EFESEY 2:3 - Bible en langue guiziga

³ Zleˀe kwana, ndra gar ka taŋ vuna ya. I sipam gwat kpak ngi vu ndra mahĩyã. I gam gwat vu ndra ati lesl ndra mawuɗo. Naŋ kine, ti kpak ngi vu ndra na, i ndilaka le ɓa Buymisemuŋ a zuɓ himaˀ ar ndra kaɓa naŋ mazuɓ ar mizli mekelemey na ya.

EFESEY 2:3 ပူးပေါင်းရင်းမြစ်များ

ZLI VIRZI 5:3

Adamu migi vi skat ti kukur makir na, a yi mangal muvu vunah i naŋ, ɓaˀ i naŋ. A caŋ slimiɗe Sete.

ZLI VIRZI 6:5

Bumbulvuŋ a pura na, mizli titrahay ara gam malambaˀ nga mbuŋ nga mbuŋ asi ruwuyo, yo a vam hiipas ti wuluk a mevel taŋ ngi gi malambaˀ tewle,

ZLI VIRZI 8:21

Mikuli misi zĩˀĩ naŋ a tisl mevel tuwa, Bumbulvuŋ mizãˀã na, dar a ɓi a mevele: «Y'anta sa nisa hirwuyo asi mburo mata ndiɗaˀ wãˀ. Gisiŋ wuluk ngir mevel ngi mbur ngi gi malambaˀa, naŋ zle ti zuŋ. Amma y'anta sa ziza gwat misi titiriheye keɗeɗe kaɓa ya miga hana mata ndiɗaˀ wãˀ.

Ɗerewol JOP 14:4

Mabo ti gwat manja dili tir gwat misi dili i waka? Ko mbur anta.

Ɗerewol JOP 25:4

Ɓa mbur a gi jeŋŋe mbak Buymisemuŋ le mbri mbri maka? Mbur, ngwas miya ma na, naŋ manja dili na, a gi kwa?

DIMISEY 51:5

Asi i si na zluɓ ɗu le, mungra ɗu naŋ da ndrehhe a mihiri ɗu.

EZAYI 53:6

Ndra gar zleˀe, zlaɗ lambaˀ kaɓa tumuŋhoy, mbur gar aru ti sipi jiviɗ naŋ, malambaˀ ndra gar migaka na, Bumbulvuŋ a paŋ di nga hirnga naŋ.

Mark 4:19

amma wuluk ngi duniya, tikin ngi luuma zlili ati may gwat mekelemeye, a ci a hur taŋ, dar a vuso Ɓi ngi Buymisemuŋ, mbak a sik mata.

Ɓimezle ngi Yesu Kristu ZAŊ mitil di mi 1:13

A ya ka taŋ i ziri ngi Buymisemuŋhoy na, anta kaɓa kpak ngi mizli titrahay a ruwuy misenna ta, anta vur a ya ka taŋ i ziri ngi mbur zil kine ta ma, amma i Buymisemuŋ muwuɗu.

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

SLRA 14:16

Angi vi mucohomoy na, Buymisemuŋ a pula sukwi ngi mizli le gar, ɓa a sipam jiviɗ taŋ muwuɗam.

ROMAHAY 1:24

Vurˀe, Buymisemuŋ a pula taŋ mbak, a gam gwat ngi mevel taŋ mahĩyãŋ, a hiryaka vu taŋ ti naŋ. Taŋ ti hirnga taŋ, a gam gwat ngi mesem mukuy ta wãˀ ar wala taŋ tehhe a muŋ.

ROMAHAY 11:30

Naŋ kine, ti zleˀe, kum Yudehey ta na, ki cinaka mi da Buymisemuŋ ta, amma wurenna, Buymisemuŋ a purukum ˀircece le, asi Yudehey micinakaŋ mi ta na.

ROMAHAY 13:14

Amma kaka Buy Yesu Kristu avu vu kumo, yo gwat ngi kiɗa may da kpak ngi vu kum na, anja ki pulakaŋ vu ta.

ROMAHAY 2:14

Mizli Yudehey ta na, a sinaka ɓimujuwa ta, amma da ara gaka gwat ɓimujuwa maɓa na, ko da ɓimujuwa inga taŋ ta kwana, slra taŋ a bigi le, kaɓa a sinaka gwat ngi gi ati ngi gi ta le.

ROMAHAY 5:10

Naŋ kine, ndr'i mesene ngi Buymisemuŋhoy zleˀe, amma tisi Mangal naŋ mumuc na, ɓi ndra a ɗiyi le ati Buymisemuŋ muduba. Da naŋ kine na, ɓi ndra miɗiyi ati naŋ na, a sa laha ndra tisi siifa ngi Mangal naŋ vuna ta jak kwa?

ROMAHAY 5:9

Ani wurenna, Kristu a ɗiya ndra le jeŋŋe ti pumbus, naŋ mipa vur ndra ma na, a sa laha ndra ti ngi himaˀ Buymisemuŋ masa zuɓa angi ndra na ta jak kwa?

ROMAHAY 6:12

Anja mungra a zum buy angi dumvu kum mamuc na mata, ɓa a gukum ki hĩyãm gwat ngi dumvu mata.

