ESDRAS 1:3 - Bible en langue guiziga

³ Ko wa gar a wuzla kumo, mubo ti wuzla mizli naŋhay gar na, anja Buymisemuŋ naŋ a ndir ati naŋ, a mi nga Zeruzalem, hirwuy Zuda, nga ndira hay da Bumbulvuŋ Buymisemuŋ ngi Israyele. I Buymisemuŋ misi a Zeruzalem!

ESDRAS 1:3 ပူးပေါင်းရင်းမြစ်များ

BUYOY MUDUMBUŊ NAŊ 18:39

Mizli Israyeleye, taŋ mupuraka gwat migi kanah tuwa na, taŋ gar a hurukom a ruwuy a ruwuy, dar a zlaka widi: «Buymisemuŋ migisiŋ i Bumbulvuŋ! Buymisemuŋ migisiŋ i Bumbulvuŋ!»

BUYOY MUDUMBUŊ NAŊ 8:23

Joˀ a ɓi: «Bumbulvuŋ, Buymisemuŋ ngi Israyeley, Bumbulvuŋ misi kaɓa ka, ko ar birngiŋ a muŋ anta, ko a ruwuy aka anta ma. Gawla ɗikeye, da t'ada ram kuy kuti mevel purla a mbuŋ ɗike na, jumoˀay ɗik ati taŋ, K'anta ngila ɓi nah ta, yo ki ndir teŋteŋ avu taŋ.

ƁI NGI HIN GAR MUDUMBUŊ NAŊ 28:20

Joˀ Davit a ɓa mangal naŋ Salomoŋ na: «Mangal ɗu, tum vu tum, yo cici zlak! Zla slra, ki zluwun ta, ki jijik ta! Asi Bumbulvuŋ Buymisemuŋ ɗu na, naŋ da ati ka. N'anta a sa puluw fuk ta, hã avu kiɗa mi ngi slra ngi hay ngi Bumbulvuŋ wãˀ.

ESDRAS 1:4

Ar li misi Israyeley mindiram le ara a ra gar na, anja mizli ngi digahay a jinaka mizli mamam na, ti ɓiri bara, ɓiri tapasl tapasl, zlili mekelemey, ginew, waɗ gwat taŋ mavulaka ngi mongoy taŋ vur hay ngi Buymisemuŋ misi a Zeruzalem na!»

ESDRAS 4:3

Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

ESDRAS 5:13

Amma, ar vi mudumbuŋ ngi Sirus mazum buy a Babiloŋ na, a pula jiviɗ ngi ndira hay ngi Buymisemuŋ hana hiri naŋ a muŋ.

ESDRAS 5:3

Hirak ti hin nah vuna si na, Tatenay buy miwi li ngi si pas ngi pastaˀ ngi Efrat waɗ Setar-Bozinay ati cil taŋhaya, a soko lumaka taŋ a cufuɗaka taŋ: «Muvulukum jiviɗ ngi ndira hay hana waɗ ngi slikiɗa moholo hiri naŋ a muŋ i waka?

ESDRAS 6:7

Pulaka Yudeheye mbak a ndiraka hay ngi Buymisemuŋ, buy Yude miwi li ati mizli micawwa ngi Yudeheye, a sa ndiraka hayakaˀ ar li naŋ a muŋ.

DIMISEY 132:13

Asi mike na, Bumbulvuŋ a wini di i Siyoŋ, a wuɗ Siyoŋ le ɓa a ndir i li cifi naŋ.

DIMISEY 83:18

Anja a pam mesem, yo anja zluwun a ga taŋ hã ngi sete! Anja a micam ti mesem wãˀ.

EZAYI 37:16

«Bumbulvuŋ misi gidaŋ wãˀ, Buymisemuŋ ngi Israyel, ka mua duba Kerubeŋhey, angi zumabuy ngir duniya gar na, Buymisemuŋ i ka pal ɗik tewle. Asi miga muŋ ati hirwuy i kaha.

EZAYI 44:28

Yi ɓi vur Siruso: «Naŋ i mijigina mizli ɗuwoy.» Gwat maciriy hiri gar na, i sa ga ɓa a gi kasl kasl avu naŋ. Yo i ɓi vur Zeruzaleme ma na: «Anja a ndiraka hiri naŋ a muŋ», yo hay nga ya Bumbulvuŋ: «Anja a ɗuvaka virzi naŋ a muŋ.

EZAYI 45:5

Bumbulvuŋ i ya, mekelem anta, mbak ya le na, Buymisemuŋ mekelem anta. I sirkuw le ngi vurumo, manja ki siniy.

ZEREMI 10:10

Amma Bumbulvuŋ Buymisemuŋ mikaslsla, i Buymisemuŋ misi ti siifa, buy madiɗa hã ngi sete. Da naŋ miji mevel le na, hirwuy a jijik ngbir ngbir, yo sukwi ngi mizli anta ɓusaka himaˀ naŋ na gu ta.

DANIYEL 2:47

Buy a ɓa Daniyele na: «Gisiŋ, Buymisemuŋ kumo, i madiɗa fineˀ kuliheye, i madiɗa ar buyoyo, yo i minjika gwat maslaam wala tahay. Ka minjikiy gwat mufuna wuluk ngi mbur nah na, vurˀe.»

DANIYEL 6:26

Akẽh na, buy Dariyus a tuh letir da mizli gar, sukwihey ati mizli maɓam mi miwal walay misi asi hirwuy gar, a ɓa taŋ: «Anja ki cifam zuy zuy kuy kuy!

Matiye 28:20

Dubunaka taŋ ɓi ya muɓukum di ɗaˀ le na gar, ɓa a jaka a hirnga. Yo ya, y'ada ati kumo vur hin gar hã avu kiɗa mi ngi duniya.»

SLRA 10:36

A slino mingiɓi naŋ da Israyeley, a sa taŋ ti Ɓimezle ngi vula zuyo, tisi Yesu Kristu, naŋ Bumbulvuŋ ngi mizli gar.

Slu cuw 32:31

Amma mandazlay muwã nga taŋhaya, a ndila mandazlay muwã ngi ndra Israyeleye ta, ko mesene taŋhay vuna a sinaka le.

ZOZUWE 1:9

Na yi ɓuw le ɗaˀ le: Mbur mbar, tum vu tam kini. Ko ki jijik ta, yo ki hĩhĩy ta so tuwaŋ. Asi mike na, li ka masa ru anga anga gar na, Bumbulvuŋ Buymisemuŋ ɗike, naŋ da ati ka.»