EFESEY 2:14 - Bible en langue guiziga

¹⁴ Miga ɓa i ndiram zuy zuy na, i naŋ. A jumo mizli Yudehey ati Yudehey ta na, ɓa a tiram sukwi purla. Kristu a mbizla mohol mawunka wala ngi Yudehey ati Yudehey ta na, ti dumvu naŋ, naŋ muvula. A kiɗa mi ngi gi mesene ar wala taŋ le.

EFESEY 2:14 ပူးပေါင်းရင်းမြစ်များ

ESTER 3:8

Akẽh na, Haman a ɓa buy Zersese: «Kumani, mizli ada na, sukwi taŋ gwah pal, taŋ suɓulak a wuzla mizli ngir li buyoy miwaka taŋ gar asi ruwuy ɗik, ka mazum buy anga gar. Ɓimujuwa nga taŋ naŋ pal avu ngi mizli gar. Yo ɓi ngi ka buy mujuwa na, taŋ, t'anta sipaka ta. Ɓa ki pula taŋ setette kanah na, ko t'anta pulukuw gir neˀ ta.

MISE 5:5

Taŋ, a sa waka hirwuy Asiri ti maslalam taŋhaya, yo a sa waka hirwuy Nemroto ti gordo taŋhay. Amma da Asirihey misa coko le asi hirwuy ndra, yo taŋ misa coko le, hã ar maakway ndra na, masa laha ndra i buy vuna.

ZAKARI 6:13

Masa ndiriy hay da ya Bumbulvuŋ i naŋ. A saka gwat maka ka da buy avu vu, a sa cifi ar janga naŋ ngi buyo, dar a zum buy. Masay a sa cifi a cikeˀe, taŋ cuw taŋ, ngiɓiˀay mezle a sa bigi ar wala taŋ.›

Ɓimezle ngi Yesu Kristu LUK mitil di mi 1:79

A pusluɗa li da mizli misi ar luvuŋ, yo mazluwunam ti muco, ɓa aru ti ndra, i sipam jiviɗ muzuy.»

Ɓimezle ngi Yesu Kristu LUK mitil di mi 2:14

«Dudok da Buymisemuŋ misi sesẽŋ a dadala muŋ! Zuy a ruwuy, da mizli naŋ mawuɗ taŋ haɗi!»

Ɓimezle ngi Yesu Kristu ZAŊ mitil di mi 10:16

Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɓimezle ngi Yesu Kristu ZAŊ mitil di mi 11:52

Anta muc vur Yudehey tew ta ma, amma ɓa ngi kuso ziri ngi Buymisemuŋhoy mizliɗam hirnga gar, ɓa a tiram purla.

Ɓimezle ngi Yesu Kristu ZAŊ mitil di mi 16:33

Yi ɓukum ɓi hana, ɓa kum mujom ati ya na, ki ndiram zuy zuy. Ki sa sam bonoy ar duniya hana, amma ki zluwunam ta, yi pa hirnga le da duniya!»

SLRA 10:28

Dar a zla a ɓi: «Ɓa mbur Yude, a ndir ɓaˀ ngi ru ngi hay mbur Yude ta, malla ko ngi ru blaw blaw kwana, ki sinaka le, i mungra madiɗaŋ. Amma ya, Buymisemuŋ a bigiy di le, ɓa i pura mburo i misi dili malla i manja dili na, a gi ta.

SLRA 10:36

A slino mingiɓi naŋ da Israyeley, a sa taŋ ti Ɓimezle ngi vula zuyo, tisi Yesu Kristu, naŋ Bumbulvuŋ ngi mizli gar.

ROMAHAY 5:1

Kanah so na, i ɗiyam le jeŋŋe a mbuŋ Buymisemuŋ, asi tiɓi, ani wurenna, ndra zuy zuy ati Buymisemuŋ, mbele Buy ndra Yesu Kristu.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

EFESEY 2:15

Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.

EFESEY 2:17

A so tila mi ti ɓi ngi vula zuy da kum mikileŋ kileŋhey zleˀe, yo waɗ da mizli migweˀe gweˀhey

EFESEY 3:15

Mizli mazilam cine a muŋ waɗ a ruwuy gar na, a lumoko slimiɗ hana ti vaˀaŋ.

EFESEY 4:16

Dumvu gar mujom na, aseˀeŋ, yo naŋ mujom purla ar leˀe kuy kuy na, mbele hirzlik ngi dumvuhoy gar mujumokoŋ. Da hirzlik gar ara ga slra nga naŋ na, dumvu gar a gil, a gi ɓesde nga mbuŋ ar wuɗavu.

KOLOSOY 1:20

Yo gwatay naŋ miga taŋ gar na, a ɗiya ɓi naŋ ati naŋ Buymisemuŋ tisi Mangal naŋ. Gwat ngi ruwuyoy ati ngi muŋhoy gar na, Buymisemuŋ a cica ɓi ngi vula taŋ zuyo, tisi pumbus ngi Mangal naŋ muɓul ar dum mizliraŋ.

KOLOSOY 2:20

Ki micam le jom ati Kristu, yo Buymisemuŋ a guhukum le gwah tivi gwat ngi duniyahaya. Na, ki hinam hirnga avu gwat ngi duniyahaya, kaɓa siifa kum a cir tisi duniya ɓula si mbri mbri maka?

KOLOSOY 3:11

Kahana so na, mbur Yude malla Yude ta, asinta, mbur mici le a mizaw malla mici ta, asinta. Mbur mulak malla ko mbur manja wuna slimiɗ, asinta, mbur beke malla diimu, asinta. Amma Kristu, naŋ i gwat gar, naŋ da ar gwat gar.

KOLOSOY 3:15

Anja zuy ngi Kristu a zum buy a mevel kumo. Buymisemuŋ muzulukum gar ɓa ki tiram dumvu purla na, ng'ar zuy nah vuna. Gaka sise da Buymisemuŋ.

HEBEREY 13:20

Buymisemuŋ mavul zuy, mislikiɗa Buy ndra Yesu, mijigin madiɗa ngi tumuŋhoy ti wuzla mumucahay ti pumbus ngi jumoˀay ngi sete na,

HEBEREY 7:2

Abraham a vulaŋ mukuruˀ ngi gwat naŋhay gar. Dumbuŋ na, slimiɗ Melkisedeke, mbiɗeˀvra: «buy madiɗa mijeŋŋe.» Yo ma na, i buy ngi Salem, mbiɗeˀvra: «buy leleŋ.»