Moyis a ɓa jum ngi mizli: «Kiraham kileŋ avu guɗuk ngi mizli malambaˀ tayna. Ki jaka haŋ avu gwat nga taŋ pal le ta, naɓa kumo kwana, kisa micam, asi mungra taŋ na ya.»
Mizli matiɓaka Buymisemuŋ ta na, slra mizlir ngi gi ati taŋ ta na, ki jumom ara ta. Gi jeŋŋe ati mungra a gam slra jom arleˀe gu mbri mbrike? Li minjahha ati luvuŋ a jumom gu kwa?
Ar jum ati Yesu Kristu na, gwat Buymisemuŋ miwi di vu da mizli naŋhaya, Yudehey ta na, a sa lumam rak rak ati Yudeheye ya. A tiram le i dumvu purla. Gwat Buymisemuŋ miɓa ɗaˀ le, a sa vula da mizli tisi Ɓimezle ngi Kristu na, a sa lumam aya.
Angi Cikil ngi misikristuhoyo, ko ki wus vu ngi buca haŋ da mbur a hirnga ta. Ki ci ar mungra ngi mizli magaka na ta. Ka vuna, jigina hirnga ɗik avu ɓi ngi dili.
I cin ˀay kaɓa ngi mbur paɗ ti muŋ ma, a ɓi: «Aw mizli ɗuwoy, bam tir walahay madiɗa ng'avra. Vur kum masa cam ar mungra naŋ na, yo vur kum masa lumam bonoy muɗuvaka hĩˀĩ vur naŋ na.
