EFESEY 2:12 - Bible en langue guiziga

¹² Zleˀe na, kum kileŋ avu Kristu, kum i mulakay. Kum anta wuzla mizli ngi Buymisemuŋhoyo ta. Buymisemuŋ mujum ˀay ati mizli naŋhay, naŋ miɓa ɗaˀ le na, kum anta nga ta. Kum manja Buymisemuŋ ar duniya, yo manja njaha hiri.

EFESEY 2:12 ပူးပေါင်းရင်းမြစ်များ

ZLI VIRZI 15:18

Tapas nah na, Bumbulvuuŋ a jumˀay ati Abrama: «Hirwuy misenna zle a mizaw Ezipte hã sesẽŋ a mizaw madiɗa mazilaka Efrat na, yi sa vula da dideˀ ɗikey.

ƁI NGI HINEY MUCUW NAŊ 15:3

Israyeley a zikam le haɗi, manja Buymisemuŋ migisiŋ gisiŋ, manja masayay ɓa a dubunaka taŋ gwata, yo manja ɓimujuwa.

ESDRAS 4:3

Amma Zorobabel, Yesuwa waɗ buy ngi hay ngi wuzla mizli Israyeleye, a ɓaka taŋ: «Ndr'anta jumom ati kumo ngi ndira hay da Buymisemuŋ ndra ta. I ndra pal ndra mandiraka hay da Bumbulvuŋ, Buymisemuŋ ngi Israyele, kaɓa Sirus, buy Perse mupula ndra jiviɗ naŋ na.»

BI NGI ISRAYELEY 12:45

Moholoy malla migi slra ngi dala a zuma ta.

EZAYI 14:1

Ircece a sa ga Bumbulvuŋ ti dideˀ ngi Zakopoyo. A sa wina Israyeleye ava ma. A sa cifa taŋ asi ruwuy taŋ. Mulakay a sa jumom ng'avi taŋ, Joˀ a sa jumom gar ng'avi mizli ngi hay Zakopoy.

EZAYI 44:6

Israyeley, Bumbulvuŋ, buy madiɗa kum, mimbiɗi hirnga kum, Bumbulvuŋ, Misi Gidaŋ wãˀa, a ɓukum na: «Mudumbuŋ i ya, ngi dirba i ya ma. Mbak ya le na, Buymisemuŋ mekelem anta.

EZAYI 45:20

Kum sukwi ngi mizli mindiram ar sifa, kusom, soko. Soko jom arleˀe. Mizli mijijira kuli dum taŋhay na, a sinam gwat ta. A ra tumbuloko kuli taŋ tayna, malahaka taŋ gu ta na.

EZAYI 61:5

Mizli mulakay a sa soko ti ka ti ka gar ngi jigina li, dar a sa jiginukum aw ati tumuŋhoyo. Ziri mizile ngi mizli mulakay a sa hufukum guvahaya, a sa ɗiyukum guva ngi gudubunoyo.

ZEREMI 14:8

Israyel muro hiri njahha na asi ka, ka malih vu ar hin ngi bonoyo na ki ga vu ɗik kaɓa mbur mulak asi ruwuyo vur mike? Yo kaɓa mulak muloˀo ti liˀi, put ti miprike, a zuɓa jiviɗ naŋ a muŋ na, vur mike?

ZEREMI 17:13

Bumbulvuŋ, Israyel a ɗuva wuluko le taˀ ar ka, mizli mupulukuw le gar na, a roko ti mesem, mizli mikiraham le gar avu ka na, i mija taŋ le ti kiita, asi ara pulaka Bumbulvuŋ, miviɗiviɗi ngi yam miyaɓ yaɓa.

EZEKIYEL 13:9

Mijiviɗ mupura gwat ti kleŋ ngatara lambaˀhay ati minjika ɓi ngi gi gilaw da mizli na, i sa biga gidaŋ ɗu ar taŋ. Tˀanta sa cifam ar li ngilawuy ngi mizli ɗuwoyo ta, anta sa tohoko slimiɗ taŋ ar ɗerewol ngi Israyeleye ta, yo t'anta sa cam sar kulaˀ le asi ruwuy Israyele ta ma. Dar kisa sinaka, yi Bumbulvuŋ, Buymisemuŋ.

