EFESEY 4:13 - Bible en langue guiziga

¹³ ɓa hã ndra jom gar ndra, i sa ndilam jom ar tiɓi purla, yo ar si na Mangal ngi Buymisemuŋ, ka mizli micawwahay, yo weˀe avu deŋ gil ngi Kristu wãˀ.

EFESEY 4:13 ပူးပေါင်းရင်းမြစ်များ

EZAYI 53:11

Ya Buymisemuŋ i ɓi na: Naŋ misi bonoy haɗa tuwa na, a sa pura dideˀ naŋhaya, hin ngi siifa naŋ a sa giɗi. Naŋ gawla ɗu, mizli a sa sinakaŋ, naŋ jeŋŋe, akẽh, a sa dubuna gi jeŋŋe da zigiduw haɗa, joˀ naŋ vuna a sa ɓusa jijira malambaˀ taŋ.

SOFONI 3:9

Akẽh na, i sa ga ɓa ɓi malambaˀ a bo ti balam mizli ta, ɓa taŋ cek a zilam slimiɗ ngi Bumbulvuŋ, ɓa a gikiy mezegwel ti mevel misi purla.

ZAKARI 14:9

Dar Bumbulvuŋ a sa biga vu naŋ i buy madiɗa ngi si ruwuy gar. Tapasa, Bumbulvuŋ a sa ndir i naŋ tewle, yo slimiɗ inga naŋ tewle.

Matiye 11:27

Baha a vuliy gwataya le gar. Mbur masina Mangal anta, sey Cine. Mbur masina Cine kwana anta, sey Mangal ati mbur naŋ muwuɗ le ɓa a bigaŋ di.

Ɓimezle ngi Yesu Kristu ZAŊ mitil di mi 1:16

Asi mike na, ndra gar i lumam mi ngi ndra le ar gimezle naŋ mihaɗi na, a ɗuwula ndra mi nga mbuŋ nga mbuŋ.

Ɓimezle ngi Yesu Kristu ZAŊ mitil di mi 16:3

A sa gam kahana, asi a sinaka Baha ta, ko a sinikiy ya ta ma.

Ɓimezle ngi Yesu Kristu ZAŊ mitil di mi 17:21

Anja taŋ gar a tiram purla kaɓa ka Baha, ka mujom ati ya, ya kwana, ya mujom ati ka na ya. Anja taŋ kwana, a ndiram jom ati ndra ya, ɓa duniya a tiɓa i ka mislino ya.

Ɓimezle ngi Yesu Kristu ZAŊ mitil di mi 17:3

Da mizli a sinukuw le, Buymisemuŋ mijeŋŋe pal i ka, yo Yesu Kristu, mbur ka mislino di na, da a sinaka le na, naɓa siifa ngi sete i nah.

Ɓimezle ngi Yesu Kristu ZAŊ mitil di mi 6:69

Ani ndra, i tiɓaka le, i sinaka le, ki mbur Mipal ngi Buymisemuŋ.»

SLRA 4:32

Mitiɓiheye, taŋ zigiduw taˀ, taŋ ti mevel purla, lesl purla, ko mbur maɓi gwat hana inga ya na, anta. Amma a jumoko gwat taŋhay gar ar li purla jaka.

KORENTIHEY MUDUMBUŊ 1:10

Sukum ɗu misikristuhoy, i ra gukum ambuh ambuh, kum gar kumo ti slimiɗ ngi Buy ndra Yesu Kristu: ngiɓam ˀay purla, anja ki wunkam ˀay ar wala kumo ta. Ar wuluk kum ati gwat kum majuwaka le a mevele ngi gi gar na, jumom ˀay purla.

KORENTIHEY MUDUMBUŊ 14:20

Sukum ɗuwoy, ar sli wala ngi ɓi na, anja ki wulkam kaɓa ziri ta. Ar ɓi malambaˀ na, ndiram ka ziri ɓula. Amma ar sli wala ngi ɓi na, ndiram ka mizli micawwahay.

