EFESEY 3:9 - Bible en langue guiziga

⁹ Yo miga gwatay gar i Buymisemuŋ, ɓi naŋ mufuna wuluk ngi mbur, muɗum zlezle zleˀe na, ɓa i njika da mizli, a slaka wala naŋ kwaŋ kwaŋ.

EFESEY 3:9 ပူးပေါင်းရင်းမြစ်များ

DIMISEY 33:6

Bumbulvuŋ a ga muŋ ti mingiɓi naŋ, waɗ gwat ngi raˀahaya gar, a ga taŋ ti himiɗ ngi balam naŋ!

EZAYI 44:24

Israyeley, Bumbulvuŋ mimbiɗi hirnga kum, yo mukicuwukum zle a kwacay mumuŋ kumoyo, a ɓukum na: «Gwatay misi ada gar na, i ya Bumbulvuŋ miga taŋ. Minjira muŋ bilir i ya pal ɗu, i ciya hirwuyo cay pal ɗu, mijiniy i waka?

Matiye 10:27

Ɓi ya muɓukum di ar luvuŋ na, njikaka njoy wãˀ. Ɓi maɓukum di yaŋŋa a slimiɗ na, tilam di mi deŋ a balak.

Matiye 13:35

ɓa ɓi ngi mijiviɗ miɓa zleˀe na, a gi muduba, a ɓi na: «I sa wuna mi ngi ɓa taŋ ɓi ɗu weˀ ti wi. Ɓi ngi gwat muɗumo zleˀe zle angi zlivirzi ngi duniya na, i sa til di mi.»

Matiye 25:34

Joˀ buy a sa ɓa mizli ngir vay hazum naŋhay tuwa: ‹Kum mizli Baha muɗuwulukum mi, soko, zumam buy, Buymisemuŋ miɗiya vur kum zle ti naŋ muɗuva virzi ngi duniya.

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

Ɓimezle ngi Yesu Kristu ZAŊ mitil di mi 10:30

Ya ati Baha, ndra purla.»

Ɓimezle ngi Yesu Kristu ZAŊ mitil di mi 5:17

Amma Yesu a mbiɗa taŋ di: «Baha ara gi slra hã wurenna, yo ya kwana, i ra gi slra ya.»

Ɓimezle ngi Yesu Kristu ZAŊ mitil di mi 5:19

Dar Yesu a mbiɗa taŋ di: «Gisiŋ gisiŋ, yi ɓukum na: Mangala, naŋ anta gi gwat ko loŋ ti hirnga naŋ gu ta, amma sey a gi di i gwat naŋ mapura avu Cine. Asi gwat Cine maga na, Mangala, a ga kanah vuna ya.

SLRA 15:18

A biga gwat tayna diga nga dana ta.›

ROMAHAY 11:25

Sukum ɗuwoy, ɓi mikaslsla muɗum zleˀe ani, ya mawuɗ i bugukum di ɓa ki sinakaŋ, vur kum masa puraka vu kum kaɓa i misi sinmijileŋhey. Mizli mekelemey cah a wuzla Israyeleye, hirnga taŋ gidaŋ, amma a zik hã da Buymisemuŋ milaha sukwi ngi mizli mekelemeye le gar.

KORENTIHEY MUDUMBUŊ 2:7

I tilam di i mi ti sinmijileŋ ngi Buymisemuŋ, sinmijileŋ mufuna wuluk ngi mbur, miyaŋ, ɗum zleˀe. Dumbuŋ angi Buymisemuŋ miga duniya t'aruŋ, a wi di vu le, ɓa a sa vula ndra dudok naŋ ti naŋ.

EFESEY 1:4

Ar ndra mujom ati Kristu na, Buymisemuŋ a wina ndra le dumbuŋ angi naŋ miga duniya, ɓa i ndiram a mihiri naŋ, ndra pal, manja ɓi malambaˀ avu ndra. A wuɗ ndra le.

EFESEY 3:2

Buymisemuŋ migiy mezle, mupuliy slra ɓa yi ga vur kum na, ki cinaka ɓi nah le ɗaˀ gisiŋ ta kwa?

EFESEY 6:19

Diram dibiɗ vur ya ya, ɓa ya masa wuna mi na, anja Buymisemuŋ a vuliy mingiɓi naŋ, ɓa Ɓimezle mufuna wuluk ngi mbur na, i til di mi manja zluwun.

KOLOSOY 1:23

Amma so na, kum mitiɓam na, anja ki cicam kuykuy, zlak gidaŋ gidaŋ, anja ki pulaka vu kum, ki kiraham kileŋ avu njaha hiri angi Ɓimezle, kum micinaka na ta. Ɓimezle mitilam di mi da mizli asi gazlavay kurzluˀ gar na, ya Polo, i tiri le yi mbur migi slra nah.

