EFESEY 5:9 - Bible en langue guiziga

⁹ Asi li minjahha a bo ti gimezle, gi gwat mikaslsla ati mijeŋŋe.

EFESEY 5:9 ပူးပေါင်းရင်းမြစ်များ

Matiye 3:8

Gam gwat mezle mabiga ki mbiɗaka mevele le n'ayɗi!

Ɓimezle ngi Yesu Kristu ZAŊ mitil di mi 1:47

Yesu mupura Natanayel maso ng'ava na, a ɓi vurˀeŋ: «Mbur Israyel migisiŋ gisiŋ ani. Anta gi gilaw da mbur ta wãˀ.»

ROMAHAY 15:14

Kum sukum ɗuwoy, ya vuna, i si na le gisiŋ gisiŋ, ki sinaka gi gwat mezle le kuy kuy wãˀ, ki naham le ti sin mijeŋŋe wãˀa, yo ki ndilaka le ngi kuti vu ar wala kumo.

ROMAHAY 2:4

Buymisemuŋ maɓus ɓi haɗi, mavul haɗa, gimezle naŋ mihaɗi na asin ta, ki ra gi di kaɓa ɓi ngi sefel kwani? Mezle ngi Buymisemuŋ maguw di, ɓa ki mbiɗa mevel ɗike na, ki si na takwa?

EFESEY 4:15

Amma tulukum mi ti ɓi mikaslsla ngi wuɗavu, ɓa i sa gilam ar gwat gar, hã i ndilaka Kristu, hirnga ndra na.

EFESEY 4:25

Ani, ki muɗam vu kumo le tir slire so, anja mbur gar a ɓi ɓi migisiŋ da mbur cil naŋ. Asi ndra jom gar arleˀe, i hirzlik ngi dumvu purla.

EFESEY 6:14

Cicam zlak so, kwacay tuwaɗ tuwaɗ ti ɓi mikaslsla ar deɗe ngi gabaga, gi gwat mijeŋŋe sirit a didaka ar deɗe ngi libiti,

FILIPIHEY 1:11

Ki sa ndiram ti gi gwat mijeŋŋe haɗa, Yesu Kristu mavulo ndra di, ɓa ngi gi dudok da Buymisemuŋ, yo waɗ ngi hunumaŋ ti naŋ.

KOLOSOY 3:18

Kum ngwasay, hinam hirnga a mbuŋ zil kumoy, kaɓa kum maga kanah a mbuŋ Bumbulvuŋ.

TIMOTE MUDUMBUŊ NAŊ 6:11

Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe.

HEBEREY 1:8

Amma a ɓi vur Mangal naŋ na: «Aw Buymisemuŋ, janga ngi Zumabuy ɗike, a ndir hã ngi samadin. Ki sa Zumabuy ɗike ti gi kiita jeŋ jeŋ.

HEBEREY 11:33

Taŋ na, mbele tiɓi taŋ na, a zumam hirwuyoy le avu buyoy, a gam gwat mijeŋŋe le, gwat Buymisemuŋ miɓa ɗaˀ le na, a puraka, taŋ magama le. A caka taɓak le a mi moboroyo.

ZAŊ MUDUMBUŊ NAŊ 2:29

Ani, ki sinaka le, Kristu, naŋ jeŋŋe. Yo naŋ kanah ya, ko wa gar magi gwat mijeŋŋe na, i zuŋ ngi Buymisemuŋ.

ZAŊ MIMAKIR NAŊ 1:11

Yeme ɗu, ki sipa gi malambaˀa ta, amma sipi gimezleŋ. Mbur magi mezle na, i mbur ngi Buymisemuŋ. Amma mbur magi malambaˀ na, naŋ anta pura Buymisemuŋ ta.