EFESEY 2:8 - Bible en langue guiziga

⁸ Asi mike, kum milaham na, asi gimezle ngi Buymisemuŋ, yo mbele tiɓi kum na. Kum milaham na, ɓi nah a so ti vu kum ta, i gwat ngi vul ngi Buymisemuŋ.

EFESEY 2:8 ပူးပေါင်းရင်းမြစ်များ

Matiye 16:17

Dar Yesu a mbiɗaŋ di: «Ki ra mumul, Simoŋ mangal ngi Zonas! Asi ɓi ka miɓa na, i mbur titra mubuguw di ta, amma i Baha misi a muŋ mubuguw di.

Matiye 20:9

Joˀ mizli mizlaka slra ngi pastaˀ wãˀ tuwa, a soko, mbur gar a lum gabal gabal.

Mark 16:16

Mbur masa tiɓi, yo masa ci ar yam na, a sa lih. Mbur masa tiɓi ta na, kiita a sa jaŋ.

Ɓimezle ngi Yesu Kristu LUK mitil di mi 7:50

Dar Yesu a ɓa ngwasa: «Tiɓi ɗik a lihuw le. Aru zuy.»

Ɓimezle ngi Yesu Kristu ZAŊ mitil di mi 3:36

Mbur matiɓa Mangala na, naŋ ti siifa ngi sete. Mbur macina mi da Mangala ta na, anta sa lum siifa ta, amma Buymisemuŋ a sa ndir ti himaˀ a hirnga naŋ.»

Ɓimezle ngi Yesu Kristu ZAŊ mitil di mi 4:10

Yesu a mbiɗaŋ di: «Anja da ki si na gwat Buymisemuŋ mavula le, yo da ki si na mbur hana maɓuw: ‹vuliy yam ngi si vuna le zleˀe› na, anja ani i ka macufuɗaŋ, ɓa a vuluw yam maɓul goŋ goŋ jaka.»

Ɓimezle ngi Yesu Kristu ZAŊ mitil di mi 5:24

Gisiŋ gisiŋ, yi ɓukum na: mbur macina mingiɓi ɗu, yo matiɓa mbur mislino ya na, naŋ da ti siifa ngi sete. Anta gakaŋ kiita geˀ le ta, amma a tuwuɗ le tir muco ng'ar siifa si.

Ɓimezle ngi Yesu Kristu ZAŊ mitil di mi 6:35

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

Ɓimezle ngi Yesu Kristu ZAŊ mitil di mi 6:37

Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ.

Ɓimezle ngi Yesu Kristu ZAŊ mitil di mi 6:40

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

Ɓimezle ngi Yesu Kristu ZAŊ mitil di mi 6:44

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

Ɓimezle ngi Yesu Kristu ZAŊ mitil di mi 6:65

A ɓi ma: «Vurˀe, yi ɓukum na: ko mbur maso ng'avi ya gu anta, sey da Baha mupulaŋ jiviɗ nah le far.»

SLRA 13:39

Mbur mitiɓa le na, a lih le wãˀ.

SLRA 14:27

Ti taŋ mindiloko na, a cikiloko misikristuhoyo gar, yo a slufaka taŋ gwat Buymisemuŋ miga ati taŋ gar, wãˀ naŋ na, Buymisemuŋ muwuna jiviɗ da mizli Yudehey ta, ɓa a tiɓaka ɓi naŋ aya na.

SLRA 15:11

I mukum hiri naŋ ava ma: i tiɓaka le, ndra milaham na, mbele mezle ngi Buy Yesu miga ndra di, misi purla ati taŋ na.»

SLRA 16:14

Ngwas mekelem ada pal a wuzla taŋ, a zilaka Lidi, i migi terere ngi zana gagaza misi cikili naŋ haɗi. A so tir walahay Tiyatir, naŋ da huruk huruk a mbuŋ Buymisemuŋ zleˀe si. A ra cin kuy kuy, asi Bumbulvuŋ a wunaŋ mevele le, ɓa a jika slimiɗ ngi cine mingiɓi ngi Polo.

SLRA 16:31

A mbiɗakaŋ di: «Tuɓa Buy Yesu, ɓa kisa lih, ka ati hay ɗike gar.»

