ESDRAS 10:1 - Bible en langue guiziga

¹ Esdrasa, ti naŋ mira dir dibiɗ, yo naŋ mira njika mungra naŋhaya ti tuwuy, huruk a mbuŋ hay ngi Buymisemuŋ na, Israyeley hiɗim hiɗim, ziley, ngwasay, ziri, a sa kusom nga cikeˀe. Asi mizli Israyeley a roko tuwam kaɗam kaɗam.

ESDRAS 10:1 ပူးပေါင်းရင်းမြစ်များ

BUYOY MUDUMBUŊ NAŊ 8:30

Ya maziluw, yo Israyel mizli ɗikey matumbulukuw hiri ta taˀ ng'ar li misenna na, ambuh, cine takwa! Bumbulvuŋ, cino diradibiɗ ndra zle a muŋ, ar li ka misi anga a diga na. Cina ndra di, yo pula mungra ndraˀahaya.

BUYOY MUDUMBUŊ NAŊ 9:3

Bumbulvuŋ a ɓaŋ: «Ka midir dibiɗ, yo ka mutumbuliy na, i cine le. Hay ka mindira hana na, i tiri di le pal, ɓa slimiɗ ɗu a zil anga, ngi caˀa. I sa ɗuva hiri ɗu ati mevel ɗu taˀ anga ndrehhe.

ƁI NGI HINEY MUCUW NAŊ 20:13

Mizli Zudahay gar ati hay taŋhay, ngwas taŋhay waɗ ziri taŋhaya, a roko deŋ ti deŋ, yom a mbuŋ Bumbulvuŋ.

ƁI NGI HINEY MUCUW NAŊ 20:9

Da gwat ngi mendere a ndilo le avu ndra, kaɓa ani: kiɗ ti maslalam, bonoy, jiji mozorbono malla may na, i sa soko cicam a mbuŋ ɗik avu hay hana, asi k'ada angaŋ, yo ar bonoy ndra, da i wudam le ng'avi ka na, naɓa kisa cine ndra di, dar kisa laha ndra.

ESDRAS 10:6

Esdras a slikiɗ tir li naŋ misi a mbuŋ hay ngi Buymisemuŋ tuwa. Aru kini ng'avi viŋ ngi Yohanaŋ, mangal ngi Eliyasip. Naŋ mindil a diga na, a zum ɗaf ta, a si yam ta, asi a ro lik vur mizli mijahay zleˀe mumoko ti ruwuy mulak, migam teŋteŋ ta na.

NEHEMI 1:4

Ya micina mingiɓi hana tuwa cin na, ya joˀ nga ruwuy ti tuwuy, hã i zik ar li like, hin mbeˀ mbeˀe. Yo i ra gi dalyam, i ra dir dibiɗ a mbuŋ Buymisemuŋ misi ar birngiŋ.

NEHEMI 1:6

Anja ki jiko slimiɗ, yo ki ɗuvo hiri ng'ar ya, ɓa ki cine diradibiɗ nga ya gawla ɗike takwa! Wurenna, duvuɗ ti papas gar na, i ra dir dibiɗ a mbuŋ ɗike, vur gawla ɗik Israyeleye. Mungra, ndra Israyeley mugukuw di gar na, i ra njukuw di. Ya ati dideˀ ɗuwoyo i gam mungra le avu ka.

NEHEMI 10:28

Maluk, Harim, waɗ Baˀana.

NEHEMI 8:9

Akẽh na, Nehemi, mbur miwi li ati Masay Esdras misina toho gwata waɗ Levihey maɓaka pulaˀvra ngi Ɓimujuwa da mizli gar na, a ɓaka taŋ: «Hin misenna i hin ngi Bumbulvuŋ, Buymisemuŋ kum. Anja ki likam ta, yo ki tuwam ta!» Asi mike na, mizli gar macinaka mingiɓi ngir Ɓimujuwa tuwa na, a roko tuwam zleˀe.

DIMISEY 119:136

Ɓimujuwa ɗike, ya mapura, mizli anta jaka a hirnga ta na, i tuwuy kol kol.