EZEKIYEL 37:26

I sa cica ɓi ngi ngiɓiˀay ati kum. A sa tiri i jumoˀay misi hã ngi sete. I sa cufukum ar li kum a muŋ, i sa sukukum. I sa ɗuva hay ɗu a wuzla kum ngi wãˀa.

EZEKIYEL 47:22

Ki sa wuɗkaka hirwuy ar wala kumo ti ceregezleŋ, kum ati mizli mulak mucufa ngi wuzla kumoy, miyam ziri mizilehey le a wuzla kumo. Ki sa puraka taŋ a wuzla kumo kaɓa zuŋ ngi hay a wuzla Israyeleye. A sa lumam hirwuyo jom ati kumo ti gi ceregezleŋ a wuzla sukwi Israyeleye.

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

SLUFA VU 18:19

Gwat Israyeley majam di mi ɗu gar na, i vulukum taŋ le gar. A sa ndir wãˀ da kum, da ka Aroŋ ati ziri ɗik mizilehey waɗ mongosohoyo, tisi jumoˀay makiɗ mi ta, ya mujum ati ka, waɗ ati dideˀ ɗikey na.»

Ɓimezle ngi Yesu Kristu LUK mitil di mi 1:72

A biga gimezle naŋ le da dideˀ ndraˀahaya, a wulka jumoˀay naŋ le.

Ɓimezle ngi Yesu Kristu ZAŊ mitil di mi 10:16

Y'ada ti tumuŋ mekelemey ma, t'anta ar gezleŋ misenna ta. Taŋ kwana, sey yi so ti taŋ, a sa cinam ˀay ɗu, yo gezleŋ a sa tiri purla waɗ mijigin purla.

Ɓimezle ngi Yesu Kristu ZAŊ mitil di mi 15:5

Yi gudubun, kum i mihaŋhay. Mbur mandir jom ati ya, ya kwana jom ati naŋ na, a sa yi locok locok haɗa. Mbele ya ta na, kum anta gam gwat ko neˀ gu ta.

Ɓimezle ngi Yesu Kristu ZAŊ mitil di mi 4:22

Kum Samariheye, Buymisemuŋ, kum maputukulom a mbuŋ naŋ na, ki si na ka ta Amma ndra Yudeheye, i putukulomo a mbuŋ Buymisemuŋ ndra misinaka le, vur ɓi ngi laha vu a so ti vu Yudehey.

SLRA 2:39

Asi gwat Buymisemuŋ miɓia ɗaˀ le, a sa vula na, da kum, da ziri kumoy ati mizli mikileŋ kileŋhey gar, Bumbulvuŋ, Buymisemuŋ ndra masa zilo taŋ haɗi na.»

SLRA 28:20

Ya muzulukum na vurˀe, ɓa yi purukum, yo ɓa i kiɗam slir ati kumo. Wãˀ naŋ na, taŋ mujuwikiy ti celelu hana na, asi mbur Israyeley manjaham hiri aseˀe na.»

SLRA 3:25

Ziri ngi mijiviɗey waɗ ngi jumoˀay ngi Buymisemuŋ ati dideˀ kumoy na, i kum vuna. Ti naŋ miɓa Abraham: ‹I sa ɗuwula mi da sukwi ngi mizli gar tisi ziri ɗikey› na, i kum vuna.

ROMAHAY 9:8

Hana mbiɗeˀvra: ziri ngi Buymisemuŋhoy anta i ziri Abraham miya taŋ cummo ta. A sa zilam dideˀ ngi Abrahamay na, sey ziri Buymisemuŋ miɓaŋ di ɗaˀ le na tewle.

GALATAY 4:8

Zleˀe, ti kum misinaka Buymisemuŋ t'aruŋ na, kum i beke ngi kulihey misi kpak taŋ i bumbulvuŋhoy ta.

