EFESEY 4:10 - Bible en langue guiziga

¹⁰ Mbur mipi sar na, i mupurla ati mucuh ng'ar li mikileŋ fineˀ muŋ na, ɓa a naha duniya kurzluˀ gar.

EFESEY 4:10 ပူးပေါင်းရင်းမြစ်များ

Matiye 24:34

Gisiŋ, yi ɓukum na: gwat hana gar a sa gi mur mizli migwenehey.

Ɓimezle ngi Yesu Kristu LUK mitil di mi 24:44

Dar a ɓa taŋ: «Puraka, ti ya misi zleˀe ati kumo, yi ɓukum na: ‹Anja ɓi mutohoko ar ya gar ar ɓimuɗuva ngi Moyis ati ngi mijiviɗey waɗ ar ɗerewol Dimis na, sey a gi muduba.›»

Ɓimezle ngi Yesu Kristu ZAŊ mitil di mi 1:16

Asi mike na, ndra gar i lumam mi ngi ndra le ar gimezle naŋ mihaɗi na, a ɗuwula ndra mi nga mbuŋ nga mbuŋ.

Ɓimezle ngi Yesu Kristu ZAŊ mitil di mi 19:24

Sojehey a ɓam ar wala taŋ: «I ngiraka zana madiɗa hana ta, zuwen kuɗukum caca, da masa zuma i waka na.» Ɓa gwat Ɓimutoho miɓa na a gi muduba, a ɓi: «A wunkaka zana ɗuwoyo le ar wala taŋ, yo a kiɗam caca le ti zana ɗu madiɗa.» Gwat sojehey migam na, i nah so.

Ɓimezle ngi Yesu Kristu ZAŊ mitil di mi 19:28

A dirba nah, Yesu a si na le, zle angi nah na, gwat gar a kiɗ mi le muduba. Ɓa Ɓimutoho a gi hã avu kiɗa mi naŋ muduba na, Yesu a ɓi: «Yam ara giy.»

Ɓimezle ngi Yesu Kristu ZAŊ mitil di mi 19:36

Naŋ kine, gwat hana gar migi na, ɓa Ɓimutoho a gi mi muduba: «Anta sa ngilakaŋ tesle ko pal ta.»

SLRA 1:11

Dar a ɓaka taŋ: «Mizli Galilehey, ki cicam dedeŋ akẽh, hiri tataˀ nga muŋ vur mike? Yesu muzuɓaka nga muŋ na, a sa mawa ti jiviɗ mupurla, ka kum mupurakaŋ, naŋ mucuh nga muŋ vuna ma.»

SLRA 1:9

A dirba mingiɓi hana na, a cuh nga muŋ, taŋ ara purakaŋ. Gazlavay a sirta sirit a mihiri taŋ.

SLRA 2:33

Buymisemuŋ a ga Yesu le ɗongor tir vay hazum naŋ. ˀUf naŋ Mipal, naŋ miɓa ɓi naŋ ɗaˀ le tuwa, a lumo di le tivi Cine, naŋ kwana a slino di le nga hirnga ndra. Kum mapuraka ati kum macinaka wurenna na, i nah.

SLRA 3:18

Buymisemuŋ a til mi ti ɓi nah le daf dumbuŋ, a ɓo di ti balam mijiviɗ naŋhay gar, a ɓi na: ‹sey Mesi naŋ a si bonoy seˀ le.› Migi na, i nah so.

KORENTIHEY MUCUW NAŊ 12:2

Mbur ada, i misikristu, i si na le. A gi le ni vi kuruˀ nga mufaɗa. A zuɓakaŋ faw ng'ar muŋ mimakir naŋ. Aru le ti dumvu naŋ vuna gisiŋ kwa? Malla aru manja dumvu kwa? I si na ta. Misina i Buymisemuŋ pal naŋ.

EFESEY 3:19

Yo ɓa ki sinaka wuɗavu ngi Kristu mudum hirnga ngi sinay gar na, ɓa ki naham, hã Buymisemuŋ a ndir angi kum wãˀ.

KOLOSOY 1:19

Asi Buymisemuŋ a hĩyã le, ɓa naŋ vuna wãˀ, a ndir jom ati Mangal naŋ.

KOLOSOY 2:9

Asi Buymisemuŋ wãˀa, a tiri dumvu, naŋ da jom ati Kristu.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

HEBEREY 4:14

Tiɓi ndra matilam di mi na, sey i jaka gidaŋ gidaŋ. Vur ndr'ada ti masay madiɗa a mbuŋ Buymisemuŋ, i Yesu Mangal ngi Buymisemuŋ. Naŋ a ngira muŋ le ŋcaht sesẽŋ avu Buymisemuŋ.

HEBEREY 7:26

Yesu i masay madiɗa a mbuŋ Buymisemuŋ, ka ndra mawuɗam. Naŋ pal, malambaˀ ati mungra anta ava ta, naŋ wal avu migi mungraˀahaya. Buymisemuŋ a zuɓa le hã nga duba muŋ.

HEBEREY 8:1

Gwat mupuɗaw haɗa angi ɓi ndra muboko di na, anihĩ: ndr'ada ti masay madiɗa a mbuŋ Buymisemuŋ ka ndra mawuɗama. N'ada joˀ tir vay hazum ngi Buymisemuŋ Mimadiɗa misi ar janga naŋ a muŋ.