EFESEY 5:8 - Bible en langue guiziga

⁸ Zleˀe na, kum ar luvuŋ, amma wurenna, kum mujom ati Bumbulvuŋ na, kum ar li minjahha. Zuwen cifam ka mizli ngir li minjahha.

EFESEY 5:8 ပူးပေါင်းရင်းမြစ်များ

EZAYI 2:5

Dideˀ ngi Zakopoy, soko, akum ar li minjaha ngi Bumbulvuŋ.

EZAYI 42:16

I sa ga ɓa dangaray a ram tir jiviɗ taŋ misinaka ta, ɓa a cohom tir jiviɗ misler sler taŋ misina ka ta Li luvuŋ ngi mbuŋ taŋ, i sa tiri di li minjahha, jiviɗ muguduɗoŋ guduɗoŋhoyo, i sa cica taŋ cir cir. Gwat ngi gi hanayna, i sa ga taŋ cummo, ko y'anta sa pula taŋ manja gi ta.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 49:9

Yi ɓa mizli dangayaya: «Boko!» Mizli ngir luvuŋhoyo, i ɓa taŋ: «Boko ng'ar li minjahha!» Ko taŋ maram a jiviɗ kwana, a sa lumam gwat ngi zum taŋ, yo a muwã micay cay kinehey kwana, a sa lumam li zumo.

EZAYI 50:10

A wuzla kumo, mbur mazluwun ti Bumbulvuŋ ada kwa? Mbur macina ˀay ngi gawla naŋ ada kwa? Mbur maru ar luvuŋ, manja a lum li minjahha ada kwa? Anja mbur nah na, a pula vu naŋ mbak da Bumbulvuŋ naŋ, a jih jah ti Buymisemuŋ naŋ na.

EZAYI 9:2

Bumbulvuŋ, ki ska cira hiri taŋ le, yo ki giɗa mumul taŋ le. Mizli ara cinam ndum a mbuŋ ɗike, kaɓa macinam ndum ar li gi sifi, kaɓa majam salalay ar li wuɗka gwat mitiɓa ar vurum.

ZEREMI 13:16

Bumbulvuŋ Buymisemuŋ kumo, dumbuŋ ɓa naŋ masa slino luvuŋ, ɓa sar masa bukum tikeˀe avu muwã misi luvuŋ timbiɗim na, gakaŋ dudok daf le. Ki ra kutukom li minjahha, amma naŋ a mbiɗi di luvuŋ makiɗ vu vagay, a mbiɗi di gazlavay mititim titim.

Matiye 3:8

Gam gwat mezle mabiga ki mbiɗaka mevele le n'ayɗi!

Matiye 4:16

Mizli micifam ar luvuŋ na, a puram li minjahha le ciɗak ciɗaka. Mizli micifam ar li mitimbiɗim ngi mizli mumucahay na, li minjahha a go le ciɗak ciɗak ar taŋ.»

Ɓimezle ngi Yesu Kristu LUK mitil di mi 1:79

A pusluɗa li da mizli misi ar luvuŋ, yo mazluwunam ti muco, ɓa aru ti ndra, i sipam jiviɗ muzuy.»

Ɓimezle ngi Yesu Kristu LUK mitil di mi 16:8

Joˀ buy ngi hay a ngil wuy ti mbur miji zlili migaŋ gilaw tuwa, asi naŋ migi slra ti wer. Naŋ kine, mizli ngi duniyahay a gam slra ti wer haɗi avu cil taŋhaya, fineˀ mizli ngir li minjahha.»

Ɓimezle ngi Yesu Kristu ZAŊ mitil di mi 1:9

Mingiɓi i li minjahha migisiŋ gisiŋ. A so a ruwuyo, ɓa a ga li njahha da mbur gar.

Ɓimezle ngi Yesu Kristu ZAŊ mitil di mi 12:35

Yesu a mbiɗa taŋ di: «Li minjahha naŋ da zik neˀ a wuzla kumo ɗagay. Ti kum misi ar li minjahha aruŋ na, aram digi ɓa luvuŋ a sirtukum ta. Asi da mbur ara ru digi ar luvuŋ na, anta si na aru kini nga ka ta.

Ɓimezle ngi Yesu Kristu ZAŊ mitil di mi 12:36

Ti kum misi ar li minjahha aruŋ na, tiɓaka li minjahha a mevel kumo, ɓa ki tiram ziri ngi li minjahhahay.» A dirba Yesu miɓa taŋ ɓi hana na, a bi, a ɗum cik avu taŋ.