DIMISEY 32:5

I njikuw mungra ɗu le, i ɗumo malambaˀ ɗu ta. I ɓi: «I njika mungra ɗu da Bumbulvuŋ.» Joˀ ka, ki zuɓa mungra ɗu mududok na avra.

ZEREMI 13:17

Da kum anta cinikiy di ta ma na, i sa ra ndir ɗoɗok pal ɗu ar li muguc, asi huhumo vu kum na. I sa tuwuy, i tuwuy hiri hindrik hindrik, asi ginew ngi Bumbulvuŋ, gezleŋ taˀa, a jaka taŋ le ng'ar beke.

ZEREMI 9:1

Da y'ada ti li pi sar ngi muzuɓa mulakay a wuzlaɓuh mikirɗak kirɗak zleˀe na, anja ani i pula mizli ɗuwoy na, i cuh kileŋ avu taŋ, asi taŋ gar i migi madamahay, a vulam mizli ngi ji.

DANIYEL 9:20

I ra ɓi ɓi zleˀe aruŋ, i ra dir dibiɗ, i ra njika malambaˀ ɗuwoy ati ngi Israyel mizli ɗuwoy, i ra tumbulo Bumbulvuŋ Buymisemuŋ ɗu vur ɓi ngi muwã mipal nga naŋ Buymisemuŋ ɗu.

Ɗerewol OZE 14:2

Israyel, mawa ng'avu Bumbulvuŋ Buymisemuŋ ɗike so, ka maru tiɗam tiɗam na, asi gwat malambaˀ ɗik vuna.

ZAKARI 12:10

Mizli ngi hay Davitey ati mizli Zeruzalemeye, i sa po taŋ musuwun-uf ngi gi gwat mezle ati ngi tumbulo vu. Dar mbur taŋ mizligaka na, a sa puraka ngir tivi ya. A sa tuwaka vagay naŋ, kaɓa matuwam vagay ngi mangal kirmalay. A sa tuwakaŋ kaɗam kaɗam kaɓa matuwam mangal modogom.

Matiye 3:6

A njikaka mungra taŋhaya, joˀ Zaŋ a ca taŋ ar yam a mizaw Zurdeŋ.

Ɓimezle ngi Yesu Kristu LUK mitil di mi 19:41

Yo ti Yesu mindil gweˀ avu Zeruzaleme, naŋ mupura keɗ na, a tuwaŋ.

SLRA 10:30

Korney a mbiɗaŋ di: «Dana a gi le ani hin makir. Ti pas ngi ɓula away ngi hay kahana na, yi ro dir dibiɗ a hay ɗu. Gurjik si na, mbur misi ti zana miwilik wilik deŋ a mbuŋ ɗu.

SLRA 21:5

Amma a dirba ndra mikiɗaka mi ngi hin tarnaˀ na, i zuɓam jiviɗ, i ra ram. Taŋ tuwa gar, ngwas taŋhay ati ziri taŋhay gar, a kisam ndra sesẽŋ a duba gala. I dilkam a mi yam a diga, dar i diram dibiɗi.

ROMAHAY 9:2

I ra lik haɗi haɗi wãˀ a mevel ɗu, ara giriy, anta kiɗ mi ta.

Slu cuw 31:12

Ki sa cikilaka mizli gar: ziley, ngwasay, ziri, ko mulakay misi ar walahay kumoy, ɓa ngi cine ɓi maslufaka hana, ɓa a dubunakaŋ, a zluwunam ti Bumbulvuŋ Buymisemuŋ kumo, ɓa a jaka mingiɓi ngir ɓimujuwahay gar a hirnga, yo ɓa a kam slimiɗ ar taŋ.

ZOZUWE 7:6

Zozuwe ati micawwa ngi wuzla Israyeley a ngiraka zana ngi vu vuhoyo. A pam murɓuk sek sek nga hirnga, a hurkom huruk huruk a mbuŋ akoti ngi Buymisemuŋ, hã pastaˀ.

ZOZUWE 8:35

Gwat Moyis miɓa ɗaˀ le na, Zozuwe a slufa prek prek a mbuŋ jum ngi Israyeley gar, taŋ jom ati ngwasay, ziri waɗ moholoyoy misi a wuzla taŋ.