ESDRAS 1:6 - Bible en langue guiziga

⁶ Dar midigwi taŋhay gar, a jinaka taŋ haɗi, a vulaka taŋ gwat ngi ɓiri bara ati ngi ɓiri tapasl tapaslay, zlili mekelemey, ginew, gwat mupuɗaw puɗaway waɗ gwat muvula ngi mongoy taŋhaya gar.

ESDRAS 1:6 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 29:9

Joˀ mizli a vulaka gwat taŋhay da Bumbulvuŋ ti mevel purla, a cira taŋ hiri haɗi. A cira hiri da buy Davite haɗa ya.

ESDRAS 1:4

Ar li misi Israyeley mindiram le ara a ra gar na, anja mizli ngi digahay a jinaka mizli mamam na, ti ɓiri bara, ɓiri tapasl tapasl, zlili mekelemey, ginew, waɗ gwat taŋ mavulaka ngi mongoy taŋ vur hay ngi Buymisemuŋ misi a Zeruzalem na!»

ESDRAS 8:33

Angi hin mumufaɗ naŋ na, ɓiri bara, ɓiri tapasl tapasl waɗ gwat mupuɗaw puɗawaya, i waka taŋ ar hay ngi Buymisemuŋ ndra. Dar i vulaka asi haŋ ngi Meremot, masay, mangal ngi Uriya, taŋ ati Elazar mangal ngi Pinas, waɗ levihey ada a ciki taŋ, i ti Yosabat mangal ngi Yesuwa ati Noˀadiya, mangal ngi Binuwi.

NEHEMI 6:9

Asi mike na, mizli tayna gar a wuɗam na, ɓa a gam ndra zluwun, vur a ɓam ti kwacay taŋ na: «Naɓa a sa pulam haŋ kwalal avu slra, ɓa slra taŋ anta sa kiɗ mi mata wãˀ!» «Haˀaw Buymisemuŋ, vuliy gidaŋ ar slra misenna takwa!»

DIMISEY 106:46

Mizli mijahay le nga ruwuy mulak gar na, Buymisemuŋ a ga ɓa buy taŋhay a puraka taŋ ircece.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

BI NGI ISRAYELEY 12:35

Israyeley a gaka kaɓa Moyis miɓa taŋ di, a cufuɗam gwat muvuɗa ti ɓiri gaza, ti ɓiri tapasl tapasl waɗ godohoy avu Ezipteheye.

BI NGI ISRAYELEY 12:36

Akẽh na, Bumbulvuŋ a ga ɓa Eziptehey a gaka taŋ mezle, a vulaka taŋ gwat taŋ mucufuɗama. Vurˀe, Israyeley a kurtoko gwat ngi Ezipteheye talalaŋ!

EZAYI 35:3

Hirbazla migirahay na, vulaka taŋ gidaŋ, poprok muguluɓ guluɓoyo gaka taŋ solok.

KORENTIHEY MUCUW NAŊ 9:7

Anja mbur gar a vul ka naŋ muwulka le a mevele, manja niˀic malla manja tika ˀay. Asi Buymisemuŋ a wuɗ di i mbur mavul gwat ti mumul.