EFESEY 2:4 - Bible en langue guiziga

⁴ Amma Buymisemuŋ a pur ˀircece haɗi teˀe, asi wuɗavu naŋ, naŋ muwuɗ ndra haɗa na.

EFESEY 2:4 ပူးပေါင်းရင်းမြစ်များ

NEHEMI 9:17

A ngumam cine mi ta, yo cekenehey ka miga taŋ vur taŋ na, a wulkaka ɓi naŋ keŋ mata. Hirnga taŋ gidaŋ. Taŋ mislikiɗam ɓi avu ka na ma na, a wulkam ɓa a mam ng'ar beke taŋ a Ezipte a muŋ. Amma ka, ki Buymisemuŋ mapul mungra ngi mizli, ki pur vu ti hiri mezle, ki pur ircece haɗa, ki ji mevel kutum ta, ka teŋteŋ haɗa, ko ki pula taŋ zlaɗ ta.

DIMISEY 145:8

Bumbulvuŋ naŋ ti mevel mezleŋ, yo a pur ircece haɗi, a ji mevel kutum ta, yo naŋ teŋteŋ haɗa.

DIMISEY 51:1

Dimis ngi wuzla dimis ngi Davitey. I mulumo di ar ɗerewol ngi buy dimis.

DIMISEY 86:15

Amma ka so na, Bumbulvuŋ, ki Buymisemuŋ, mapur ircece, yo misi mevel mezleŋ, maji mevel kutum ta, ka teŋteŋ haɗa, yo kakaslsla ma.

DIMISEY 86:5

Bumbulvuŋ, ki mbur mezle haɗa, yo ki pul mungra ma, mizli matumbulukuw gar na, ki vula taŋ gwata ti gula ti hazum.

BI NGI ISRAYELEY 33:19

Bumbulvuŋ a ɓaŋ: «I sa cuh a mbuŋ ɗike, i sa buguw gi mezle ɗu wãˀ bal ti zila slimiɗ nga ya ‹Bumbulvuŋ›. I sa ga mezle da mbur ya mawuɗ gaŋ mezleŋ, yo i sa pura ircece da mbur ya mawuɗ puraŋ ircece.»

EZAYI 63:7

Gi mezle Bumbulvuŋ miga gar, yo ɓi mahunumakaŋ vurˀe na, i wuɗ i mahiri ngi ɓa ɓi nah ava, i ɓi ngi gwatay, Bumbulvuŋ miga taŋ gar vur ndra, haˀaw, i gi mezle naŋ mihaɗa da sukwi Israyel, ati gwat mezlehey naŋ miga taŋ, vur naŋ mawuɗ taŋ haɗa na.

ZEREMI 31:3

A sa ɓi: ‹Bumbulvuŋ a bigiy vu le deŋ kileŋ.› Joˀ yi mbiɗaŋ di: ‹Yi ra wuɗ ka zle misi ngadana ta, yo ma na, ya maɗuɗo ka ng'avi ya na, asi ki ngama ɗu.

DANIYEL 9:9

Amma Bumbulvuŋ Buymisemuŋ ndra, i slikiɗam ɓi le avu ka, pura ndra ircece, pula mungra ndraˀahaya.

ZONAS 4:2

A tumbulo Bumbulvuŋ, a ɓaŋ: «Aw Bumbulvuŋ ɗu! Ti ya misi angi hirwuy ɗu na, i ɓi a kwacay ɗu zleˀe kahana vuna. Ya muwus vu ngi kil nga Tarsis na vurˀe. I si na le kuy kuy zleˀe si, ki Buymisemuŋ migi mezle, mapur ircece, maji mevel kutum ta, mawuɗ vu haɗa, yo da ka mujuwa ɓi le a mevel ngi gi malambaˀ da mburo na, ki pula teˀe.

Ɓimezle ngi Yesu Kristu LUK mitil di mi 1:78

Hana i gimezle mihaɗa, Buymisemuŋ ndra miga ndra di. Bangay ngi wuna li muso paɗ ti muŋ nga pura ndra na, mbele gimezle nah.

ROMAHAY 10:12

Vurˀe, mbur Yude asinta, mbur Grek asinta. Taŋ gar, Bumbulvuŋ taŋ purla, ara gi gwat mezlehey haɗi da mizli mandiram deŋ ti zila slimiɗ naŋ.

ROMAHAY 2:4

Buymisemuŋ maɓus ɓi haɗi, mavul haɗa, gimezle naŋ mihaɗi na asin ta, ki ra gi di kaɓa ɓi ngi sefel kwani? Mezle ngi Buymisemuŋ maguw di, ɓa ki mbiɗa mevel ɗike na, ki si na takwa?

ROMAHAY 5:8

Amma Buymisemuŋ mibiga ndra di, naŋ muwuɗ ndra haɗa na, ti Kristu mumuc vur ndra, ti ndra misi ar mungra ndrahay aruŋ na.

ROMAHAY 9:23

Yo naŋ miga kanah na, asi a wuɗ le ɓa a biga gi dudok naŋ mihaɗi na da mizli naŋ mupura taŋ ˀircece, naŋ miɗiya taŋ daf dumbuŋ zleˀe, ɓa a sa lumam dudok na.

EFESEY 1:7

Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.

EFESEY 2:7

Naŋ kine, gimezle ngi Buymisemuŋ, misi gwat ngi wa ti naŋ, anta na, Buymisemuŋ a wuɗ le ɓa a sa biga ndra di ti mbuŋ tisi gimezle naŋ, naŋ miga ndra di ar ndra mujom ati Yesu Kristu na.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

TESALONIKEY MUCUW NAŊ 2:13

Kum sukum ndrahay, kum Bumbulvuŋ mawuɗokum na, sey ndr'i gaka sise da Buymisemuŋ ndrehhe vur kumo. Asi Buymisemuŋ a wunukum le zle dumbuŋ, ɓa ˀUf naŋ a luhukum, ˀUf naŋ matiri ti mburo, naŋ pal, yo asi kum matiɓaka ɓi mikaslsla na.

TIMOTE MUDUMBUŊ NAŊ 1:14

Haˀaw, gimezle ngi Bumbulvuŋ ndra a gi le haɗi ar ya, a vuliy tiɓi a mevel waɗ wuɗavu tisi Yesu Kristu.

TIMOTE MUCUW NAŊ 1:9

I naŋ milaha ndra, a zila ndra ɓa i tiram mizli naŋhay. Anta asi gwat ngi gi ndra ta, amma asi wuluk naŋ mujuwa a mevele, waɗ asi gimezle naŋ. I gimezle naŋ miga ndra di dumbuŋ angi hin ngi sete, tisi Yesu Kristu.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,