EFESEY 4:1 - Bible en langue guiziga

¹ Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 4:1 ပူးပေါင်းရင်းမြစ်များ

ZLI VIRZI 17:1

Bumbulvuŋ mibiga vu da Abrama, naɓa naŋ ti vi kukur ngoltir ngaŋ ngoltir, a ɓaŋ: «Buymisemuŋ misi gidaŋ wãˀ i ya. A rudigi a mbuŋ ɗu, cifi kaslsla.

ZLI VIRZI 5:24

Henok a cifi kuy kuy a mbuŋ Buymisemuŋ, a dirba nah, naŋ anta mata, asi Buymisemuŋ a zuɓa le.

ZEREMI 38:20

Zeremi a mbiɗaŋ di: «Anta sa vulukuw asi haŋ taŋ ta. Cina mi ngi Bumbulvuŋ kaɓa ya maɓuw di na, gwat gar a sa gi tir mezle avu ka, kisa laha hutuŋ ɗike.

SLRA 9:31

Cikil ngi misikristuhoy misi angi hirwuy Yude, Galile ati Samari gar na, a roko zuy zuy, ara lumam gidaŋ, ara hinam hirnga a mbuŋ Bumbulvuŋ, mbele ˀUf Mipal majina taŋ, yo ara sikam nga mbuŋ nga mbuŋ.

ROMAHAY 11:29

Asi mike na, gwat Buymisemuŋ muvula le ngatara na, naŋ anta tiɓa a muŋ mata, yo mizli naŋ mizila taŋ le na, naŋ anta mbiɗa wuluk naŋ mata.

ROMAHAY 12:1

Sukum ɗu misikristuhoy, ambuh ambuh kum ti slimiɗ ngi Buymisemuŋ mapur ˀircece haɗa na so, ɓa ki vulakaŋ vu kumo wãˀ ti haŋ kumo, kaɓa gwat misi titiri ngi gi mikuli a mbuŋ Buymisemuŋ, mihĩˀĩ da Buymisemuŋ, maciraŋ hiri. Dilik kum mikaslsla ti jiviɗ naŋ a mbuŋ Buymisemuŋ, i nah so.

KORENTIHEY MUDUMBUŊ 4:16

I ra gukum ambuh ambuh haɗa, sipaka sar ɗu.

KORENTIHEY MUCUW NAŊ 10:1

I ya Pol ti hirnga ɗu maɓukum ti hina hirnga ati gi mezle ngi Kristu. Da y'ada a wuzla kum vuna hiti taˀ taˀ na, yi mbur muluɓ luɓ haɗi, amma da ya kileŋ avu kum na, yi mbur mutuwaˀ haɗi.

KORENTIHEY MUCUW NAŊ 5:20

Ndr'i mijiviɗ ngi Kristuhoy na, vurˀe. Buymisemuŋ mazulukum na, ti mingiɓi ngi balam ndra. Ambuh, ambuh kum, ti slimiɗ ngi Kristu, pulaka vu kum mbak, ɓa ki ɗiyam ɓi ar wala kum ati Buymisemuŋ.

KORENTIHEY MUCUW NAŊ 6:1

Naŋ kine, ndr'i ra gam slra jom ati Buymisemuŋ. Buymisemuŋ a gukum mezle le. Ambuh, ambuh kum, anja ki pulaka gimezle naŋ na fuk lambaˀ ta.

GALATAY 4:12

Sukum ɗu misikristuhoy, ambuh ambuh kum haɗi, gam kaɓa ya, asi yi gi le ka kumo. Ko ki zluɓam ɓi neˀ avu ya ta.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 3:1

Vurˀe, ya Polo, yi mbur dangay asi Yesu Kristu vur kum Yudehey ta na.

EFESEY 4:17

Ya maɓukum, yo ya magi sedewo ar ya mujom ati Bumbulvuŋ, puraka n'ani: anja ki sipam sirik ngi mizli duniyahay mata, wuluk taŋ ar ti taŋ nga zizi.

EFESEY 4:4

Dumvu, naŋ purla, ˀUf Mipala, naŋ purla. Naŋ kanah ya, Buymisemuŋ a zulu kum na, ɓa ki njaham hiri njah wãˀ.

EFESEY 5:2

Wuɗam vu ar wala kum ar joˀ kumo, kaɓa Kristu muwuɗ ndra na. A vula hirnga naŋ ti haŋ naŋ da Buymisemuŋ vur ndra, ka gwat muvula ngi gi mikuli mazĩˀĩ ndum haɗa, macira hiri da Buymisemuŋ.

FILIPIHEY 1:27

Amma sey da gwat ngi gi kumo, a ndila le kaɓa Ɓimezle ngi Kristu mawuɗo. Naŋ kine, da ko i ru le nga purukum, malla i ru ta kwana, i sa cine ɓi kumo, ki roko cicam zlak kuy kuy ar wuluk misi purla. Ki roko cikam vu jom arleˀe ti mevel purla, ka tiɓi Ɓimezle mawuɗo.

