ESDRAS 10:11 - Bible en langue guiziga

¹¹ Wurenna, njikaka mungra kumoyo da Bumbulvuŋ, Buymisemuŋ ngi dideˀ kumoyo, yo gakaŋ gwat naŋ mawuɗo. Wunukam ati mizli ngi si ruwuy hana, waɗ ati ngwas kumoy, ziri mulakay na.»

ESDRAS 10:11 ပူးပေါင်းရင်းမြစ်များ

ƁI NGI HINEY MUCUW NAŊ 30:22

Levihey mupulaka mevel taŋ le mbak kuy kuy da Bumbulvuŋ gar na, mingiɓi ngi Ezekiyas a ci le a mevel taŋ. Joˀ a ram ti gi muguzlumo hã hin tarnaˀ, a roko gam mikuli ngi ngiɓiˀay, yo ara gaka sise da Bumbulvuŋ Buymisemuŋ ngi dideˀ taŋhaya.

ESDRAS 10:10

Masay Esdras, a slikiɗ, dar a ɓa taŋ: «Israyeley, kum migam teŋteŋ ta, yo kum muzuɓam ziri ngi mizli mulakay na, kite ki giɗam di i mungra ngi Israyeley ava.

ESDRAS 10:12

Mizli misi ar kuso gar, a mbiɗakaŋ di ˀay paɗ a muŋ: «Naŋ kanah gisiŋ! Sey i gaka gwat ka miɓa ndra di na.

ESDRAS 10:3

Ɗiyukum ɓi ngi jumoˀay ati Buymisemuŋ ndra, vur ɓi ngi ɓula ngwas ndra mulakay ati ziri taŋhaya cek. I sipam di i mi ngi kuti ngi ɗik, ka kumani ɗu Esdras ati ngi mizli gar mazluwunam ti ɓimuɗuva ngi Buymisemuŋ ndra na. Sey i gaka kaɓa ɓimujuwa mawuɗo.

ESDRAS 9:1

A dirba gwat tayna mikiɗam mi na, buy ngi wuzla mizli a soko ng'avi ya, a ɓikiy na: «Mizli Israyeley ati masayay waɗ leviheye, ko a wuɗukam ati mizli mulakay misi asi ruwuy hana t'aruŋ. A ra sipaka gi gwat taŋ mukuyta wãˀ na, waɗ gi gwat ngi Kanaˀanay, ngi Hitihey, ngi Perzihey, Zebusihey, Amoŋhoy, Moˀapay ati ngi Eziptehey waɗ ngi Amoriheye.

NEHEMI 13:3

Israyeley tuwa, taŋ micinaka muslufaka Ɓimujuwa ngi Bumbulvuŋ nah na, a bam ti mizli Israyele migisiŋ gisiŋ tahaya gar avra.

NEHEMI 9:2

Mizli misi taŋ i sukwi Israyel gar na, a ngicam ngac pal taŋ avu mizli mulakaya, a cifam baˀ pal taŋ ɓa a njikaka mungra taŋhay ati ngi dideˀ taŋhay aya.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

MIKUCUWULOY 28:13

Mbur maɗumo malambaˀ naŋ na, naŋ anta bi ti jeŋ ta, mbur manjika malambaˀ naŋ, yo maga mata na, a sa pulakaŋ malambaˀ naŋ vuna avra.

EZAYI 56:4

Ya Bumbulvuŋ i ɓi na: «Mizli munguɗoho majaka ɓi ngi hin ngi sabat ɗuwoy a hirnga, mawuɗam gi gwat maciriy hiri, yo midedeŋ ndrehhe ar ɓi ngi jumoˀay ɗu na,

ZEREMI 3:13

Amma si na malambaˀ ɗik na ɓula: ka mislikiɗ ɓi na, avu Bumbulvuŋ Buymisemuŋ ɗiki. Ki wus vu ngi ru aka aka ng'avi kulihey, asi widis mutukuf tukufoy gar. Ki cine mingiɓi ɗu ta. I ya Bumbulvuŋ maɓi.

ZEREMI 7:3

Bumbulvuŋ misi gidaŋ wãˀ, Buymisemuŋ ngi Israyele, a ɓi na: ɗiyaka gwat ngi gi kum ati joˀ kumo, ɓa zliv i cifam ati kum ar li misenna.

EZEKIYEL 18:30

Vurˀe, kum Israyeley, i gukum kiita, mbur gar na, weˀe avu sipi jiviɗ naŋ, Moko, pulaka slikiɗa ɓi kumoy na gar, ɓa mungra kumoy na, a hizigiɗukum mata. I ya Bumbulvuŋ, Buymisemuŋ maɓi.

Ɓimezle ngi Yesu Kristu ZAŊ mitil di mi 9:24

Farisahay a ziloko mbur dangar tuwa sar mucuw naŋ ma, a ɓakaŋ: «Ɓi njah a mbuŋ Buymisemuŋ! Ndr'i sinaka le, mbur nah i mbur migi mungra.»

ROMAHAY 12:2

Anja ki sipam sirik ngi duniya hana ta, amma pulaka Buymisemuŋ ɓa a mbuɗukum ar lesl kum mimbiɗi nawaya wãˀ na. Dar kisa slaka wala ngi gwat Buymisemuŋ mawuɗo: gwat mukuy, gwat maciraŋ hiri, gwat manja hereweɗe.

KORENTIHEY MUCUW NAŊ 6:17

Vurˀe, Bumbulvuŋ a ɓi: «Bam avra ti wuzla mizli tayna so. Cifam baˀ pal kum. Gwat misi dili na, ki jaka haŋ ava ta, ɓa ya, i sa tuɓukum.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

HEBEREY 13:21

anja a tiri ti kum wirwir ngi gi gwat mezle, naŋ mawuɗ gar. Gwat maciraŋ hiri na, anja a ga a hur ndra tisi Yesu Kristu, mizli mavulakaŋ dudok hã ngi set na. Amin!

ZOZUWE 7:19

Zozuwe a ɓa Akan tuwa: «Mangal ɗu, vula dudok da Bumbulvuŋ, Buymisemuŋ ngi Israyele, yo hunumaŋ. Gwat ka miga na, bigiy di, anja ki ɗum gwat avu ya ta.»