Ka Zeruzalem, slikiɗi, slikiɗ kutum, cici gidaŋ gidaŋ a muŋ. Ka Siyoŋ, walahay ngi Buymisemuŋ, ka zana ɗik mimezleheye. Asi mike na, zle dana, mbur mulak, mbur misi dili, anta sa ɗuvoko sar taˀ le ngi hay ɗike mata.
A ka gi jeŋŋe avu vu kaɓa libiti, yo laha vu, tiɗeˀ a hirnga kaɓa jiiku ngi gandaf, zana ngi pula cuwala, gijaw avu vu, waɗ vekeɗ vekeɗ naŋ ngi kiɗa vu, gijaw kaɓa godo.
Anja ki sipam sirik ngi duniya hana ta, amma pulaka Buymisemuŋ ɓa a mbuɗukum ar lesl kum mimbiɗi nawaya wãˀ na. Dar kisa slaka wala ngi gwat Buymisemuŋ mawuɗo: gwat mukuy, gwat maciraŋ hiri, gwat manja hereweɗe.
Ndra micam angi yam tisi muc naŋ na, kite a dikam ndra le jom ati naŋ, ɓa Kristu mislikiɗ ti wuzla mumucahay ti dudok ngi Cine naŋ na, ndra kwana, gwat ngi gi ndra a mbiɗi le nawaya ya.
Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.
Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.
Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.
Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.
Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.
Naŋ kine, gwat madiɗahay muwãˀ, naŋ miɓa ndra di ɗaˀ le na, a vula ndra taŋ le, ɓa kisa laham tivu duniya mizãˀã le ti hĩyã gwat, ɓa kisa jumom ar kpak ngi Buymisemuŋ.