FILIPIHEY 3:14

Naŋ kanah, i ra kiɗ vu ngi ndila pi mi, ɓa i ra lum migir, Buymisemuŋ mazila ndra tisi Yesu Kristu nga tiɓi naŋ ar li ngi muŋ na.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 2:6

Naŋ kanah, ani, ki tiɓaka Yesu Kristu le, i Buy kum. Na, zuɓaka jiviɗe jom ati naŋ so.

KOLOSOY 4:12

Epafras, mbur ngi hay kum na, a jukum haŋ le ya. Naŋ, mbur migi slra ngi Yesu Kristu nah na, ko anta pula cika vu ti diradibiɗ vur kumo mbak le ta, ɓa ki ndiram zlak gidaŋ gidaŋ, manja hereweɗ, mizli mujuwam vu le ngi gi gwat Buymisemuŋ muwuɗ le gar.

TESALONIKEY MUDUMBUŊ NAŊ 2:12

I vulukum gidaŋ le, i tuslukum mevel le, i tumbulukum le haɗi haɗi, ɓa gwat ngi gi kum a ndir kaslsla kaɓa Buymisemuŋ mawuɗo. Mazilukum ɓa ki lumam dudok, waɗ ɓa ki cam ar zumabuy naŋ na, i naŋ.

TESALONIKEY MUCUW NAŊ 1:11

Vurˀe, i ra diram dibiɗ ndrehhe vur kumo, ɓa Buymisemuŋ ndra a purukum, ki ndilaka le ngi zile. I ra tumbulokoŋ ɓa a jinukum ti gidaŋ naŋ, ɓa ki gam gwat mezle, kum muroko ti may naŋ gar, yo ɓa ki gam slra ti tiɓi kum na.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

Ɗerewol TIT 2:10

Yo anja ko a huloko taŋ gwat neˀ ta, anja a bigaka teŋteŋ taŋ ndrehhe wãˀ jaka. Ɓa kanah na, mizli a sa ɗuvaka hirnga da dubuna ɓi ngi Milih ndra Buymisemuŋ.

HEBEREY 13:21

anja a tiri ti kum wirwir ngi gi gwat mezle, naŋ mawuɗ gar. Gwat maciraŋ hiri na, anja a ga a hur ndra tisi Yesu Kristu, mizli mavulakaŋ dudok hã ngi set na. Amin!

HEBEREY 3:1

Vurˀe, kum sukum ɗu misikristuhoy, Buymisemuŋ muzulukum na, puram hiri ng'avu Yesu, naŋ mislin, yo masay madiɗa a mbuŋ Buymisemuŋ ngi tiɓi ndra manjikaka na.

PIYER MUDUMBUŊ NAŊ 2:11

Yeme ɗuwoy, kum i mulakay, kum i mizli mizliɗam hirnga le pal pal asi ruwuyo. Ambuh ambuh kum so, jiginaka vu kum avu may gwat ngi vu kum magi vurum ti musuɗuk kum na.

PIYER MUDUMBUŊ NAŊ 3:9

Da mizli a gukum malambaˀ le na, anja ki maka taŋ di ti malambaˀ aya ta, malla da a zukum le na, anja ki maka taŋ di ti zi aya ta. Kum ɗuwulaka taŋ mi jaka, asi Buymisemuŋ muzulukum na vurˀe, a ɓi a sa gukum mezle.

PIYER MUDUMBUŊ NAŊ 5:10

Amma a dirba kum musam bonoy le ngi hin neˀ na, Buymisemuŋ magi mezle gar, muzulukum ɓa ki lumam dudok naŋ, dudok misi hã ngi sete, ar kum mujom ati Kristu na, naŋ ti haŋ naŋ, a sa ɗiyukum ar li kumo, a sa cucukum zlak, a sa tiri ti kum gidaŋ gidaŋ, yo a sa cucukum, ko gwat makiruhukum anta wãˀ.

PIYER MUCUW NAŊ 1:3

Naŋ kine, gwat ndra muroko ti may naŋ ar joˀ ndra, waɗ ar sipi jiviɗ ndra na, gidaŋ ngi Bumbulvuŋ a vula ndra di le. A vula ndra di ti naŋ mibiga ndra mbur mizila ndra ti dudok nga naŋ, waɗ ti gidaŋ nga naŋ magi slra na.

ZAŊ MUCUW NAŊ 1:5

Na, wurenna so na maˀãy ɗu, wuɗukum vu ar wala ndra. Ya matuhuw di hana, i ɓimuɗuva nawaya ta, i ɓi misi ndra mulumaka zle ar zlivirzi naŋ na.