EFESEY 3:2 - Bible en langue guiziga

² Buymisemuŋ migiy mezle, mupuliy slra ɓa yi ga vur kum na, ki cinaka ɓi nah le ɗaˀ gisiŋ ta kwa?

EFESEY 3:2 ပူးပေါင်းရင်းမြစ်များ

SLRA 13:2

Ngi hin numuŋ ada na, taŋ ara dilkam a mbuŋ Bumbulvuŋ, yo ara gam dalyam, ˀUf Mipal a ɓi na: «Wikiy vu ti Sawul ati Barnabasa, hĩˀĩ vur slra ya mawuɗ i vula taŋ di.»

SLRA 13:46

Joˀ Pol ati Barnabas a ɓaka taŋ manja zluwun: «Anja a tilam mi ngi ɓi ngi Buymisemuŋ zleˀe dumbuŋ da kum jaka. Amma ani, ki ngumam ta, kum ti haŋ kumo, ki slaka kiita ngi hirnga kumo le, ki ndilaka ngi luuma siifa ngi sete ta. Na ndr'i mbiɗam hiri ng'avi mizli Yudehey ta na so.

SLRA 22:21

Amma Bumbulvuŋ tuwa a ɓiy: ‹Aru, ya masa slinuw na, kileŋ ng'avi mizli Yudehey ta.›»

SLRA 9:15

Amma Buy Yesu a ɓaŋ: «Aru, asi mbur nah na, i ya muwunaŋ ɓa ngi biga slimiɗ ɗu avu sukwi mekelemey ati buy madiɗa taŋhay waɗ avu Israyeley.

ROMAHAY 1:5

Buymisemuŋ migiy mezle na, tisi Yesu Kristu. A tiri ti ya mislin naŋ ɓa sukwi ngi mizli gar a tiɓam, a cinam mi da Buymisemuŋ, a ɗuvaka hirnga da Yesu Kristu.

ROMAHAY 11:13

Wurenna, i ɓi di i kum Yudehey ta na, ya i mislin ngi Kristu ng'avu mizli Yude tahay na, yo ya misi kanah na, i pura i slra ɗu hirnga wãˀ.

ROMAHAY 12:3

Buymisemuŋ a giy mezle le, vurˀe, kum purla purla gar, yi ɓukum na: anja ki wulkam wuluk mifineˀ gidaŋ kumo ta. Ko wa gar a wuluk kaslsla, weˀe avu tiɓi, Buymisemuŋ muvulaŋ nga naŋ.

KORENTIHEY MUDUMBUŊ 4:1

Anja mizli a puram ndra ka ndra i gawla ngi Kristuhoy, yo kaɓa mijikaw ngi ɓi mufuna wuluk ngi mbur ngi Buymisemuŋhoy.

GALATAY 1:13

Asi ti ya masipi jiviɗ ngi Yudehey zleˀe na, ki cinaka ɓi ngi gwat ya maga na le. Cikil ngi misikristu, mizli ngi Buymisemuŋhoyo, i sipa taŋ nder nder ti gidaŋ wãˀ, yo i hurdum le hirdam ɓa i ziza taŋ.

EFESEY 1:10

Ɓi Buymisemuŋ mujuwa a mevele, ɓa a sa ga wãˀ ar kiɗa mi ngi hin na, i naŋ muwuɗ ɓa a jumo gwat ngi muŋhoy ati ngi ruwuyoy kurzluˀ gar arleˀe, ɓa Kristu pal naŋ macifi buy a hirnga taŋ.

EFESEY 3:7

Ya mitiri gawla ngi tila mi ti Ɓimezle na, mbele gwat Buymisemuŋ muvuliy di asi gimezle naŋ ti biga gidaŋ naŋ na.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

EFESEY 3:9

Yo miga gwatay gar i Buymisemuŋ, ɓi naŋ mufuna wuluk ngi mbur, muɗum zlezle zleˀe na, ɓa i njika da mizli, a slaka wala naŋ kwaŋ kwaŋ.

EFESEY 4:21

Ɓi mikaslsla ngi Yesu, ki cinaka le ɗaˀ gisiŋ. Kum misikristuhoyo, a dubunukum di i nah.

EFESEY 4:7

Ko wa gar a wuzla ndra, a vulakaŋ gwat nga naŋ le, weˀe avu ngi Kristu muvula.

KOLOSOY 1:4

Asi mike na, kum mitiɓaka Yesu Kristu, yo kum mawuɗam mizli ngi Buymisemuŋhoy gar na, i cinaka ɓi nah le,

KOLOSOY 1:6

mindil hã a hay kum na. Ɓimezle ara yi zinga, yo ara njih nga mbuŋ nga mbuŋ ar duniya keɗeɗe gar. Naŋ kanah ya, a gi le a wuzla kumo, zle ti hin kum misinaka Buymisemuŋ ara gukum mezle ar ɓi mikaslsla naŋ na,

TIMOTE MUDUMBUŊ NAŊ 1:11

Dubun hana, naŋ da ar Ɓimezle mupulaka asi haŋ ɗu na. I Ɓimezle maɓi ɓi ngi Buymisemuŋ misi ti dudok, mavula ndra mumul na.

TIMOTE MUDUMBUŊ NAŊ 1:4

Sey ki ɓa taŋ ɓa a pulaka mambaˀhay ati slufa dideˀhey mutororo makiɗ mi ta na. I ɓi maso ti tiri tewle, ɓi Buymisemuŋ mujuwa a mevele ngi gi ngi gi, magi gisiŋ tisi tiɓi na, anta jinaŋ ko neˀ ta.

TIMOTE MUDUMBUŊ NAŊ 2:7

Buymisemuŋ mitiri ti ya bugawla, yo mislin naŋ na vurˀe. A sliniy ng'avi mizli Yudehey ta na, ɓa i dubuna taŋ tiɓi waɗ ɓi mikaslsla. Ya maɓa na, i gisiŋ gisiŋ, i gi di i slir ta.

TIMOTE MUCUW NAŊ 1:11

Buymisemuŋ a tiri ti ya bugawla le, mislin waɗ mudubuna gwat da mizli, ɓa ngi tila mi ti Ɓimezle nah vuna.