Ɓimezle ngi Yesu Kristu ZAŊ mitil di mi 12:46

Ya, li minjahha, i so le ar duniya, ɓa ko wa gar matiɓiy na, a ndir ar luvuŋ ta.

Ɓimezle ngi Yesu Kristu ZAŊ mitil di mi 8:12

Akẽh na, Yesu a ɓa mizli tuwa ma: «Yi li minjahha ngi duniya. Mbur maru asi ya na, anta sa ru digi angi luvuŋ ta wãˀ, a sa lum li minjahha maru ti mbur ng'ar siifa.»

SLRA 17:30

Ani hin ngi dirba, mizli migam tir manja sin naŋ na, Buymisemuŋ anta slufa ta, wurenna ara tila mi da mizli gar, ko amaka gar, sey a mbiɗaka mevele.

SLRA 26:18

ɓa ki wuna taŋ hiri, ɓa ki bo ti taŋ tir luvuŋ ng'ar li minjahha, tir gidaŋ ngi Satan ng'avu Buymisemuŋ, ɓa mungra taŋhay a puyam avra, yo ɓa a lumam li cifi a wuzla mizli Buymisemuŋ muwuna taŋ, mbele tiɓi taŋ na.›

ROMAHAY 1:21

Asi mike na, a sinaka Buymisemuŋ le ngbaŋ, amma a ɗuvakaŋ hirnga ta, yo a gakaŋ sise ti jiviɗ naŋ kaslsla ta ma. Wuluk taŋ a kirih le kileŋ tivi ɓi mikaslsla jaka, mevel taŋ anta sla wala ngi ɓi mata, luvuŋ a sirta le sirit wãˀa.

ROMAHAY 13:12

Duvuɗ a cuh le haɗi, li a sa wun gweˀe. Pulukum gi gwat ngir luvuŋ so. Hulukum gwat ngi vurum ngi li minjahha.

ROMAHAY 2:19

Ka ki wa kaɓa ki miɗiɗa dangaray gisiŋ gisiŋ, ki li minjahha a mbuŋ mizli ngir luvuŋhoy,

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

KORENTIHEY MUCUW NAŊ 6:14

Mizli matiɓaka Buymisemuŋ ta na, slra mizlir ngi gi ati taŋ ta na, ki jumom ara ta. Gi jeŋŋe ati mungra a gam slra jom arleˀe gu mbri mbrike? Li minjahha ati luvuŋ a jumom gu kwa?

GALATAY 5:25

Da ndra misi ti siifa na, asi ˀUf Mipal na, supukum jiviɗ naŋ mabiga ndra di ya.

EFESEY 2:2

Ki sipam zleˀe i jiviɗ mupurla ati ngi duniya hana. Ki cinam mi zleˀe da buy ngi setenehey mazum buy ar birngiŋ. I setene magi slra wurenna a mevel mizli mislikiɗa ɓihey avu Buymisemuŋ.

EFESEY 4:18

Lesl taŋ, naŋ angi luvuŋ, yo siifa Buymisemuŋ mavula na, taŋ a lumam neˀ ta, vur a sinam gwat ta wãˀ, hirnga taŋ gidaŋ.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

EFESEY 6:12

Ndra makiɗam vu na, ati mizli ta, amma ati gwat madiɗahay, gwat misi gidaŋhay, yo mazumam buy ar luvuŋ ngi duniya hana, waɗ ati gidaŋ ngi Satanay mazumam buy ar birngiŋ ngi muŋ.

KOLOSOY 1:12

Gaka sise da Cine ndra ti mumul. Asi i naŋ miga, ɓa ki ndilaka ngi luuma mi ngi kum angi gwat naŋ miwi di vu angi li minjahha da mizli naŋhay na.

KOLOSOY 1:13

A tuɓo ndra le tir gidaŋ ngi luvuŋ, aru ti ndra ng'ar zumabuy ngi Mangal naŋ, naŋ mawuɗo.

Ɗerewol TIT 3:3

Asi ndra vuna zleˀe kwana, ndr'anta ti lesl ta, i slikiɗam ɓi, i zizam le, ndr'i beke ngi may gwat wal wal waɗ ngi gwat macira hiri dumvu gar. Ndra zleˀe ti moˀore a kwacay waɗ may gwat, mizli mihimaˀhay, i hirsam vu ar wala ndra.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.