KORENTIHEY MUDUMBUŊ 2:6

Dambalaka, ɓi ndra matilam di mi da misikristu minaham le ar tiɓi na, i sinmijileŋ ngi Buymisemuŋ vuna ngbaŋ, i sinmijileŋ ngi duniya hana ta, ko i sinmijileŋ ngi misi gidaŋ ngir duniya hana vuna, mihĩˀĩ ngi zizihey na ta.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

GALATAY 4:19

Ziri ɗuwoy, ya mawuɗ kum haɗa, i ra si bonoy haɗa vur kumo ma, bonoy misi ka ngi ngwas mayi, hã tapas Kristu misa kicuw le a hur kumo.

EFESEY 1:17

Anja Buymisemuŋ, ngi Buy ndra Yesu Kristu, Cine misi ti dudoko, a vulukum ˀUf misi sinmijileŋ, manjikukum Buymisemuŋ, hã ɓa ki sinakaŋ kuy kuy wãˀa.

EFESEY 1:23

Cikil ngi misikristuhoy i dumvu naŋ. Kristu naŋ da zlaɓ zlaɓ ati taŋ, Buymisemuŋ kwana naŋ da wãˀ angi Kristu ya.

EFESEY 2:15

Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.

EFESEY 4:12

A ga kahana, ɓa ngi ɗiya mitiɓiheye, ɓa a gam slra ngi gila dumvu ngi Kristu,

EFESEY 4:3

Wuluk purla ngi ˀUf Mipal mavula na, tusom mevel ɓa ki ndiram di ar wala kumo ti cifi zuy zuy kum na.

EFESEY 4:5

Bumbulvuŋ, naŋ purla, tiɓi, naŋ purla, ci ar yama, naŋ purla.

FILIPIHEY 3:10

I wuɗ si na gwat mekelem ta, sey Kristu tewle ati gidaŋ naŋ mislikiɗ di baɗ a wuzla mumucahay. I wuɗ ɓa y'ada jom ati naŋ angi bonoy naŋ, yo ɓa i muc muc misi purla ati nga naŋ na ya,

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.

KOLOSOY 1:28

Ndra matilam di mi na, i naŋ vuna. Ndra maɓaka mbur gar ɗaˀ ɗaˀ le, yo ndra madubunaka sinmijileŋ ko wanaka gar, da mburo duban duban le na, ɓa mbur gar a tiri manja hereweɗ ar naŋ mujom ati Kristu.

KOLOSOY 2:2

Ya mawuɗ na, ɓa a ndiram ti tumo vu a mevel taŋ, ɓa a ndiram jom purla ti wuɗavu, a ndilaka luuma lesl mihaɗa ngi Buymisemuŋ, waɗ ɓa a sinaka gwat mufuna wuluk ngi mbur ngi Buymisemuŋ zleˀe na, mbiɗeˀvra: Kristu.

HEBEREY 5:14

Ɗafa, i gwat ngi mizli mitiram mizli le. Taŋ a sirkaka sli wala ngi gi gwat mezle ati malambaˀa le.

PIYER MUCUW NAŊ 1:4

Naŋ kine, gwat madiɗahay muwãˀ, naŋ miɓa ndra di ɗaˀ le na, a vula ndra taŋ le, ɓa kisa laham tivu duniya mizãˀã le ti hĩyã gwat, ɓa kisa jumom ar kpak ngi Buymisemuŋ.

PIYER MUCUW NAŊ 3:18

Amma a ram nga mbuŋ ti gi mezle, yo ar si na Buy ndra Yesu Kristu Milih ndra na. Anja dudok a ndir da naŋ, zle wurenna, hã ngi samadin! Amin.

ZAŊ MUDUMBUŊ NAŊ 5:20

I sinaka le, Mangal ngi Buymisemuŋ a so le, a vula ndra lesl le ɓa i sinaka Buymisemuŋ migisiŋ gisiŋ. Ndra mujom ati Buymisemuŋ migisiŋ gisiŋ na, mbele Mangal naŋ Yesu Kristu. Naŋ i Buymisemuŋ migisiŋ gisiŋ, yo i siifa ngi sete ma gar.