EFESEY 2:10 - Bible en langue guiziga

¹⁰ Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 2:10 ပူးပေါင်းရင်းမြစ်များ

DIMISEY 100:3

Sinaka sin le, Bumbulvuŋ, i Buymisemuŋ. Miga ndr'i naŋ, ndr'i nga naŋhay, ndr'i mizli naŋhay, yo ndr'i ginew ngir gezleŋ naŋhay.

DIMISEY 119:3

Taŋ na, anta gam gwat malambaˀ ta, amma ara sipaka jiviɗ ngi Buymisemuŋ kasl kasla.

DIMISEY 138:8

Bumbulvuŋ, ki giy gwataya gar. Bumbulvuŋ, gi teŋteŋ ɗike, anta kiɗ mi ta, gwat ka miga taŋ ti haŋ ɗike, ki pula taŋ mbak ta.

DIMISEY 51:10

Tiliy mi ti ɓi ngi pula mungra, ɓa i zluzluɓ, i mumul haɗa, ka mumuɗiy didak tuwa na, ɓa i sa ɓuruku.

DIMISEY 81:13

Dar yi pula taŋ mbak da hirnga taŋ migidaŋ na, ɓa a gam gwat taŋ majuwaka a mevel taŋ.

EZAYI 19:25

Bumbulvuŋ misi gidaŋ wãˀ a ɓi: «I ra ɗuwula mi da Ezipte, mizli ɗuwoyo, da Asiri, ya miga ti haŋ ɗu, waɗ da Israyel, mi ngaya.»

EZAYI 29:23

Asi mike, taŋ ati ziri taŋhay masa puraka gwat ya miga a wuzla taŋ na, a sa sinaka yi Buymisemuŋ mipal, yi Buymisemuŋ mipal ngi Zakopo. A sa jijikam a mbuŋ ya Buymisemuŋ mipal ngi Israyele.

EZAYI 43:21

I mizli ya miga taŋ da ya, ɓa a gikiy dudoko.»

EZAYI 43:7

I mizli gar mazilaka taŋ ti slimiɗ ɗu, mizli gar, ya miga taŋ, ya mindira taŋ, yo ya miɗiya taŋ, ɓa a gikiy dudok.»

EZAYI 44:21

Kum mizli ngi Zakopoy, wulkam ani: Israyeley: kum i gawla ɗuwoy. Ya mindirukum na, ɓa ki cifam gawla ɗuwoy. Kum Israyeleye, anja ki pikiy mesem ta.

EZAYI 60:21

Naŋ kanah, mizli ɗikey gar taŋ, a sa tiram mizli mijeŋŋehey, taŋ a sa zumaka hirwuyo da taŋ ngi wãˀ, kaɓa mazumam hay. Taŋ na, i ya miga taŋ hĩˀĩ ti haŋ ɗu, ɓa ngi biga dudok ɗu, a sa ndiram kaɓa widisey ar jarne.

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

ZEREMI 31:33

A dirba hin nah na, jumoˀay, ya masa jumo ati Israyeley ani: I sa ca ɓimujuwa ɗu a mevel taŋ, i sa toho ar membezleŋ ngi vu taŋ, i sa ndir yi Buymisemuŋ taŋ, yo taŋ kwana, a sa ndiram i mizli ɗuwoy. I ya Bumbulvuŋ maɓi.

Matiye 5:16

Naŋ kine ya, anja li minjahha kum a pusluɗ a mihiri mizli, ɓa taŋ mapuraka mezle kum magaka na, a gaka dudok da Cine kum misi a muŋ.

Ɓimezle ngi Yesu Kristu ZAŊ mitil di mi 3:21

Amma mbur magi gwat mikaslsla na, a so angi li minjahha, ɓa gwat ngi gi naŋhay ar naŋ mujom ati Buymisemuŋ na, a njikam.»

SLRA 9:31

Cikil ngi misikristuhoy misi angi hirwuy Yude, Galile ati Samari gar na, a roko zuy zuy, ara lumam gidaŋ, ara hinam hirnga a mbuŋ Bumbulvuŋ, mbele ˀUf Mipal majina taŋ, yo ara sikam nga mbuŋ nga mbuŋ.

