EFESEY 5:3 - Bible en langue guiziga

³ Sukwi ngi madama wana gar, dili, malla ko may zlili gar na, a zlir ngi slufa ar wala kumo ta, kum i mizli ngi Buymisemuŋhoy.

EFESEY 5:3 ပူးပေါင်းရင်းမြစ်များ

DIMISEY 119:36

Jiniy ɓa mevel ɗu a mbiɗi ng'ar gwat ka mawuɗ cummo, mbak ɓi ngi luuma gwata le.

BI NGI ISRAYELEY 18:21

Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ.

BI NGI ISRAYELEY 20:17

«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.»

BI NGI ISRAYELEY 23:13

Yo kam slimiɗ kuy kuy ar gwatay ya muɓukum taŋ na gar. Ki zilam kulihey ta, anja mizli a cinaka slimiɗ taŋ avu mi kumo ta wãˀ.

MIKUCUWULOY 28:16

Buy manja lesl na, a ska hul naŋ na nga mbuŋ. amma mbur mawuɗ ɓi ngi hulo ta na, hutuŋ naŋ subur.

ZEREMI 22:17

Pura hiri ɗik ati wuluk ɗike, sey ngi luuma gwat tewle, ngi pi pumbus ngi mbur migi gwat ta, yo ngi gi moˀore kaɓa gwat misãmi.

ZEREMI 6:13

Asi zle avu ziri hã avu mizli madiɗahaya, may luuma gwat avu taŋ haɗa. Mijiviɗey ati masayaya gar, gwat ngi gi taŋ jeŋ ta.

ZEREMI 8:10

Na mbak ɗagay so, yi vula ngwas taŋhaya da mizli mekelemey, guva taŋhaya, da mizli masa tiɓaka taŋ avu taŋ. Asi taŋ gar taŋ, ziri ati mizli micawwahaya, may gwat avu taŋ haɗa. Taŋ gar, mijiviɗey ati masayaya, gwat ngi gi taŋ naŋ kaslsla ta.

EZEKIYEL 33:31

Mizli ɗuwoyo, a sa joko kaw kaw ng'avi ka, a cifam joa mbuŋ ɗike. A sa cinaka mingiɓi ɗik na, amma t'anta sa gam di slra ta, asi a ɓam mi mideɗek ɓula, dambalaka a mevel taŋ a sipam di i jiviɗ ngi lum.

LEVIHEY 15:18

Da mbur mizile a hin le ti ngwas na, sey taŋ cuw taŋ a bunam ceɗ ceɗe, amma a ndiram ti dili, hã pastaˀa.

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

SLUFA VU 25:1

Israyeley a pam a Sitim. A zlaka a gam sulome lambaˀ ati ngwas Moˀapay,

Matiye 15:19

Asi wuluk malambaˀ, kiɗa hirnga, gi madama, gi sulome, hul, sedewo ti slir, zi vu gar na, i gwat mabo zle a mevel mburu.

Ɓimezle ngi Yesu Kristu LUK mitil di mi 12:15

Yesu a ɓa mizli ma: «Jam lesl, wam vu avu may gwatay gar, asi ko da mbur a lum zlili le haɗi tekeɗe kwana, a ndir ti siifa aseˀe ta.»

Ɓimezle ngi Yesu Kristu LUK mitil di mi 16:14

Farisahay micinaka ɓi nah gar na, a singiram ar Yesu, asi a wuɗam dala haɗa.

SLRA 15:20

Amma zuwen i tohoko taŋ ɗerewol toh toh tewle, ɓa a hiryaka vu taŋ ti useˀ ngi kuli ta, ti gi sulome ta, gwat muɓuto ti ɓut waɗ pumbuso, anja a zumaka ta.

SLRA 20:33

Dala, ko ɓiri tapasl tapasl malla zana, yi hiyĩ ɗaˀ avu mbur ta.

ROMAHAY 1:29

Hur kwacay taŋ ndus ndus ti sukwi ngi gi gwat mijeŋ tahay, kaɓa: gi malambaˀ, hiyĩ gwat, moˀore, gi suloŋ haɗi, kiɗa hirnga, tiri, wer ngi gi gilaw da mbur, may hirya mbur, hulo virzi,

ROMAHAY 16:2

Tiɓakaŋ ti slimiɗ ngi Buymisemuŋ, ti jiviɗ naŋ kuy kuy kaɓa mitiɓihey. Gwat naŋ misi ti may naŋ ɓa ki jinakaŋ ara gar na, jinakaŋ. Asi mike na, naŋ vuna a jini mizli le haɗi, a jiniy ya vuna le ma.

ROMAHAY 6:13

Hirzlik ngi dumvu kumoy na, anja ki gam taŋ slra ngi mungra kaɓa gwat ngi vurum ngi gi gwat mijeŋ ta na mata. Amma hirzlik kumoyo, taŋ kaɓa gwat ngi vurum ngi gi gwat mijeŋŋehey, yo kaɓa mizli misi ti siifahay mislikiɗam le ti wuzla mumucahay.

