EFESEY 2:11 - Bible en langue guiziga

¹¹ Kum Yudehey ta, miya cak ti yi. Yudehey mazilam mizli manja ci mizaway na, i kumo. Amma Yudehey a zilaka vu taŋ: mizli mici mizaway, asi vivi ngi vu vu taŋ na. Wulkaka keŋ so.

EFESEY 2:11 ပူးပေါင်းရင်းမြစ်များ

EZEKIYEL 20:43

Gi gwat kum ati slra kum gar mici ti kum ar dili na, kisa wulkaka keŋ a diga. Ko anta sa gukum kuy ta, asi gwat malambaˀ gar, kum migaka na.

EZEKIYEL 36:31

Sipi jiviɗ malambaˀ kum ati slra kum mezlehey ta zleˀe tuwa gar na, kisa wulkaka taŋ keŋ. Mungra ati gwat malambaˀ mukuyta wãˀ, kum migaka taŋ na, a sa gukum mesem.

Matiye 20:7

A mbiɗakaŋ di: «Asi mbur mucufuɗa ndra ngi gi slra anta.» Joˀ a ɓa taŋ: «Kumo, aram ng'ar guva ɗu aya.»

ROMAHAY 11:17

Mizli Yudeheye, taŋ kaɓa tutumbur Buymisemuŋ mihirva ti hirvi. Mihaŋ naŋ mekelemeye, a kilahaka taŋ le avra. Ka, mbur Yude ta na, ka kaɓa mihaŋ ngi tutumbur ngi ɓuh mujuɓukuw ti juɓ angi li taŋ, ɓa ki cir tisi slaslalak ngi widis mihirvaka ti hirvi tuwa.

ROMAHAY 2:26

Da mbur mici mizaw ta, ara ga gwat ɓimujuwa maɓa na, Buymisemuŋ a sa pura kite a ci le a mizawa takwa?

ROMAHAY 2:27

Mbur mici a mizawa ta, amma da ara ga gwat ɓimujuwa maɓa na, a sa guw kiita. Vur mike na, k'ada ti ɓimujuwa toh toh ar ɗerewol, yo ki ci le a mizawa ma, amma ko ti nah gar kwana, ki ra ngila ɓimujuwa na si.

KORENTIHEY MUDUMBUŊ 12:2

Ki sinaka le, ti kum misi i mizli duniyahay zleˀe na, a ɗuɗukum le gbor gbor ng'avu kulihey, gwatay maɓam ɓi ta.

KORENTIHEY MUDUMBUŊ 6:11

Mekelemey a wuzla kumo taŋ zleˀe kanah vuna. Amma Buymisemuŋ a bunukum mungra kumoyo le avra, a pukum le sek pal da naŋ, a ɗiyukum le jeŋŋe a mbuŋ naŋ ti slimiɗ ngi Buy Yesu Kristu waɗ ti ˀUf ngi Buymisemuŋ ndra.

GALATAY 2:15

Ndra, ndr'i Yude miya cak ti yihey. Ndr'i mizli duniyahay, migi mungrahay na ta.

GALATAY 6:12

Mizli mawuɗam tukukum ˀay ngi ci mizaw na, a wuɗam di i huhumo vu, ɓa mizli a puraka taŋ tewle. A gam kahana gar na, ɓa mizli a sipaka taŋ nder nder asi ɓi ngi dum mizlira ngi Kristu ta.

EFESEY 2:2

Ki sipam zleˀe i jiviɗ mupurla ati ngi duniya hana. Ki cinam mi zleˀe da buy ngi setenehey mazum buy ar birngiŋ. I setene magi slra wurenna a mevel mizli mislikiɗa ɓihey avu Buymisemuŋ.

EFESEY 5:8

Zleˀe na, kum ar luvuŋ, amma wurenna, kum mujom ati Bumbulvuŋ na, kum ar li minjahha. Zuwen cifam ka mizli ngir li minjahha.

