ESDRAS 10:18 - Bible en langue guiziga

¹⁸ A wuzla masayaya, muzuɓam ngwasay, ziri mulakaya, t'ani: A wuzla dideˀ ngi Yesuwahay ati sukum naŋ, ziri ngi Yosadakaya, i ti: Maˀaseya, Eliyezer, Yarip, waɗ Gedaliya.

ESDRAS 10:18 ပူးပေါင်းရင်းမြစ်များ

ESDRAS 10:17

Yo ngi hin mudumbuŋ ngi kiya mudumbuŋ na, mizli gar muzuɓam ngwasay i ziri mulakay tuwa na, pura ɓi nah a kiɗ mi le.

ESDRAS 2:2

Mukoko taŋ mbuŋ i ti: Zorobabel, Yesuwa, Nehemiya, Seraya, Relaya, Mordokay, Bilesaŋ, Mispar, Bigivay, Rehum waɗ Baˀana. Mizli Israyel, mizileheye t'ani:

ESDRAS 2:36

Ngay ngi masayay ani: muy ngi Yedayahay, dideˀ ngi Yesuwahay: skat skat ngoltir ti kukur tarnaˀ nga makir,

ESDRAS 3:2

Yesuwa masay, mangal ngi Yosadak ati sukum naŋ masayaya, waɗ Zorobabel, mangal ngi Seyaltiyel ati sukum naŋhaya, a zlaka ndira li gi mikuli da Buymisemuŋ ngi Israyele, ɓa a gam mikuli mizlam zlam anga, kaɓa mutohoko ɓi naŋ angi ɓimujuwa ngi Moyis, mbur ngi Buymisemuŋ.

ESDRAS 3:8

Ar kiya mucuw naŋ, ngi vi mucuw naŋ, taŋ mindilam angi li ngi hay ngi Buymisemuŋ a Zeruzaleme na, Zorobabel, mangal ngi Seyaltiyel, Yesuwa, mangal ngi Yosadak, waɗ is ngi sukum taŋ masayaya, levihey ati mizli gar mumoko nga Zeruzalem tir hirwuy mijaka taŋ nga diga na, a zlaka a cam levihey misi vi kukur cuw malla mufuna le, ɓa a jiginaka slra ngi ndira hay ngi Bumbulvuŋ.

ESDRAS 5:2

Akẽh na, Zorobabel mangal ngi Seyaltiyel waɗ Yesuwa mangal ngi Yosadaka, a slikiɗam, dar a zlaka ndira hay ngi Buymisemuŋ a Zeruzaleme, yo mijiviɗ ngi Bumbulvuŋhoy ada, dar a jinaka taŋ.

ESDRAS 9:1

A dirba gwat tayna mikiɗam mi na, buy ngi wuzla mizli a soko ng'avi ya, a ɓikiy na: «Mizli Israyeley ati masayay waɗ leviheye, ko a wuɗukam ati mizli mulakay misi asi ruwuy hana t'aruŋ. A ra sipaka gi gwat taŋ mukuyta wãˀ na, waɗ gi gwat ngi Kanaˀanay, ngi Hitihey, ngi Perzihey, Zebusihey, Amoŋhoy, Moˀapay ati ngi Eziptehey waɗ ngi Amoriheye.

ESDRAS 9:2

Taŋ ati ziri taŋ mizileheye, a zuɓam ngwasaya i ziri ngi mizli tayna, mbak sukwi misi naŋ mipal na, a jihiɗam ati mizli tayna misi asi ruwuyo. Micam dumbuŋ ar gi teŋteŋ ta nah vuna, i buyoy ati mizli madiɗahay jak ma.»

NEHEMI 12:10

Yesuwa a yi Yoyakim, Yoyakim a yi Eliyasip, Eliyasip a yi Yoyada,

NEHEMI 13:28

Mangal ada pal asi ziri ngi Yoyadahaya, i dideˀ ngi Eliyasip, masay madiɗa, yo i jomo ngi Sanebalat, mbur Hori. Yi ɓula ɓak kileŋ avu Zeruzaleme.

NEHEMI 8:4

Esdras, mbur misina toho gwata, a cici deŋ ar li miɗiyaka ti dum hĩˀĩ vriw a muŋ. Mideŋ deŋ a cikeˀe tir vay hazumo i ti: Matitiya, Sema, Anaya, Uriya, Hilkiya waɗ Maˀaseya. Yo tir vay gula kwana, i ti: Pedaya, Mikayel, Malkiya, Hasum, Hasebadana, Zakari waɗ Mesulam.