KORENTIHEY MUDUMBUŊ 10:8

Anja ko i pulaka vu ndra ar gi sulome, kaɓa mizli mekelemey a wuzla taŋ mupulaka vu taŋ na ta ma. Angi hin purla na, mizli mindilam, mumicama, taŋ durmuk kukur cuw nga makir.

KORENTIHEY MUDUMBUŊ 5:1

Ko amaka gar na, i cinam mizli a ɓam: gi sulome ada a hay kumo. I gi sulome mifineˀ gidaŋ, ko mizli duniyahay kwana, anta gaka ta. Asi mbur pal a wuzla kumo, ara ɗuva ngwas ngi cine.

KORENTIHEY MUDUMBUŊ 6:13

A ɓam ma na: «Ɗafa, naŋ vur kwacay, kwacaya kwana, naŋ vur ɗafa.» Haˀaw, Bumbulvuŋ a sa ziza taŋ cuw taŋ. Amma dumvu ngi mburo, naŋ vur gi sulome ta, naŋ vur Buymisemuŋ. Yo Buymisemuŋ kwana, naŋ vur dumvu ya.

KORENTIHEY MUDUMBUŊ 6:18

Kilam kileŋ avu ɓi ngi sulome. Mungra mekelemey gar mbur maga na, anta duko dumvu naŋ vuna ta. Amma mbur magi madama na, a gi di i mungra da vu naŋ tehhe a muŋ.

KORENTIHEY MUCUW NAŊ 12:21

Ya masa cuh tumbuŋ bal tihay kumo na, i ra zluwun, anja Buymisemuŋ a hiniy ˀay luɓ luɓ a mbuŋ kumo ta. Yo mizli haɗi migam mungra zleˀe, mizilam marava ti mungra taŋ ta, ti gi sulome, waɗ ti madama taŋ na ta na, anja i sa tuwuy vur mizli haɗi ar wala taŋ ta.

EFESEY 5:12

Gwat mizli tayna magaka ɗum ti ɗum na, mesem a gi vu ngi ɓa ɓi nah.

EFESEY 5:5

Mbur sulome, magi gwat mizlir ngi gi ta, mawuɗ gwat gar da naŋ na, i mbur mahuruk huruk a mbuŋ kulihey, anta sa lum li cifi ar zumabuy ngi Kristu ati ngi Buymisemuŋ ta. Sinaka ɓi hana sin le kuy kuy.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

KOLOSOY 3:5

Gwat ngi ruwuyoy misi a hur kum gar na, kiɗaka taŋ vagay vagay avra so, kaɓa ani: gi sulome, dili, may gwat, waɗ may zlili. Asi may zlili na, i huruk huruk a mbuŋ kulihey.

TESALONIKEY MUDUMBUŊ NAŊ 4:3

Gwat Bumbulvuŋ mawuɗo anihĩ: Ndiram pal, kiraham kileŋ avu ɓi ngi madama.

TESALONIKEY MUDUMBUŊ NAŊ 4:7

Asi Buymisemuŋ muzulo ndra na, ɓa i gam gwat ngi dili ta, amma ɓa i ndiram pal.

TIMOTE MUDUMBUŊ NAŊ 2:10

Amma anja a ɗiyam vu ti gwat ngi gi taŋ mezle jaka, i gwat mizlir le avu ngwasay mazluwunam ti Buymisemuŋ.

TIMOTE MUDUMBUŊ NAŊ 3:3

Anja i mbur miwi ti mbaazla ta, i mbur muwuɗa mi ta, amma i mbur mileleŋ, anta tiri ta, yo i mbur misi may dala ta ma.

TIMOTE MUDUMBUŊ NAŊ 6:10

Asi mike na, dimbasl ngi gwat malambaˀhay gar na, i may dala. Mizli mekelemey a vulaka vu taŋ wãˀ ngi sipi dala, a ngizlam le kileŋ avu tiɓi taŋ, yo gaka bonoy da vu taŋ haɗa, a zluɓaka le.

TIMOTE MUCUW NAŊ 3:2

Vur mike na, mizli a sa gam gizak, may dala. A sa gaka vu taŋ zlokoko, a sa huhumom vu. A sa zaka Buymisemuŋ, a sa cicam lak lak avu miyi taŋhaya. Tˀanta sa sinaka gi sise ta, anta sa ɗuvaka hirnga da gwat muvuku vu taŋ ta.

Ɗerewol TIT 1:11

Anja ki guco taŋ mi, asi ara mbiɗaka lesl da hay ngi mizli keɗeɗe, yo ara dubunaka taŋ luuma dala ti jiviɗ mijeŋ ta.