EFESEY 2:19

Naŋ kine, kum Yudehey ta na, kum i mulakay mata, kum i moholoyoy mata, amma mizli ngi ruwuy purla ati mizli ngi Buymisemuŋhoyo, kum i ngi wazlaray Buymisemuŋhoy.

EFESEY 4:18

Lesl taŋ, naŋ angi luvuŋ, yo siifa Buymisemuŋ mavula na, taŋ a lumam neˀ ta, vur a sinam gwat ta wãˀ, hirnga taŋ gidaŋ.

KOLOSOY 1:21

Yo zleˀe na, kum kileŋ avu Buymisemuŋ, kum i mesene naŋhay wãˀ, asi gwat ngi gi kum malambaˀ na.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

KOLOSOY 1:5

asi njaha hiri kumnjah ar gwat muwukum di vu a muŋ na. Najaha hirri kum nah na, a tulukum mi ti ɓi nah le, i Ɓimezle, ɓi mikaslsla ngi Buymisemuŋ,

TESALONIKEY MUDUMBUŊ NAŊ 4:13

Sukum ndrahay, i wuɗam ɓa ki slaka wala ngi ɓi ngi mizli mumucahaya kuy kuy. Anja ki ndurɓom hiri ka mizli mekelemey manjaham hiri ta na ta.

TESALONIKEY MUDUMBUŊ NAŊ 4:5

Anja a pula vu naŋ da may gwat kaɓa mizli duniyahay misinaka Buymisemuŋ ta na ta.

TESALONIKEY MUCUW NAŊ 2:16

Anja Buy ndra Yesu Kristu ti haŋ naŋ ati Cine ndra Buymisemuŋ muwuɗ ndra, naŋ mitisla ndra mevel tisi gi mezle naŋ ngi sete, yo naŋ mijina ndra ɓa i njaham hiri njah kuy kuy na,

TIMOTE MUDUMBUŊ NAŊ 1:1

I ya Pol, mislin ngi Yesu Kristu matoho ɗerewol hana. Miɓiy i Milih ndra Buymisemuŋ ati Yesu Kristu, ndra minjah hiri asi naŋ na.

HEBEREY 11:34

A mucaka gidaŋ ngi vu matiɓi njilim njilime le, a laham le avu ngum ti maslalama. A mbulom le tir jijiheye, taŋ gboŋgboŋ. A bigaka le, taŋ i gambarahay ar vurumo. A ɓulaka soje ngi hirwuy mekelemeye le.

HEBEREY 6:18

Vurˀe, gwatay ada cuw, anta mbiɗam ta wãˀ, Buymisemuŋ, gwat naŋ miɓal le ɗaˀ le ati hudum naŋ na, naŋ anta gi slir ar taŋ ta. Naŋ kine, ndra mizli mupulaka gwatay gar, ɓa i njaham hiri njah ar taŋ na, gwat tayna ara vulam ndra gidaŋ haɗa wãˀ.

HEBEREY 8:6

Gisiŋ, slra muvula da Yesu ɓa a ga na, i slra madiɗa wãˀ fineˀ mekelemeye, asi mijiviɗ ngi jumoˀay mimezle na, i naŋ. Vur jumoˀay nah na, a cici ar gwat mimezle miɓa le ɗaˀ le na.

PIYER MUDUMBUŊ NAŊ 1:21

Kum matiɓaka Buymisemuŋ na, mbele naŋ, naŋ mislikiɗaŋ ti wuzla mumucahay, yo muvulaŋ dudok, hã tiɓi kum ati njaha hiri kum, a cici angi Buymisemuŋ.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,

PIYER MUDUMBUŊ NAŊ 3:15

Amma Kristu, Buy kumo, ɗuvakaŋ hirnga a mevel kumo. Wam vu ndrehhe ngi mbiɗa mingiɓi da mizli macufuɗukum ngi si na wuluk ngi njaha hiri kum na.

ZAŊ MUDUMBUŊ NAŊ 3:3

Yo ko wa gar minjih hiri le njah angi naŋ na, naŋ manja dili, kaɓa Kristu, naŋ manja dili na ya.