NEHEMI 8:7

Akẽh na, mizli levihey: Yesuwa, Bani, Serebiya, Yamin, Akup, Sabetay, Hodiya, Maˀaseya, Kelita, Azariya, Yosabat, Hanan waɗ Pelaya, mizli tayna a zlaka a dubunaka taŋ Ɓimujuwa tuwa.

ZEREMI 23:10

Mizli gar i migi madamahay asi ruwuyo. Hirwuy ara tuwuy vagay, asi i minisa le, li zum ngi ginewey a pala, ara muˀul. A wusam vu nga taŋ, sey nga gi malambaˀa, yo a tumom vu nga taŋ, sey ngi gi gwat mibinyaˀ binyaˀ lambaˀ.

ZEREMI 23:11

Mijiviɗey ati masayaya, i miziriɗa mihey: i pura na, a ndilam ti moˀore taŋ na le, hã sesẽŋ ar hay ɗu. I ya Bumbulvuŋ maɓi.

ZEREMI 23:14

Amma avu mijiviɗ Zeruzalemeye, i pur gwat le mukuyta muwãˀ naŋ ma: a vulaka vu taŋ da madama, yo a gam gwat mikaslsla ta. A jinam is ti gidaŋ asi migi malambaˀhaya: mbak ko mbur mapula gi moˀore anta. Avi ya na, taŋ gar a tiram le rak rak ati Sodomoy, mizli ngi raˀahaya, a bam vu ati mizli Gomoroy.

EZEKIYEL 44:22

Masayaye, ngwas wudiga malla muɓula le ti ɓul na, t'anta zuɓaka ta, a zuɓam sey diili Israyel mungbuˀo kine aruŋ. Amma da wudiga i ngwas ngi masay zleˀe na, a ngilaka zuy ɓula.

LEVIHEY 21:7

«Ngwas sulome, ngwas mihinam di le ɗaˀ malla ngwas muɓula le na, taŋ a zuɓaka ngi ngwasa ta. Asi masay na, i mbur muvula le wãˀ da Buymisemuŋ naŋ.

Ɗerewol AZE 1:1

Ar vi mucuw naŋ ngi Dariyus mazum buyo, hin mudumbuŋ ngi kiya mimerkeɗ naŋ na, Zorobabel, mangal ngi Seyaltiyel, buy miwa hirwuy Zuda, yo Yesuwa, mangal ngi Yosadak, masay madiɗa na, Bumbulvuŋ a ɓa mijiviɗ naŋ Aze, ɓa a ɓa t'ani:

Ɗerewol AZE 1:12

Mijiviɗ Aze maɓa taŋ ɓi ngi Bumbulvuŋ, Buymisemuŋ taŋ tuwa na, Zorobabel, mangal ngi Seyaltiyel ati Yesuwa, mangal ngi Yosadak, masay madiɗa waɗ is ngi mizli gar na, dar ara cinaka ˀay ngi Bumbulvuŋ, Buymisemuŋ taŋ waɗ mingiɓi ngi mijiviɗ Aze maɓa ɓi ngi slra naŋ kaɓa Bumbulvuŋ, Buymisemuŋ taŋ muvulaŋ di. Joˀ mizli a gaka dudok da Bumbulvuŋ.

Ɗerewol AZE 2:4

Ani wurenna so na, ya Bumbulvuŋ i ɓuw ka Zorobabel, mangal ngi Seyaltiyel, buy miwi hirwuy Zuda, yo ka Yesuwa, mangal ngi Yosadak, masay madiɗa, waɗ kum is ngi mizli gara, tumom vu. Ya Bumbulvuŋ misi gidaŋ wãˀa, i ɓukum, slikiɗam, gam slra! Asi mike na, ya Bumbulvuŋ misi gidaŋ wãˀ i ɓukum, y'ada ati kumo.

ZAKARI 3:1

Akẽh na, Bumbulvuŋ a bigiy Yesuwa, masay madiɗa, ɓa i puraŋ, naŋ deŋ a mbuŋ modro ngi Bumbulvuŋ. Satana kwana naŋ da deŋ a ciki naŋ akẽh tir vay hazum naŋ, ara kupaŋ ɓi.

ZAKARI 6:11

Ki sa hila ɓiri bara ati ɓiri tapasl tapasl, ki vuɗ taŋ loppol, waɗ kisa ca a hirnga Yesuwa, mangal ngi Yosadak, masay madiɗa.

TIMOTE MUDUMBUŊ NAŊ 3:11

Ngwasay kwana, anja i ngwasay mindilaka le ya. Anja i micikisla ɓihey ta, a sam mbaazla haɗa ta, taŋ teŋteŋ ar gwat gar.