ESDRAS 10:3 - Bible en langue guiziga

³ Ɗiyukum ɓi ngi jumoˀay ati Buymisemuŋ ndra, vur ɓi ngi ɓula ngwas ndra mulakay ati ziri taŋhaya cek. I sipam di i mi ngi kuti ngi ɗik, ka kumani ɗu Esdras ati ngi mizli gar mazluwunam ti ɓimuɗuva ngi Buymisemuŋ ndra na. Sey i gaka kaɓa ɓimujuwa mawuɗo.

ESDRAS 10:3 ပူးပေါင်းရင်းမြစ်များ

BUYOY MUCUW NAŊ 11:17

Yoyada a ga ɓa jumoˀay a gi ar wala ngi Buymisemuŋ ati buyo waɗ mizli Israyeleye, ɓa Israyeley a ndiram i sukwi ngi Buymisemuŋ. Yo ɓa jumoˀay a gi ar wala ngi buy ati sukwi Israyele ma.

ƁI NGI HINEY MUCUW NAŊ 29:10

Wurenna so na, i wuluk le ngi jumoˀay ati Bumbulvuŋ Buymisemuŋ ngi Israyele, ɓa mevele mufõh fõh ar ndra na, a tisli.

ƁI NGI HINEY MUCUW NAŊ 30:12

Asi ruwuy Zuda kwana, Buymisemuŋ ara gi slra, ɓi ngi buy ati mizli hirnga naŋhay miɓaka na, ɓa mizli, jom ˀay purla, a gaka kaɓa Bumbulvuŋ miɓa.

ƁI NGI HINEY MUCUW NAŊ 34:21

«Ɓi ngi ɗerewol mulumoko di hana na, ara cufuɗaka Bumbulvuŋ aseˀe vur ya, vur is ngi Israyel ati Zudahaya. Asi mingiɓi hana i ɓi madiɗa, Bumbulvuŋ a zuɓ himaˀ le fõh fõh ar ndra, asi dideˀ ndrahay a jaka ɓi nga naŋ Bumbulvuŋ a hirnga ta, yo a gaka gwata kaɓa mutohoko cek ar ɗerewol hana na ta.»

ƁI NGI HINEY MUCUW NAŊ 34:27

ka micina mingiɓi ya miɓa vur li hana waɗ vur mizli ngi raˀahaya cin cin na, a wusuw mevele le, hã ki hin hirnga le a mbuŋ ɗu, ya Bumbulvuŋ. Ani ki hin hirnga le a mbuŋ ɗu, ki ngira zana ɗik ngi vu vuhoyo, hã ki tuwuy a mbuŋ ɗu. Naŋ kuy, ya kwana i cinuw di le, i mingiɓi ɗu, ya Bumbulvuŋ.

ESDRAS 10:11

Wurenna, njikaka mungra kumoyo da Bumbulvuŋ, Buymisemuŋ ngi dideˀ kumoyo, yo gakaŋ gwat naŋ mawuɗo. Wunukam ati mizli ngi si ruwuy hana, waɗ ati ngwas kumoy, ziri mulakay na.»

ESDRAS 10:44

Mizli tayna gar na, a ɗuvam ngwasaya i ziri mulakay, yo hã mekelemey a wuzla taŋ a yam ziri le.

ESDRAS 10:9

Dar mizli Zudahay gar waɗ Benjameŋhey a kusom a Zeruzalem angi hin makire. Naɓa i hin kukur cuw ngi kiya mungoltir naŋ. Mizli gar t'ada joa mamay hay Buymisemuŋ, a roko jijikam vur ɓi nah, yo vur vuŋ ara gi ma.

ESDRAS 9:4

Mizli gar misi mazluwunam ti mingiɓi ngi Buymisemuŋ ngi Israyele, a cikiloko nga ciki ɗu, vur mizli mijahay zleˀe mumoko ti ruwuy mulak, migam teŋteŋ ta na. Joˀ ya i ndir kupuyah a ruwuyo, hã pas ngi mikuli ngi pastaˀa.

NEHEMI 10:1

Vur ɓi ngi gwat tayna gar mindiloko avu ndra Israyeley na, i jumom ˀay kuy kuy wãˀ, waɗ toh toh ɓi nah ti tuh ar ɗerewol. Buy ndrahay, mizli madiɗa ndrahay ati levi ndrahay waɗ masay ndraˀahaya, a tohoko slimiɗ taŋhaya toh toh waɗ haŋ taŋ taˀ taˀ anga.

NEHEMI 8:14

A lumam a tohoko ar Ɓimujuwa misenna, gwat Bumbulvuŋ miɓa ɗaˀ le da Israyeley ti balam Moyis na: ti hin ngi muguzlum ngi kiya mitarnaˀ naŋ na, sey Israyeley a hinam ar mazlaɓay.

DIMISEY 119:120

Dum vu ɗu gar ara jijik ti zluwun a mbuŋ ɗike, yo ɓi ka mujuwa a mevel na, ara giy zluwuno ma.

DIMISEY 119:59

I wuluk le ar gwat ngi gi ɗu, i mawa ng'ar gwat ka mawuɗ cummo na a muŋ.

EZAYI 66:2

Yo ma na, gwat misi titirihey, kum mapuraka taŋ gar na, i ya miga taŋ ti haŋ ɗu, yo i ngayahay gar. Ya maɗuv hiri taˀ na, ng'ar mbur muvuso, mbur misi ar bonoy, ng'ar mbur mazluwun ti mingiɓi ɗu. I ya Bumbulvuŋ maɓi.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

EZEKIYEL 9:4

Bumbulvuŋ a ɓaŋ na: «Bula walahaya, walahay Zeruzaleme. Mizli muroko ti niˀic ati muroko ti tuwuy asi gi gwat mukuyta wãˀ magaka a diga na, ga taŋ lammba a midibiɗ taŋhaya.»

Slu cuw 29:12

Naŋ kine, ɓa ki tiram mizli naŋhay, yo naŋ kwana, a tiri Bumbulvuŋ kum, kaɓa naŋ muɓukum di zleˀe da kum vuna, yo kaɓa naŋ miɓa ti hudum da dideˀ kumoy, ti Abraham, Izak waɗ Zakop na.

ZOZUWE 9:6

A ram, ara lumaka Zozuwe ar li pi sar taŋ a Gilgal, a ɓaka Zozuwe ati mizli Israyeleye na: «I soko ti hirwuy mikileŋ. Wurenna ɗiyukum ɓi ngi jumom ˀay ar wala ndra.»