EFESEY 4:23 - Bible en langue guiziga

²³ Anja mevel kum ati lesl kum a mbiɗi ɓa ki tiram nawayahay wãˀ.

EFESEY 4:23 ပူးပေါင်းရင်းမြစ်များ

DIMISEY 51:10

Tiliy mi ti ɓi ngi pula mungra, ɓa i zluzluɓ, i mumul haɗa, ka mumuɗiy didak tuwa na, ɓa i sa ɓuruku.

EZEKIYEL 11:19

I sa vulukum mevel misi purla. I sa ci musuɗuk nawaya a hur kumo. Mevel kum migidaŋ kaɓa ɗugur na, i sa zuɓukum di avra, dar i sa vulukum mevel mukuɗ kuɗ kaɓa meficeke.

EZEKIYEL 18:31

Slikiɗa ɓi kum mihirasl hirasl ar kum na, hizigaka taŋ avra. Anja ki mbiɗaka mevele nawayaŋ ati wuluk nawayaŋ. Israyeley, ki wuɗam sey ɓa ki micam cummo vur mike?

EZEKIYEL 36:26

I sa vulukum mevel nawayaŋ, yo i sa cukum ˀUf nawaya a hur kumo. Mevel misi ka ɗugur ngi hur kum na, i sa zuɓa avra, dar i sa vulukum mevel mukuɗ kuɗu.

ROMAHAY 12:2

Anja ki sipam sirik ngi duniya hana ta, amma pulaka Buymisemuŋ ɓa a mbuɗukum ar lesl kum mimbiɗi nawaya wãˀ na. Dar kisa slaka wala ngi gwat Buymisemuŋ mawuɗo: gwat mukuy, gwat maciraŋ hiri, gwat manja hereweɗe.

ROMAHAY 6:4

Ndra micam angi yam tisi muc naŋ na, kite a dikam ndra le jom ati naŋ, ɓa Kristu mislikiɗ ti wuzla mumucahay ti dudok ngi Cine naŋ na, ndra kwana, gwat ngi gi ndra a mbiɗi le nawaya ya.

ROMAHAY 8:6

Sipi gwat kpak ngi vu mawuɗo, aru ti mburo ng'ar mucu. Amma sipi gwat ˀUf Mipal mawuɗo, aru ti mburo ng'ar siifa waɗ ng'ar zuy.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

KOLOSOY 3:10

Yo ki kam kpak ngi vu nawaya le. I kpak ngi vu ngi mbur nawaya, maɗiyi nawaya nawaya ndrehhe, ɓa a tiri kaɓa Buymisemuŋ migi naŋ vuna, ɓa a ndila si na Buymisemuŋ kuy kuy wãˀ.

Ɗerewol TIT 3:5

a laha ndra le, anta asi i gam gwat mijeŋŋe le ti haŋ ndra ta, amma asi naŋ mapura ndra ˀircece tewle. A laha ndra ti taŋ mubunam ndra, ɓa ngi ya ndra sar mucuw naŋ, yo waɗ tisi ˀUf Mipal matiri ti ndra mizli nawayahay na.

PIYER MUDUMBUŊ NAŊ 1:13

Vurˀe, sey ki juwam vu ar lesl kumo ngi gi slra. Ndiram hiri ɗeŋ ɗeŋ, anja ki njaham hiri kuy kuy ar gwat mezle, Buymisemuŋ masa vulukum di tapas Yesu Kristu masa bugo vu na.