EFESEY 2:15 - Bible en langue guiziga

¹⁵ Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.

EFESEY 2:15 ပူးပေါင်းရင်းမြစ်များ

EZAYI 9:6

A sa ndaha gidaŋ naŋ ngi zuma buyo, a sa ga ɓa zuy a kiɗ mi ta. A sa cifi ar janga ngi buy Davite, yo a sa ru ti zumabuy naŋ, a sa cica, a tira gidaŋ gidaŋ, ti gi gwat mikaslsla waɗ ti gi jeŋŋe, zle wurenna hã ngi sete. Hana i Bumbulvuŋ misi gidaŋ wãˀ masa ga ti vula vu naŋ migǝr gǝr.

KORENTIHEY MUCUW NAŊ 5:17

Yo ma na, da mbur mujum le ati Kristu na, a tiri mbur nawaya le. Gwat magala a cuh le, puraka, gwat nawaya naŋ da.

GALATAY 3:10

Asi mizli macicam nga taŋ deŋ ar ɓimujuwa na, i minisahay le cek. Asi a tohoko na: «Gwat mutohoko gar angi ɓimujuwa na, ko wa gar muhurdum ngi gi naŋ ta na, i minisaŋ.»

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

GALATAY 6:15

Ɓi ngi ci mizaw, malla ci mizaw ta gar na, i gwat mupuɗaw ta. Amma gwat mupuɗawa, i tiri mbur nawayaŋ.

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 2:14

Miga ɓa i ndiram zuy zuy na, i naŋ. A jumo mizli Yudehey ati Yudehey ta na, ɓa a tiram sukwi purla. Kristu a mbizla mohol mawunka wala ngi Yudehey ati Yudehey ta na, ti dumvu naŋ, naŋ muvula. A kiɗa mi ngi gi mesene ar wala taŋ le.

EFESEY 2:16

Yo sukwi mucuw tayna gar na, a jumo taŋ le ar dumvu purla, a ɗiya ɓi ngir wala taŋ ati gi mezle le ti muc naŋ angi dum mizlira. Kristu a kiɗa mi ngi gi mesene le anga.

EFESEY 4:16

Dumvu gar mujom na, aseˀeŋ, yo naŋ mujom purla ar leˀe kuy kuy na, mbele hirzlik ngi dumvuhoy gar mujumokoŋ. Da hirzlik gar ara ga slra nga naŋ na, dumvu gar a gil, a gi ɓesde nga mbuŋ ar wuɗavu.

KOLOSOY 2:14

Duvus misi a hirnga ndra, mabiga i zluɓaka le, ɓimujuwa mamo di nga hirnga ndra na, Buymisemuŋ a susuymo le avra, a dira le avu dum mizliraŋ.

KOLOSOY 2:20

Ki micam le jom ati Kristu, yo Buymisemuŋ a guhukum le gwah tivi gwat ngi duniyahaya. Na, ki hinam hirnga avu gwat ngi duniyahaya, kaɓa siifa kum a cir tisi duniya ɓula si mbri mbri maka?

KOLOSOY 3:10

Yo ki kam kpak ngi vu nawaya le. I kpak ngi vu ngi mbur nawaya, maɗiyi nawaya nawaya ndrehhe, ɓa a tiri kaɓa Buymisemuŋ migi naŋ vuna, ɓa a ndila si na Buymisemuŋ kuy kuy wãˀ.

KOLOSOY 3:11

Kahana so na, mbur Yude malla Yude ta, asinta, mbur mici le a mizaw malla mici ta, asinta. Mbur mulak malla ko mbur manja wuna slimiɗ, asinta, mbur beke malla diimu, asinta. Amma Kristu, naŋ i gwat gar, naŋ da ar gwat gar.

KOLOSOY 3:15

Anja zuy ngi Kristu a zum buy a mevel kumo. Buymisemuŋ muzulukum gar ɓa ki tiram dumvu purla na, ng'ar zuy nah vuna. Gaka sise da Buymisemuŋ.

HEBEREY 7:16

A cifakaŋ i masay na, kaɓa ɓimujuwa ngi mizli masipaka na ta, amma a cifi i masay ti gidaŋ ngi siifa makiɗ mi ta wãˀ.

HEBEREY 8:13

Da Buymisemuŋ ara ɓi ɓi ngi jumoˀay nawaya na, naɓa a tiri magala le ti mudumbuŋ. Dambalaka gwat magala mira gi gal na, naŋ gweˀ ngi susuyum.

HEBEREY 9:23

Foto ngi gwat migisiŋ gisiŋ ngi muŋhoyo, da muzuɓa dili taŋ avra i mezegwel tayna na, naɓa gwat migisiŋ gisiŋ ngi muŋhoyo, a zlir le mazuɓa dili taŋ i gi mikuli a mbuŋ Buymisemuŋ mimezle.