Ɗerewol TIT 1:7

Asi mike na, mbur madiɗa ngir Cikil ngi misikristuhoy na, a gi di i slra ngi Buymisemuŋ. Vurˀe, anja a lumam ɓi ava ngi mbiɗaŋ hirnga ta. Anja ko i mbur mahuhum vu ta, a slikiɗ himaˀ ta, a si mbaazla haɗa ta, a wuɗ kiɗa vu ta, a lum gwata ti jiviɗ malambaˀ ta.

Ɗerewol TIT 2:3

Ngwas madangwasaya kwana, kanah ya, ɓa taŋ ɓa a cifam ti jiviɗ macira hiri da Buymisemuŋ. Anja a gam mbaɗa ta, a gam beke ngi mbaazla ta, anja a vulam kuti mezle,

HEBEREY 12:16

Jam lesl, anja mbur a gi sulome ta, a gi lambaˀ ti gwat muvuku vu taŋ na ta, kaɓa Esaw, naŋ modogom na, a hiɗika gi modogom naŋ avra ti ɗaf sikiɗ purla.

ZOZUWE 7:21

A wuzla zlili ngi mesene ndrahay na, yi pur zana mezle ngi Mezopotami, kuy naŋ a zli ta wãˀ, yo suloy ngi ɓiri bara skat cuw, waɗ ɓiri tapasl tapaslreta kilo, may taŋ a jiy haɗa teˀe, joˀ yi hila taŋ. T'ani ɗum a ruwuy, a hur guɗuk ɗu, yo dala naŋ da kulaˀ aseˀeŋ.»

PIYER MUDUMBUŊ NAŊ 5:2

Jiginaka ginew ngi Buymisemuŋ mupula taŋ asi haŋ kum na. Anta ti tikaˀay ta, amma asi ki ngumam le kaɓa Buymisemuŋ mawuɗo.

PIYER MUCUW NAŊ 2:10

Wãˀ naŋ na, Buymisemuŋ a sa kuti di i mizli masipam gwat ngi dili dumvu taŋ makwuɗ, waɗ mapuraka dudok ngi Buymisemuŋ khiris le na. Mizli tayna, a puraka kaɓa taŋ muk si, a huhumom vu taŋ. Tˀanta zluwunam ngi za gwat misi ti dudok ngi muŋhoyo ta.

PIYER MUCUW NAŊ 2:14

Pura hiri taŋ, i pura hiri ngi gi madama. Gi mungra anta ɓula taŋ mi ta wãˀ. A pam mazaɓ a mbuŋ mizli hĩhĩyahay. I bugawla ngi may zlilihey, nis ngi Buymisemuŋ naŋ da avu taŋ.

PIYER MUCUW NAŊ 2:3

Mizli mudubuna ɓi ngi slir tayna, ti may dala taŋ na, a sa zumukum ti mingiɓi taŋ mukoloŋ koloŋ ngi gi gilaw da mbur na. Taŋ na, migi kiita taŋ a wi vu le weˀ zlezle si, yo mizizi taŋ anta hinje ta.

ƁIMUNJUYO 2:14

Amma i wuɗ i mbuɗuw hirnga neˀe: mizli madubunam ɓi ngi Balaˀam na, ada a hay ɗike. Balaˀam nah na, a pa mi da Balaka, ɓa a gi gwat ngi hizigiɗa Israyeleye, ɓa a zumam ˀuse ngi kulihey, yo ɓa a gam sulome.

ƁIMUNJUYO 2:21

I vulaŋ hin le ɓa a zil marava, amma anta ngum ɓa a zil marava ngi pula gi sulome naŋ na ta.

ƁIMUNJUYO 21:8

Amma muzluwunoy, mizli miteŋteŋhey ta, mizli magam lambaˀ lambaˀ, mikiɗa hirngahay, migi madamahay, mizli misi ti sin ngi gi cekenehey ati madilkam a mbuŋ kulihey, waɗ migi slirey gar na, a sa lumam li cifi taŋ angi mubuliy ngi vu, waɗ ngi baruudu. Nah na, i muc mucuw naŋ.»

ƁIMUNJUYO 22:15

Amma mizli migi lambaˀhay ati misi ti sin ngi gi cekenehey, migi madamahay ati mikiɗa hirngahay, mihuruk huruk a mbuŋ kulihey, waɗ ko wa gar mawuɗ ɓi ngi slir malla magi slir na, a ndiram a duba gala.

ƁIMUNJUYO 9:21

Taŋ makiɗam hirnga, taŋ magam sin ngi gi cekenehey, taŋ magam madama ati taŋ mahulom gar na, ko t'anta zilam marava aseˀe ta.

SAMUYEL MUDUMBUŊ NAŊ 8:3

Amma ziri mizile ngi Samuyeley a sipaka sar ngi cine taŋ ta, asi may dala avu taŋ, gwatay masaka taŋ di ngatara na, a tiɓaka taŋ, yo taŋ anta slaka kiitakaslsla ta.