ESDRAS 1:7 - Bible en langue guiziga

⁷ Gwatay, Nabukodonozor mihila taŋ zleˀe ar hay ngi Buymisemuŋ a Zeruzalem, ara pa taŋ ar hay kuli naŋhay na, buy Siruso, a bo taŋ a muŋ.

ESDRAS 1:7 ပူးပေါင်းရင်းမြစ်များ

BUYOY MUCUW NAŊ 24:13

Zlili ngir hay ngi Bumbulvuŋ ati zlili ngi hay buyo Nabukodonozor a hila gar. Yo gazlanga ngi ɓiri tapasl tapaslay misi ar hay ngi Bumbulvuŋ, Salomoŋ, buy Israyel muvuɗa taŋ zleˀe na, a nguɓuco taŋ gar nguɓoc nguɓoc. Hana gar a gi na kaɓa Buymisemuŋ miɓa zleˀe.

ƁI NGI HINEY MUCUW NAŊ 36:10

Ar zli virzi ngi mohor na, Nabukodonozor a slino mizli ɓa a jaka Zoˀakiŋ, ɓa a ram di nga Babiloŋ waɗ gwat mupuɗaw puɗaway ngir hay ngi Bumbulvuŋ, dar a cifi buy Zuda ati Zeruzalem, i sukum naŋ Sedesiyas.

ƁI NGI HINEY MUCUW NAŊ 36:18

A hila gwat ngir hay ngi Buymisemuŋhoyo cek, gwat madiɗahay ati memeɗehey, zlili ngir ngi hay Buymisemuŋ, zlili ngi buy, ngi gawla naŋhay, a cuh taŋ cek nga Babiloŋ.

ƁI NGI HINEY MUCUW NAŊ 36:7

Nabukodonozor tuwa, a hil gwatay ti sukwi wal wal haɗa ar hay ngi Bumbulvuŋ, dar ara pa taŋ ar hay nga naŋ buy, a Babiloŋ.

ESDRAS 5:14

Yo ma na, gwat ngi ɓiri tapasl tapasl ati ngi ɓiri gazahay ada zleˀe ar hay ngi Buymisemuŋ a Zeruzaleme. Nabukodonozor a hila taŋ, ara pa taŋ ar hay ngi kuli a Babiloŋ. Dar buy Sirus a hila taŋ tir hay ngi kuli tuwa, a vula taŋ da mbur mazilaka Sesebasar, naŋ mucufaŋ i buy miwi li a Zuda.

ESDRAS 6:5

Yo ma na, gwat ngi ɓiri tapasl tapasl ati ngi ɓiri bara ngir hay ngi Buymisemuŋ a Zeruzalem, Nabukodonozor mihila taŋ zleˀe nga Babiloŋ na, a sa moko taŋ tiɗeˀe ng'ar li taŋ a muŋ ar hay ngi Bumbulvuŋ a Zeruzaleme.»

ZEREMI 51:44

I wuɗ i ga bonoy da kuli Bel ngi Babiloŋ, gwat ngi zum naŋ mahumbuɗa na, i tiɓa avu mi naŋ. Sukwi ngi mizli anta sa ram urnok urnok ng'avaŋ mata, mohol ngi Babiloŋ vuna, ara mbizli.

DANIYEL 1:2

Bumbulvuŋ a vula Zoˀakiŋ asi haŋ ngi Nabukodonozor. Joˀ Nabukodonozor a hil cah avu gazlanga ngir hay ngi Buymisemuŋ. A ji mizli ng'ar dangay ngi Babiloŋ, yo a pa gwat mitiɓa ar vurumo ng'ar hay ngi kuli naŋhay, ar hay ngi pi zlili.

DANIYEL 5:23

Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.