Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




EFESEY 4:16 - Bible en langue guiziga

16 Dumvu gar mujom na, aseˀeŋ, yo naŋ mujom purla ar leˀe kuy kuy na, mbele hirzlik ngi dumvuhoy gar mujumokoŋ. Da hirzlik gar ara ga slra nga naŋ na, dumvu gar a gil, a gi ɓesde nga mbuŋ ar wuɗavu.

အခန်းကိုကြည့်ပါ။ ကော်ပီ




EFESEY 4:16
28 ပူးပေါင်းရင်းမြစ်များ  

Yi gudubun, kum i mihaŋhay. Mbur mandir jom ati ya, ya kwana jom ati naŋ na, a sa yi locok locok haɗa. Mbele ya ta na, kum anta gam gwat ko neˀ gu ta.


Naŋ kine, dumvu ngi mburo, a wunuk le, hirzlikeye wal wal haɗi. Hirzlik gar ti slra naŋ ti slra naŋ.


Ani, ɗaf naŋ purla, ko ndra mihaɗi na kwana, ndr'i dumvu purla, asi ndra gar i zumam di i ɗaf mupurla nah vuna.


Wurenna so na, mindiram i gwat mimakirey anihĩ, tiɓi, njaha hiri waɗ wuɗavu. Amma taŋ makir taŋ, wuɗavu a funa taŋ le gar.


Asi ɓi ngi useˀ migam di kuli na, ki ɓam: «Ndra gar, ndr'ada ti sin.» Na, sin vuna a vula huhumo vu da mburo. Amma wuɗavu a gila mburo ar jiviɗ ngi Kristu.


Amma gwat ˀUf Mipal maya a hur mburo n'anihĩ: wuɗavu, mumul, zuy zuy, ɓusa ɓi, gimezle, mevel mezle, gi teŋteŋ,


Asi avu mbur mujum le ati Yesu Kristu na, da ko a ci le a mizawa, malla ko a ci ta kwana, i gwat mupuɗaw ta. Amma gwat mupuɗawa, sey tiɓi mabigi ti wuɗavu.


Ar ndra mujom ati Kristu na, Buymisemuŋ a wina ndra le dumbuŋ angi naŋ miga duniya, ɓa i ndiram a mihiri naŋ, ndra pal, manja ɓi malambaˀ avu ndra. A wuɗ ndra le.


Anja a ga ɓa Kristu a cifi a hur kumo tisi tiɓi kum na, ɓa ki diram virzi hǝɗ hǝɗ wãˀ, yo zlak kuy kuy ar wuɗavu ngi Kristu.


Ya mitiri gawla ngi tila mi ti Ɓimezle na, mbele gwat Buymisemuŋ muvuliy di asi gimezle naŋ ti biga gidaŋ naŋ na.


A ga kahana, ɓa ngi ɗiya mitiɓiheye, ɓa a gam slra ngi gila dumvu ngi Kristu,


Amma tulukum mi ti ɓi mikaslsla ngi wuɗavu, ɓa i sa gilam ar gwat gar, hã i ndilaka Kristu, hirnga ndra na.


Diradibiɗ ɗu avu Bumbulvuŋ ani: ɓa anja ki wuɗam vu nga mbuŋ nga mbuŋ ava, ki ndiram hiri ɗeŋ ɗeŋ waɗ ki slaka wala ngi ɓi kuy kuy wãˀ,


Kristu i hirnga ngi dumvu, mizli tayna, t'anta joɓ joɓ ava ta. Dumvu gar, malum gwat ngi zum, yo naŋ mujoɓ joɓ ar li purla ti hirzlik naŋhay, waɗ ti mizlir naŋhay, yo naŋ magil kaɓa Buymisemuŋ mawuɗ na, mbele Kristu.


Ya mawuɗ na, ɓa a ndiram ti tumo vu a mevel taŋ, ɓa a ndiram jom purla ti wuɗavu, a ndilaka luuma lesl mihaɗa ngi Buymisemuŋ, waɗ ɓa a sinaka gwat mufuna wuluk ngi mbur ngi Buymisemuŋ zleˀe na, mbiɗeˀvra: Kristu.


I ra wulkam keŋŋe ar tiɓi kum magam di slra na, ar wuɗavu haɗi ar wala kum, yo ar njahha hiri kum mihirdam hirdam, maso tivu Buy ndra Yesu Kristu a mbuŋ Cine ndra Buymisemuŋ na.


I ra gaka sise da Buymisemuŋ hõyyõ ma, asi ti ndra mutulukum mi ti ɓi Ɓimezle naŋ na, ki tiɓaka kaɓa i mingiɓi ngi mbur titra ta, amma kaɓa i mingiɓi ngi Buymisemuŋ. Gisiŋ i mingiɓi ngi Buymisemuŋ, ara gi slra a hur kum mitiɓiheye.


Kum mawuɗavu ar wala kum, yo kum mawuɗam mizli gar na, anja Bumbulvuŋ a ska ng'amkbuŋ nga mbuŋ. Anja ki wuɗam vu kaɓa ndra muwuɗukum na ya.


Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.


Ɓi ya miɓa ɗaˀ le na, hĩˀĩ ɓa mizli a wuɗam vu ti mevel purla, ti wuluk mezle, yo ti tiɓi minjah wãˀ.


Kum magaka gwat, ɓi mikaslsla maɓa na, kite ki ɗiyaka musuɗuk ngi vu kumoyo le, ɓa ki wuɗam sukum kumoyo ti kwacay cuw cuw ta. Hurdumom ngi wuɗavu ar wala kumo ti mevel purla so.


Na, ndr'i sinaka le, Buymisemuŋ a wuɗ ndra le, yo i ra tiɓakaŋ. Buymisemuŋ i wuɗavu. Mbur mandir ti wuɗavu na, naŋ jom ati Buymisemuŋ, yo Buymisemuŋ kwana, naŋ jom ati naŋ ya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