ROMAHAY 10:14

Amma da a tiɓakaŋ ta si na, a sa ndiram zlak ti zila slimiɗ naŋ mbri mbrike? Da a cinam ɓi naŋ ɗaˀ ta si na, a sa tiɓaka mbri mbri zleˀe ka? Da mbur a til di mi ɗaˀ ta si na, a sa cinam mbri mbri zleˀe ka?

ROMAHAY 10:17

Naŋ kanah, tiɓi na, a bo tir ɓi matilam di mi. Yo ɓi matilam di mi kwana, i ɓi ngi Kristu.

ROMAHAY 4:16

Naŋ kine, gwat Buymisemuŋ miɓa ɗaˀ le na, i lumaka tisi tiɓi. I gwat Buymisemuŋ mavula ngataraŋ, yo ɓa a ndir i gwat mupuɗaw wãˀ da dideˀ ngi Abrahamay gar. Anta vur mizli magaka gwat ɓimujuwa maɓa na tewle ta, amma vur tiɓi kaɓa ngi Abraham, cine ndra gar na ya.

ROMAHAY 4:5

Amma da mbur anta gi slra ta, Buymisemuŋ maɗiya mbur magi mungra na, da mbur nah ara tiɓaŋ na, Buymisemuŋ a puraŋ i mbur mijeŋŋe asi tiɓi naŋ na.

ROMAHAY 9:16

Nah so na, anta gi asi mbur muwuɗ le, malla asi gidaŋ ngi mbur ta, amma vur ˀircece ngi Buymisemuŋ.

GALATAY 3:14

A gi kahana, ɓa Buymisemuŋ muɗuwula mi da Abraham na, a ndil gbaˀ avu mizli Yudehey ta na, tisi Yesu Kristu, yo ɓa i lumam ˀUf Mipal, naŋ miɓa ɗaˀ le zleˀe tuwa, tisi tiɓi.

GALATAY 3:22

Amma Ɓimutoho a ɓi: mizli gar ara hinam hirnga a mbuŋ mungra, taŋ angi dangay misi purla, ɓa gwat Buymisemuŋ miɓa ɗaˀ le na, a gi da mitiɓihey tisi taŋ matiɓaka Yesu Kristu.

EFESEY 1:19

ɓa kisa sinaka gidaŋ naŋ mihaɗa, naŋ miɗiya vur ndra mitiɓihey. I gidaŋ nah, Buymisemuŋ mibiga mbar vu wãˀ.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 2:5

Ti ndra mumicam zleˀe asi gi malambaˀ ndra na, Buymisemuŋ a vula ndra siifa le jom ati Kristu. Kum milaham na, asi naŋ mugukum mezle.

FILIPIHEY 1:29

Asi Buymisemuŋ a gukum mezle le, ɓa ki gam gwat da Kristu. Anta ki tiɓakaŋ ti tiɓi tew ta, amma sey kisam bonoy aseˀe ma,

KOLOSOY 2:12

Ti taŋ mucukum ar yam na, kite a dikukum le ati Kristu. Yo ki slikiɗam le tir muco bumoˀ ma, asi gidaŋ ngi Buymisemuŋ mislikiɗa Yesu ti wuzla mumucahay ti naŋ na, ki tiɓaka le.

TESALONIKEY MUCUW NAŊ 1:9

Kuti taŋ na, i zizi wãˀ hã ngi surmutuk, kileŋ a mi hiri ngi Bumbulvuŋ, ɓa a puraka dudok naŋ mawucuɗo ta wãˀ.

HEBEREY 6:4

Naŋ kine, gwat magi ta wãˀ ada, kaɓa ani: Mizli micifam le ɗaˀ zleˀe ar li minjahha ngi Buymisemuŋ, gwat muvulo di paɗ a muŋ na, a titilaka le, a jumom le zleˀe ati ˀUf Mipal,

PIYER MUDUMBUŊ NAŊ 1:5

da kum, gidaŋ ngi Buymisemuŋ majiginukum tisi tiɓi kum, ɓa kisa lumam lih migweˀ masa njiko vu angi kiɗa mi ngi hin na.