EFESEY 3:1 - Bible en langue guiziga

¹ Vurˀe, ya Polo, yi mbur dangay asi Yesu Kristu vur kum Yudehey ta na.

EFESEY 3:1 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 21:12

Amma dumbuŋ angi gwat tayna na, a sa jukum, a sa supukum nder nder, a sa vulukum ɓa a gukum kiita ar hay ngi dira dibiɗey, a sa cukum angi dangay. A sa ram ti kum a mbuŋ buy madiɗahay, yo a mbuŋ madiɗa ngi ruwuyoy, asi slimiɗ ɗu.

SLRA 21:33

Dar buy ngi sojehey tuwa a ru, a ja Polo, a ɓi ɓa a juwaka ti celeluhoy cuw. A dirba nah, a wuɗ ɓa a si na Pol vuna i waka, yo a gi mike?

SLRA 23:18

Dar madiɗa ngi sojeheye, a zuɓa mangal tuwa, aru di ng'avu buy ngi sojeheye, a ɓaŋ: «Pol, mbur dangay na, a ziliy, a ɓiy ɓa yi suw ti mangal gawla misenna. N'ada ti ɓi neˀ ngi ɓuw di.»

SLRA 26:29

Pol a mbiɗaŋ di: «Da ko wurenna malla da ko nga mbuŋ kwana, i ra tumbulo Buymisemuŋ, vur ka pal ta ɓula, amma vur mizli macinaka mingiɓi ɗu dana gar, ɓa ki tiram kaɓa ya vuna ya, amma anta ti celelu, ka ya misi ti naŋ na ta ɓula.»

SLRA 9:15

Amma Buy Yesu a ɓaŋ: «Aru, asi mbur nah na, i ya muwunaŋ ɓa ngi biga slimiɗ ɗu avu sukwi mekelemey ati buy madiɗa taŋhay waɗ avu Israyeley.

KORENTIHEY MUCUW NAŊ 1:6

Da ɓi mutuwaˀ a luuma ndra le na, naɓa i ngi sũhukum tuwuy, yo ɓa ki laham. Da a sõhõm ndra tuwuyo le na, naɓa i ngi sũhukum tuwuy, ɓa ki lumam gidaŋ ngi ɓusa bonoy misi purla ati ngi ndra masaka na ya.

KORENTIHEY MUCUW NAŊ 10:1

I ya Pol ti hirnga ɗu maɓukum ti hina hirnga ati gi mezle ngi Kristu. Da y'ada a wuzla kum vuna hiti taˀ taˀ na, yi mbur muluɓ luɓ haɗi, amma da ya kileŋ avu kum na, yi mbur mutuwaˀ haɗi.

KORENTIHEY MUCUW NAŊ 11:23

I migi slra ngi Kristuhoy kwa? I sa ɓi ɓi ngi mibihirngahay. Na, i funa taŋ le wãˀa. I gi slra le fineˀ taŋ. Yi zum dangay le fineˀ taŋ. A kiɗikiy le haɗa wãˀ fineˀ taŋ. A ndir mata ngi muc ngi muc is mbeˀ mbeˀe.

GALATAY 5:11

Ya na, sukum ɗuwoy, da i ra til mi ti ɓi ngi ci mizawa ma na, naɓa a sipikiy nder nder vur mi aruŋ maka? Da kine na, naɓa Kristu midiraka avu dum mizlira, ya mitil di mi na, anta ji mevel da mbur ta.

GALATAY 5:2

Ya Polo, i ɓukum di: da ki cam le a mizawa na, naɓa Kristu naŋ anta sa pulukum gir ko neˀ mata wãˀ.

GALATAY 5:24

Mizli ngi Kristuhoyo, dumvu taŋ ati hiyĩ gwat ngi dumvu taŋ waɗ may gwat naŋ gar na, a kiɗaka taŋ le vagay vagay ar dum mizlira.

EFESEY 3:11

Buymisemuŋ a ga kahana, kaɓa wuluk naŋ, naŋ mujuwa a mevele zle ngi sete, naŋ miga gisiŋ tisi Buy ndra Yesu Kristu na.

EFESEY 3:13

Vurˀe, i ra gukum ambuh ambuh, anja ki hĩhĩyam asi bonoy ya masa vur kum na ta. Magukum ɗongor na, i nah.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 6:20

Ya misi yi mislin, yo mujuwikiy ti celelu angi dangay na, aseˀeŋ. Tumbuloko Buymisemuŋ, ɓa i ɓi manja zluwun ka naŋ mawuɗo.

FILIPIHEY 1:7

Ya mawulkukum gar ar mevel ɗu kahana na, naŋ kaslsla wãˀ. Asi gimezle Buymisemuŋ migiy di, ko angi dangay, ko angi ya macik vu, yo ya mawuɗ ɓa Ɓimezle a cici kuy kuy na, kum gar, ki jumom le ati ya anga.

KOLOSOY 1:24

Wurenna, i ra mumul ti bonoy ya masa asi kumo. Asi da dumvu ɗu ara si bonoy na, kite yi kiɗ di mi ngi bonoy ngi Yesu misa vur dumvu naŋ, mbiɗeˀvra: Cikil ngi misikristuhoy na.

KOLOSOY 4:18

Ji haŋ, ya mutuhukum di ti haŋ ɗu, anihĩ: Ya Polo, i ro angi dangay, anja ki puykam hirnga ta. Anja Buymisemuŋ a gukum mezle.

KOLOSOY 4:3

Da kum mira diram dibiɗ na, diram vur ndra ya, anja Buymisemuŋ a wuna miviŋ baŋ vur mingiɓi naŋ, ndra matilam di mi na, ɓa i til mi ti ɓi mufuna wuluk ngi mbur ngi Kristu, mijikiy ng'ar dangay aseˀe na.

TIMOTE MUCUW NAŊ 1:16

Anja Bumbulvuŋ a pura ˀircece haɗa da mizli ngi hay Onesiforoyo, asi naŋ a vuliy gidaŋ le is mbeˀmbeˀe. Ko ti ya misi angi dangay na kwana, mesem a gaŋ nga pur ɗu ta.

TIMOTE MUCUW NAŊ 1:8

Buy ndra na, anja ki gi mesem ngi ga sedewo naŋ ta so, yo ya mbur dangay aseˀe na kwana, ki gi mesem ti ya ta ma. Amma sukum bonoy cuwa asi Ɓimezle, ti njahha hiri njah asi gidaŋ Buymisemuŋ mavula na.

FILEMOŊ 1:1

I ya Pol, ya mbur dangay asi ɓi ngi Yesu Kristu, waɗ sukum ndra Timote matuhukuw ɗerewol hana da ka Filemoŋ, ka ngama ndra muyummo, ndra magam slra bummoˀ,

FILEMOŊ 1:23

Epafras mbur dangay, cil ɗu tisi Yesu Kristu na, a juw haŋ le,

FILEMOŊ 1:9

Ya macufuɗuw na, asi ya mawuɗow. Haˀaw, ya midigila Pol, yo wurenna, yi mbur dangay asi Yesu Kristu.

ƁIMUNJUYO 2:10

Bonoy ka masa sa na, anja ki zluwun di ta. Pura, Satan a sa pi mizli mekelemey a wuzla kumo ng'ar dangay, ɓa a ci a kwacay kumo. Ki sa gam hin kuruˀ angi bonoyo. Ndir teŋteŋ hã gbaˀ avu mucu. I sa vuluw loppol ngi siifa.