Slu cuw 15:15

Kum misi zleˀe i bekehey a Ezipte, Bumbulvuŋ Buymisemuŋ kumo mutuɓo hirnga kumo na, inga wulkaka kwaɗay. Ya maɗuvukum ɓi hana dana na vurˀe.

Slu cuw 16:12

Kum zleˀe i bekehey a Ezipte na, wulkaka keŋ kwaɗay. Ki sa jaka ɓimuɗuva tayna a hirnga, joˀ kisa gam taŋ slra.

Slu cuw 5:15

Ka zleˀe, ki beke a hirwuy Ezipte, ya Bumbulvuŋ Buymisemuŋ ɗik i bo ti ka ti nga, mbele gidaŋ ɗu na. Ya Bumbulvuŋ Buymisemuŋ ɗik muɓuw ɗaˀ, ɓa ki ja ɓi ngi Sabat na vurˀe.

Slu cuw 8:2

Wulkaka Bumbulvuŋ Buymisemuŋ kumo mutukukum ˀay ngi zuɓa jiviɗ madiɗa angi vi kukur mufaɗ a wuzlaɓuh mikirɗak kirɗak na. A zlirukum ati ɓi mutuwaˀ tuwaˀhay, ɓa ngi jiɗa kwacay kumo, ɓa a si na wuluk ngi mevel kumo, da ki ra jaka ɓimuɗuva naŋhaya a hirnga, malla kum anta jaka taŋ ta kwana.

Slu cuw 9:7

Moyis a ɓi: Kum mislikiɗaka mevel da Bumbulvuŋ Buymisemuŋ kum, a wuzlaɓuh mikirɗak kirɗak na, wulkaka kwaɗay! Ki puyukom di hirnga ta wãˀ! Diga tapas kum mupuloko Ezipte, hã ki ndiloko aka na, ki ra slikiɗam ɓi avu Bumbulvuŋ na si.

FILIPIHEY 3:3

Asi macam mizaw migisiŋ gisiŋ na, i ndra, ndra madiram dibiɗ ti ˀUf ngi Buymisemuŋ, ndra majijaham mbele Yesu Kristu, yo ndra mupulaka vu ndra da hirnga ndra tehhe a muŋ ta na.

KOLOSOY 1:21

Yo zleˀe na, kum kileŋ avu Buymisemuŋ, kum i mesene naŋhay wãˀ, asi gwat ngi gi kum malambaˀ na.

KOLOSOY 2:11

Ar kum mujom ati Kristu na, a cukum le a mizaw. I ci mizaw ngi mbur titra ta, amma i ci mizaw Kristu mica, ɓa ngi cuko vu ndra magi mungra na avra.

KOLOSOY 2:13

Yo kumo, i mumucahay zleˀe asi kum magam mungra waɗ kum micam mizaw ta na. Amma Buymisemuŋ a vulukum siifa le jom ati Kristu. A puya mungra ndraˀahaya le gar avra.

KOLOSOY 3:11

Kahana so na, mbur Yude malla Yude ta, asinta, mbur mici le a mizaw malla mici ta, asinta. Mbur mulak malla ko mbur manja wuna slimiɗ, asinta, mbur beke malla diimu, asinta. Amma Kristu, naŋ i gwat gar, naŋ da ar gwat gar.

SAMUYEL MUDUMBUŊ NAŊ 17:26

Davit tuwa, a cufuɗa soje ngi cikeˀeheye: «Mbur misa kiɗa mbur Filisti hana le, yo misa kiraha mesem ngi Israyel le avra na, a sa vulakaŋ mike? Filisti manja ci mizaw hana maza soje ngi Bumbulvuŋ misi ti siifa na, naŋ vuna i waka?»

SAMUYEL MUDUMBUŊ NAŊ 17:36

Ya gawla ɗike, yi kiɗa mobor ati luˀuf le takwa! Mbur Filisti manja ci mizaw hana, yi sa gaŋ di i gwat misi purlakanah ya. Asi mike, sojehey ngi Bumbulvuŋ misi ti siifa na, a za taŋ le.