ROMAHAY 7:18

Asi i si na le, gwat mezle anta a hur ɗu ta, mbiɗeˀvra: a hur ɗu, ya mburo. Ko da may gi gwat mezle ada hur ɗu tekeɗe kwana, i ndila gi naŋ ta.

ROMAHAY 9:22

Da Buymisemuŋ, a wuɗ biga himaˀ naŋ ati gidaŋ naŋ le avu mizli mekelemeye na, asi a ndilaka le ter ɓa a pa himaˀ naŋ angi taŋ, yo taŋ gweˀ ngi zizi. Dambalaka na, a ɓus di ni ɓi ti ɓus haɗi.

KORENTIHEY MUDUMBUŊ 4:7

Asi mitiri ti ka madiɗa ar mizli mekelemey na, i waka? Gwat ngi si haŋ ɗik gar na, i Buymisemuŋ muvuluw di ta kwa? Yo da a vulukuw le ma na, ki huhumo vu ɗik kaɓa a vulukuw di ti vul ta mbri mbri maka?

KORENTIHEY MUCUW NAŊ 7:1

Yeme ɗuwoy, ani gwat tayna gar na, Buymisemuŋ a ɓa ndra di le ɗaˀ le, a sa ndiram da ndra. Vurˀe, dumvu ndra ati musuɗuk ngi vu ndra misi dili na, zuɓukum dili taŋ ti haŋ ndra. Tumukum vu ɓa i ndiram ndr'i mizli muvuku vu taŋ wãˀ ti zluwunun ti Buymisemuŋ.

GALATAY 3:22

Amma Ɓimutoho a ɓi: mizli gar ara hinam hirnga a mbuŋ mungra, taŋ angi dangay misi purla, ɓa gwat Buymisemuŋ miɓa ɗaˀ le na, a gi da mitiɓihey tisi taŋ matiɓaka Yesu Kristu.

EFESEY 2:2

Ki sipam zleˀe i jiviɗ mupurla ati ngi duniya hana. Ki cinam mi zleˀe da buy ngi setenehey mazum buy ar birngiŋ. I setene magi slra wurenna a mevel mizli mislikiɗa ɓihey avu Buymisemuŋ.

EFESEY 4:22

Anja ki pulaka gi gwat kum misi zleˀe na. Kpak ngi vu kum magala mahiryi ti hiyĩ gwat magukum gilaw na, muɗam vu kum ceɗ ti ngaŋ.

KOLOSOY 1:21

Yo zleˀe na, kum kileŋ avu Buymisemuŋ, kum i mesene naŋhay wãˀ, asi gwat ngi gi kum malambaˀ na.

TESALONIKEY MUDUMBUŊ NAŊ 4:13

Sukum ndrahay, i wuɗam ɓa ki slaka wala ngi ɓi ngi mizli mumucahaya kuy kuy. Anja ki ndurɓom hiri ka mizli mekelemey manjaham hiri ta na ta.

TESALONIKEY MUDUMBUŊ NAŊ 5:6

Vurˀe, anja i hinjam kaɓa mizli mekelemey na ta so, amma cufukum joˀ joˀ titiri, i wam ti mbaazla ta.

TIMOTE MUDUMBUŊ NAŊ 6:9

Amma mizli mawuɗam ɓa a gam zlili na, a sa cam ar tikin kutum, ar may gwat miwal wal ngi gilaway, maso ti mendere, maru ti mizli nga hiryi, a ziza taŋ.

Ɗerewol TIT 3:3

Asi ndra vuna zleˀe kwana, ndr'anta ti lesl ta, i slikiɗam ɓi, i zizam le, ndr'i beke ngi may gwat wal wal waɗ ngi gwat macira hiri dumvu gar. Ndra zleˀe ti moˀore a kwacay waɗ may gwat, mizli mihimaˀhay, i hirsam vu ar wala ndra.

PIYER MUDUMBUŊ NAŊ 1:14

Cinaka mi da Buymisemuŋ. Anja ki sipam gwat vu kum mahĩyã kaɓa kum migam tir manja sin naŋ zleˀe na mata.

PIYER MUCUW NAŊ 2:14

Pura hiri taŋ, i pura hiri ngi gi madama. Gi mungra anta ɓula taŋ mi ta wãˀ. A pam mazaɓ a mbuŋ mizli hĩhĩyahay. I bugawla ngi may zlilihey, nis ngi Buymisemuŋ naŋ da avu taŋ.

PIYER MUCUW NAŊ 2:18

A ɓam ɓi ngi huhumvu, mingiɓi migilaw gilaw. Mizli mulohoko wureˀ aruŋ, ti wuzla mizli misi ar malambaˀ na ma na, a wuɗam ji taŋ ti may gwat ngi dumvu taŋ magi mesem na.

ZAŊ MUDUMBUŊ NAŊ 2:16

Gwat ngir duniya gar, kaɓa: may gwat ngi dumvu, hiyĩ gwat ngi hiri mapura gar waɗ pula vu mbak da huhumvu ti zlili gar na, a so tivi Cine ndra ta, amma a so tivu duniya.

ZAŊ MUDUMBUŊ NAŊ 2:8

Amma kwana, i tuhukum di i ɓimuɗuva nawaya na si. Kaslsla naŋ, a njik tisi Yesu waɗ tisi kumo ma, asi luvuŋ ara cuh, yo li minjahha migisiŋ gisiŋ ara pusluɗu.