ESDRAS 1:2 - Bible en langue guiziga

² Sirus, buy Perse, a ɓi ani: «Ya Siruso, zumabuy ngi si ruwuy gar na, Bumbulvuŋ, Buy muŋ, a vuliy di le da ya, yo naŋ ti hirnga naŋ vuna a ɓiy, ɓa i ra ndiraŋ hay a Zeruzalem, hirwuy Zuda.

ESDRAS 1:2 ပူးပေါင်းရင်းမြစ်များ

BUYOY MUDUMBUŊ NAŊ 8:27

Ani na, Bumbulvuŋ vuna a cifi a ruwuyo gisiŋ sukwani? Birngiŋ, ko ti naŋ mihaɗa gar na kwana, a ndila ngi cifi ti naŋ ta na si. Sokkota Hay ya mindira hana jak kwa.

ƁI NGI HINEY MUCUW NAŊ 2:12

Wurenna, y'ani i slinuw ti mbur misina gi gwat ti lesl haɗa so, i Huram-Abi.

ESDRAS 1:5

Akẽh na, buy ngi wuzla muyoy ar sukwi ngi Zuda ati ngi Benjameŋ, yo masayay ati levihey, waɗ mizli gar, Buymisemuŋ mica taŋ wuluk ngi ru nga ndira hay ngi Bumbulvuŋ a Zeruzaleme, a jaka jiviɗe, a ram so.

ESDRAS 3:7

Waɗ ma na, a wurkaka miciɗa ɗuguroy waɗ mujuwa marjahaya, yo a vulaka gwat ngi zum, gwat ngi si waɗ mal da mizli Sidoŋhoy ati mizli Tirey, ɓa taŋ kwana, a slinoko taŋ dum ngi widis miter ngi Libaŋ tir mubuliy, hã sesẽŋ a Zafa. A gaka kanah, asi Sirus, buy ngi Perse, a vula taŋ jiviɗ nah le.

ESDRAS 4:3

Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

ESDRAS 5:15

A ɓaŋ na: Hila gwat hanayna, ara pa taŋ ar hay ngi Bumbulvuŋ a Zeruzalem, yo anja ɓa a ndiraka hay nah hiri naŋ a muŋ, kaˀ ar li naŋ misi zleˀe.

ESDRAS 6:10

ɓa a gam di mikuli ngi tisla mevel da Buy muŋ, yo ɓa a diram dibiɗ vur siifa ngi buy ati ngi ziri naŋhaya.

ESDRAS 6:3

Ar vi mudumbuŋ ngi Sirus mazum buy na, a vula ɓi ani: Hay ngi Bumbulvuŋ a Zeruzalem. Anja a ndiraka haya ar li magam mikuli, yo ar li misi virzi naŋ muɗuva zleˀe na: gil naŋ nga muŋ, metir kukur makir, sliprik naŋ, metir kukur makir.

ESDRAS 7:12

«Artakzerses, madiɗa ngi buy madiɗahay, matuhuw letir hana da ka Masay Esdras misina ɓimujuwa ngi Buymuŋ le kuy kuy, ndir zuy zuy.

NEHEMI 1:4

Ya micina mingiɓi hana tuwa cin na, ya joˀ nga ruwuy ti tuwuy, hã i zik ar li like, hin mbeˀ mbeˀe. Yo i ra gi dalyam, i ra dir dibiɗ a mbuŋ Buymisemuŋ misi ar birngiŋ.

NEHEMI 1:5

Yi ɓaŋ: «Aw Bumbulvuŋ, Buymisemuŋ ngir birngiŋ, ki Buymisemuŋ madiɗa, yo ki Buymisemuŋ magi zluwun da mburu. Mizli mawuɗokuw, yo majaka ɓimuɗuva ɗikey a hirnga na, ka Buymisemuŋ, ki ro ti jumoˀay ati taŋ, yo k'ada teŋteŋ avu taŋ.

DIMISEY 136:26

Hunumaka Bumbulvuŋ ngi muŋ, asi gi teŋteŋ naŋ, anta kiɗ mi ta.

DIMISEY 85:2

Bumbulvuŋ, ki biga le, k'ada ki wuɗ hirwuy ɗike. Dideˀ ngi Zakopoy i mijahay le zleˀe, amma ki mo ti taŋ le a muŋ.

MIKUCUWULOY 21:1

Mevel ngi buyo, naŋ kaɓa mizaw asi haŋ ngi Bumbulvuŋ, a ngi di hirnga ng'ar li naŋ muwuɗ le gar.

EZAYI 41:2

Tisi pas ngi miprik a diga, mislikiɗo mbur mijeŋŋe, ɓa a lum bugawla ar li naŋ mucuh le gar na, i waka? A gaŋ ɓa sukwi ngi mizli a hinam hirnga a mbuŋ naŋ, yo ɓa buy madiɗahay a luɓomˀay a mbuŋ naŋ. A ga ɓa maslalam taŋhay a tiram murɓuk, yo ɓa lek taŋhay, a tiram kaɓa giziŋ, burkataŋ makil di.

