ESDRAS 10:6 - Bible en langue guiziga

⁶ Esdras a slikiɗ tir li naŋ misi a mbuŋ hay ngi Buymisemuŋ tuwa. Aru kini ng'avi viŋ ngi Yohanaŋ, mangal ngi Eliyasip. Naŋ mindil a diga na, a zum ɗaf ta, a si yam ta, asi a ro lik vur mizli mijahay zleˀe mumoko ti ruwuy mulak, migam teŋteŋ ta na.

ESDRAS 10:6 ပူးပေါင်းရင်းမြစ်များ

ESDRAS 10:1

Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

ESDRAS 10:7

Akẽh na, a slinam a tilam mi a Zeruzalem waɗ asi ruwuy Zuda gar, a ɓaka mizli mijahay zleˀe mumoko ti ruwuy mulak na, a kusom keɗeɗe a Zeruzalem.

ESDRAS 9:4

Mizli gar misi mazluwunam ti mingiɓi ngi Buymisemuŋ ngi Israyele, a cikiloko nga ciki ɗu, vur mizli mijahay zleˀe mumoko ti ruwuy mulak, migam teŋteŋ ta na. Joˀ ya i ndir kupuyah a ruwuyo, hã pas ngi mikuli ngi pastaˀa.

NEHEMI 12:10

Yesuwa a yi Yoyakim, Yoyakim a yi Eliyasip, Eliyasip a yi Yoyada,

NEHEMI 12:22

Angi hin ngi ti Eliyasip ati Yoyada, Yohanaŋ waɗ Yaduwa na, Levi, buy ngi hayay ati masayaya, a tohoko slimiɗ taŋhaya toh toh le, hã a ndila hin ngi zumabuy ngi Dariyus, buy Perse.

NEHEMI 13:28

Mangal ada pal asi ziri ngi Yoyadahaya, i dideˀ ngi Eliyasip, masay madiɗa, yo i jomo ngi Sanebalat, mbur Hori. Yi ɓula ɓak kileŋ avu Zeruzaleme.

NEHEMI 13:5

Naŋ misi i muy naŋ migweˀ tuwa na, a ɗiyaŋ viŋ madiɗa, ar li mapam gwat ngi migamay ngi gi mikuli, mukuturɓuy, gazlangahay, mukuruˀ ngi alkamari, ngi mbaazla si ati mal, gwat mupula jiviɗ naŋ le ngi vul da Levihey, da mizli dimisey ati mijigina mizlingrehey, waɗ gwatay mawuɗam avu taŋ neˀneˀ ngi vul da masayay.

NEHEMI 3:1

Eliyasip, masay madiɗa, taŋ jom ati sukum naŋ masayaya, a slikiɗam, a zlaka ndira mizlingre ngi Tumuŋhoyo. A ɗuwulakaŋ mi ɓa a ndir pal, a caka palalam naŋhaya. A dirba nah, a ndiraka moholo, a ram di sesẽŋ avu hay migila subur, mazilaka Skat. A dirba taŋ muɗuwulakaŋ mi, ɓa a ndir pal ma na, a ram di sesẽŋ avu hay migila subur mazilaka Hananeyel.

NEHEMI 3:20

A ciki naŋ akẽh, i Baruk, mangal ngi Zabay, magi slra hirdam hirdam ar li micah vay mekeleme ma, zlirɗi, hã sesẽŋ a mizlingre Eliyasip, masay madiɗa.

Ɗerewol JOP 23:12

Ɓimuɗuva naŋ mubo ti balam naŋ na, ko i ngizli ava ta. Ɓiɓi micica naŋ, yi ja le a mevel ɗu fineˀ ɓi ɗuwoyo.

DIMISEY 102:4

Asi hin ngi siifa ɗu, ara cuh turliŋ ka cunju mangis, tesl ɗuwoy ara zlizliram kaɓa ar vu matiɓi giw giw.

BI NGI ISRAYELEY 34:28

Moyis a ndir a ciki Bumbulvuŋ papas papas kukur mufaɗ, duvuɗ duvuɗ kukur mufaɗ, ko a zum gwat ta, a si gwat ta. Ɓimuɗuva mukuruˀhoy, ɓi ngi jumoˀaya, a toho taŋ ar belelerey.

EZAYI 22:12

Tapasa, Bumbulvuŋ Buymisemuŋ, misi gidaŋ wãˀa, a ɓukum ɓa ki tuwam, ki tuwam irslik irslik, ɓa ki hijaka hirngahaya, yo ɓa ki kam zana ngi vagayay.

DANIYEL 9:3

I mbiɗi hiri ng'avu Bumbulvuŋ Buymisemuŋ, ɓa i diraŋ dibiɗ, i tumbuloŋ, ti gi dalyam, i ki zana ngi vagay waɗ kor kor fucu avu vu.

Slu cuw 9:18

Moyis a ɓi: A dirba nah, yi huruk huruk a mbuŋ Bumbulvuŋ. I vi hiipas hiipas kukur mufaɗ, yo duvuɗ duvuɗ kukur mufaɗ, i zum gwat ta, i si gwat ta tuwa ma. I ga kanah, vur mungra kum migaka na, ki gam di i gwat macira hiri da Bumbulvuŋ ta, yo i gwat ngi jaŋ mevel haɗi.