mumoko ti ruwuy mulak na, a kusom keɗeɗe a Zeruzalem.

ESDRAS 10:9

Dar mizli Zudahay gar waɗ Benjameŋhey a kusom a Zeruzalem angi hin makire. Naɓa i hin kukur cuw ngi kiya mungoltir naŋ. Mizli gar t'ada joa mamay hay Buymisemuŋ, a roko jijikam vur ɓi nah, yo vur vuŋ ara gi ma.

ESDRAS 7:26

Ko wa misa ga gwat ɓimujuwa ngi Bumbulvuŋ ɗik ati ɓimujuwa ngi buy mawuɗo kasl kasl ta na, anja a gakaŋ kiita mikaslsla: vagay naŋ ɓaˀ malla solom, da kanah ta na, a wuruk malla a zum dangay.

NEHEMI 13:28

Mangal ada pal asi ziri ngi Yoyadahaya, i dideˀ ngi Eliyasip, masay madiɗa, yo i jomo ngi Sanebalat, mbur Hori. Yi ɓula ɓak kileŋ avu Zeruzaleme.

NEHEMI 13:3

Israyeley tuwa, taŋ micinaka muslufaka Ɓimujuwa ngi Bumbulvuŋ nah na, a bam ti mizli Israyele migisiŋ gisiŋ tahaya gar avra.

LEVIHEY 27:28

Yo ma na, mburo, gwat naŋ misi ti naŋ gar, mbur titira, gwat misãmi malla ko guva naŋ, cine mupulaŋ di, mitak ngi vul da ya Bumbulvuŋ, ɓa a mbiɗa hirnga naŋ malla ɓa a hiɗika avra na, jiviɗ naŋ anta mata. Gwat mitak ngi vul ti jiviɗ misi kahana gar na, naɓa i gwat mipal wãˀ da ya Bumbulvuŋ.

Matiye 18:17

Amma da a ngum tiɓa ɓi taŋ ta ma na, ɓa ɓi nah da Cikil ngi misikristuhoy. Da a ngum tiɓa ɓi ngi Cikil ngi misikristuhoyo ta ma na, anja ki pura kaɓa i mbur duniya malla ka micikila buutu.

Ɓimezle ngi Yesu Kristu ZAŊ mitil di mi 16:2

A sa ɓulukum avra tir hay ngi dira dibiɗeye. Mifineˀ nah ma na, pas naŋ ara ndilawa, tapasa mbur mukuɗukum le vagay vagay na, a sa wa kaɓa a gi di i mikuli da Buymisemuŋ.

Ɓimezle ngi Yesu Kristu ZAŊ mitil di mi 9:22

Miyi naŋhay a ɓam kahana, vur a zluwunam ti Yudeheye. Asi Yudehey a jumom ˀay le ar wala taŋ, a ɓam: «Ko wa gar miɓi le: ‹Yesu i Mesi› na, a ɓulaka tir hay ngi dira dibiɗ avra.»

Ɓimezle ngi Yesu Kristu ZAŊ mitil di mi 9:34

A mbiɗakaŋ di: «Ka guzluv ar mungra zle ti taŋ muyukuw caka, ɓa ki so dubuna ndra gwat mbri mbrike?» Dar a ɓulaka tir hay ngi dira dibiɗe ng'avra.

KORENTIHEY MUDUMBUŊ 5:13

Mizli misikristuhoy ta na, masa ga taŋ kiita i Buymisemuŋ. Ɓimutoho aɓi: «Bam ti mbur misi moˀore ti wuzla kum avra.»

ZOZUWE 6:19

Ɓiri bara, ɓiri tapasl tapasl ati gwat ngi ɓiri gaza waɗ gwat ngi ɓiri ho gar na, i muvula taŋ le gar da Bumbulvuŋ. A sa paka taŋ ng'ar zlili ngi Bumbulvuŋ.»

MIGI KIITAHAY 21:5

Israyeley a ɓam na: «A wuzla sukwi Israyeley gar na, misawa ng'ar cikil a ciki Bumbulvuŋ a Mispa ta na, i sukwi wanaka?» Naŋ kine, a hudumom le, ko wa gar muru ng'ar cikil a mbuŋ Bumbulvuŋ a Mispa ta na, a kiɗaka vagay.

SAMUYEL MUDUMBUŊ NAŊ 11:7

A hil slahay zlaɓ cuw, a suwutaka taŋ waɗ a sla useˀ taŋhaya laŋ laŋ, yo a slin mizli ti useˀ məlaŋ laŋhay tuwa, asi hirwuy Israyel gar, ti mi ngi ɓi aseˀe anihĩ: «Mbur mubo asi Sawul ati Samuyele ng'ar vurumo ta na, a sa gam ti sla naŋhaya kahana.» Buymisemuŋ a vula zluwun haɗa da sukwi Israyele, a bam ng'ar vurumo fuyõ ar li purla.