EZAYI 44:26

Ɓi ngi gawla ɗu maɓa na, yi gaŋ. Gwat ngi gi, mislin ɗuwoy mitilam di mi na, yi ga ɓa a gi kanah. Yi ɓi vur Zeruzaleme: «Anja mizli a pakaŋ.» Vur walahay Zudahaya, i ɓi: «Anja a ndiraka hiri taŋ a muŋ.» Gwat mihiryahay le zleˀe gar na, i sa slikiɗa hiri taŋ a muŋ.

EZAYI 44:28

Yi ɓi vur Siruso: «Naŋ i mijigina mizli ɗuwoy.» Gwat maciriy hiri gar na, i sa ga ɓa a gi kasl kasl avu naŋ. Yo i ɓi vur Zeruzaleme ma na: «Anja a ndiraka hiri naŋ a muŋ», yo hay nga ya Bumbulvuŋ: «Anja a ɗuvaka virzi naŋ a muŋ.

EZAYI 45:1

Bumbulvuŋ a ɓa Sirus, mbur naŋ muwuna: «Yi jinuw, ɓa sukwi ngi mizli a hinam hirnga a mbuŋ ɗike, ɓa ki tiɓa gidaŋ ngi buy madiɗahaya da ka, ɓa mizlingre ngi walahay, migica kiɗasl kiɗaslaya, a ndiram baŋ baŋ a mbuŋ ɗike.

EZAYI 66:1

Ya Bumbulvuŋ i ɓi na: «Muŋ i li cifi ɗu ngi buy, yo hirwuy i li ɗuva sar ɗu. Ki sa ndirikiy hay mi da ya ka? I li wana mindila ter ngi muska vu ɗu ka?

ZEREMI 10:11

Ki sa ɓaka taŋ na: Kuliheye, migaka muŋ ati hirwuy i taŋ ta, sey a susuymoko taŋ asi ruwuyo, waɗ tisi gazlavaya.

ZEREMI 27:5

«Miga muŋ ati hirwuy i ya, waɗ mizli titirahay ati ginew ngi si ruwuyoyo, i ya miga taŋ ti gidaŋ ɗu mihaɗa waɗ ti gidaŋ ɗu mupusak haŋ ngi wi mizli. I vula ko da waka gar ya mupura le kuy.

ZEREMI 29:10

«Ya Bumbulvuŋ i ɓi na: ‹Da zumabuy ngi ruwuy Babiloŋ a naha vi naŋ le kukur tarnaˀ na, i sa ki slimiɗ ar kum, ɓi ngi mo kum ng'ar li hana, ya muɓukum di ɗaˀ le zleˀe tuwa na, i sa ga muduba.

DANIYEL 1:21

Joˀ Daniyel a gi slra ngi buyo hã ar vi mudumbuŋ ngi Kiriyus mazum buy.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

DANIYEL 4:25

Gwatay miɓaka taŋ gar da buy madiɗa Nabukodonozoro, ara gam muduba.

DANIYEL 4:32

Avi naŋ na, mizli ngi si ruwuy gar i gwat mupuɗaw ta: ko vur vurum ngi muŋhoy, ko vur mizli ngi ruwuyoy kwana, a ga gwata avu wuɗ nga naŋ. Ko mbur loŋ matikaŋ gu anta, yo mambiɗaŋ hirnga ar gwat ngi gi naŋ gu, anta.

DANIYEL 5:23

Ki slikiɗ ngi zlira didak ati Buymuŋ, gazlanga ngir hay naŋ na, a hiloko taŋ nga mbuŋ ɗiki. Joˀ ka ati mizli hirnga ɗikey waɗ mangasl ɗikey, ati ngwas migi slra ɗikeye, kisam mbaazla ti taŋ. Ki hunum kuli mipa taŋ ti ɓiri bara, ti ɓiri tapasl tapasl, ti ɓiri gaza, ti ɓiri ho gar, miciɗa ngi dum, waɗ ngi ɗugur. Taŋ anta puram ta, a cinam ta, a sinam gwat ta. Amma Buymisemuŋ misi siifa ɗik asi haŋ naŋ, yo misi gwat ngi gi ɗikeye cek asi haŋ naŋ na, ki hunumaŋ ta jaka.

DANIYEL 6:25

Buy a ɓa mizli, a soko ti mizli minjikaka Daniyel tuwa, a hizigaka taŋ ng'ar butum ngi moboroy tuwa, jom ati ziri taŋhay waɗ ngwas taŋhaya. A ndilaka virzi ngi vigiɗe t'aruŋ si na, moboroy a vaka taŋ kac kac, a humbuɗa ka taŋ kirap kirap, jom ti tesleye.

ZONAS 1:9

Zonas a mbiɗa taŋ di: «Yi mbur Heber, yi huruk huruk nga ya a mbuŋ Bumbulvuŋ, Buymuŋ, miga mubuliy ati hirwuyoy na.»