KOLOSOY 1:26

I ɓi mufuna wuluk ngi mbur muɗum zleˀe, zle misi nga dana ta, amma wurenna, Buymisemuŋ a njika le da mizli naŋhaya.

KOLOSOY 3:3

Asi mike na, ki micam le, siifa kumo, naŋ da ɗum ati Kristu ar kum mujom ati Buymisemuŋ.

KOLOSOY 4:3

Da kum mira diram dibiɗ na, diram vur ndra ya, anja Buymisemuŋ a wuna miviŋ baŋ vur mingiɓi naŋ, ndra matilam di mi na, ɓa i til mi ti ɓi mufuna wuluk ngi mbur ngi Kristu, mijikiy ng'ar dangay aseˀe na.

TESALONIKEY MUCUW NAŊ 2:13

Kum sukum ndrahay, kum Bumbulvuŋ mawuɗokum na, sey ndr'i gaka sise da Buymisemuŋ ndrehhe vur kumo. Asi Buymisemuŋ a wunukum le zle dumbuŋ, ɓa ˀUf naŋ a luhukum, ˀUf naŋ matiri ti mburo, naŋ pal, yo asi kum matiɓaka ɓi mikaslsla na.

TIMOTE MUDUMBUŊ NAŊ 3:16

Gisiŋ, ɓi mufuna wuluk ngi mbur, ndra masipaka na, i ɓi madiɗa! Yesu Kristu a bugo vu ti dumvu ngi mbur, ˀUf Mipal a biga le, naŋ jeŋŋe, modro ngi Bumbulvuŋhoy a purakaŋ le keɗ keɗe, a tilam di mi le a wuzla sukwi ngi mizli, duniya keɗeɗe a tiɓakaŋ le, yo a zuɓaka le nga luuma dudok a muŋ.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

TIMOTE MUCUW NAŊ 4:17

Amma Bumbulvuŋ, naŋ a jiniy le, a vuliy gidaŋ le, ɓa yi til mi ti Ɓimezle kuy kuy wãˀ, ɓa hã mizli Yudehey ta gar kwana, a cinam. Yo a lihiy le ti balam moboro.

Ɗerewol TIT 1:2

ɓa a njaham hiri njah ar siifa ngi sete, Buymisemuŋ magi slir ta, miɓa ɗaˀ le zleˀe dumbuŋ angi gwatay gar na.

PIYER MUDUMBUŊ NAŊ 1:20

Buymisemuŋ, ti naŋ miga duniya taruŋ na, a wina Kristu le dumbuŋ si. Angi kiɗa mi ngi hin ngi dirba hanayna, a biga le njoy wãˀ vur kumo.

ƁIMUNJUYO 13:8

Mizli ngisi ruwuyoy gar, misi slimiɗ taŋ manja tuh angi ɗerewol ngi siifa ngi tumuŋ mikiɗaka vagay tuwa, waɗ mizli, slimiɗ taŋ manja tuh zle ti ɗuva virzi ngi duniya na, a sa dilkam a mbuŋ naŋ.

ƁIMUNJUYO 14:6

Dar yi pur modro mekelem ngi Buymisemuŋ, a slikiɗ hã a dadala muŋ. Naŋ ti Ɓimezle ngi sete, ɓa ngi til di mi da mizli ngi ruwuyoy: da sukwi ngi mizli ngi ruwuyoy gar, mizli mitaˀ taˀ gar, mizli maɓam mi wal wal gar, waɗ da mizli gar.

ƁIMUNJUYO 17:8

Gwat misããmi ka mupura na, naŋ da zleˀe, amma naŋ anta mata. A sa bo tir vigiɗ mijileŋ ɓa aru nga zizi. Mizli ngi ruwuyoy, misi slimiɗ taŋ manja tuh angi ɗerewol ngi siifa, zle ti ɗuvavirzi ngi duniya na, taŋ masa puraka gwat misããmi na, a sa zuma taŋ hirnga, asi naŋ da zleˀe, ani naŋ anta mata, amma a sa mawa a muŋ ma.

ƁIMUNJUYO 4:11

«Aw Bumbulvuŋ, Buymisemuŋ ndra, ki ndila le ter ɓa mizli a gukuw dudok, a ɗuvukuw hirnga, yo ɓa a sinaka, ka gidaŋ. Asi miga gwatay gar, i ka. Ki wuɗ le anja t'ada, yo a gam le.»