SLRA 9:36

Ngwas mitiɓi mekelem ada a Zafa, a zilaka Tabita. Ti mi Greke, ‹Dorkas›, mbiɗeˀvra: ‹Mangazaw› A gi gwat mezlehey haɗi teˀe, a jina misi murgahaya haɗi.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

ROMAHAY 8:29

Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.

KORENTIHEY MUDUMBUŊ 3:9

Asi ndr'i migi slra ngi Buymisemuŋhoy jom ati naŋ. Kum i guva Buymisemuŋ mahuvaŋ, hay naŋ mandiraŋ.

KORENTIHEY MUCUW NAŊ 5:17

Yo ma na, da mbur mujum le ati Kristu na, a tiri mbur nawaya le. Gwat magala a cuh le, puraka, gwat nawaya naŋ da.

KORENTIHEY MUCUW NAŊ 5:5

Miɗiya ndra ɓa i sinaka hin ngi mbuŋ nah na, i Buymisemuŋ vuna. A vula ndra ˀUf naŋ ɓa i sinaka, a wa ndra vu le ti gwat mezle gisiŋ na, ava.

KORENTIHEY MUCUW NAŊ 9:8

Buymisemuŋ, naŋ ti gidaŋ ngi vulukum sukwi ngi gwat mezlehey wal wal gar, ɓa gwat kum misi ti may naŋ gar na, a kicukum ta wãˀ, hã kisa gam gwat mezlehey gar ti is naŋ mandir lambaˀ na.

GALATAY 6:15

Ɓi ngi ci mizaw, malla ci mizaw ta gar na, i gwat mupuɗaw ta. Amma gwat mupuɗawa, i tiri mbur nawayaŋ.

EFESEY 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu. I ya matoho ɗerewol hana da mizli ngi Buymisemuŋhoy misi a Efez, mizli miteŋteŋhey ar taŋ mujom ati Yesu Kristu.

EFESEY 1:4

Ar ndra mujom ati Kristu na, Buymisemuŋ a wina ndra le dumbuŋ angi naŋ miga duniya, ɓa i ndiram a mihiri naŋ, ndra pal, manja ɓi malambaˀ avu ndra. A wuɗ ndra le.

EFESEY 2:13

Amma wurenna, kum mikileŋ zleˀe tuwa, ki kirohoko le gweˀ ng'ava, mbele Kristu mipa pumbus naŋ.

EFESEY 2:15

Ɓimujuwa ati ɓimuɗuva waɗ ɓi ngi sipi ngi raˀahaya, a susuymo taŋ le avra ɓa a jumo Yudehey ati Yudehey ta na, ɓa a tiram sukwi nawaya purla ar taŋ mujom ati naŋ, a ga taŋ ɓa a cifam zuy zuy ar wala taŋ.

EFESEY 2:2

Ki sipam zleˀe i jiviɗ mupurla ati ngi duniya hana. Ki cinam mi zleˀe da buy ngi setenehey mazum buy ar birngiŋ. I setene magi slra wurenna a mevel mizli mislikiɗa ɓihey avu Buymisemuŋ.

EFESEY 2:6

Ar ndra mujom ati Kristu na, Buymisemuŋ a slikiɗa ndra le ti wuzla mumucahaya ati naŋ, a cifa ndra le ar li ngi muŋ.

EFESEY 4:1

Ya mbur dangay asi ya mujom ati Bumbulvuŋ na, i ra tumbulu kum so: sipaka jiviɗ ngi Buymisemuŋ kasl kasl ka naŋ muzulukum na.

EFESEY 4:24

Kpak ngi vu nawaya Buymisemuŋ miga, mubam vu ati naŋ, yo mapur ar gi gwat mijeŋŋe, gwat mipal mabo tir ɓi mikaslsla na, kaka avu vu kumo.

Slu cuw 32:6

Gwat gilaw manja lesley, ki gam ti Bumbulvuŋ kanah gu kwa? Naŋ i Cine kum muvulukum siifa vuna ta kwa? Mugukum, yo a tiri ti kum mizli naŋhay na, i naŋ vuna ta kwa?

Slu cuw 5:33

Sipam ndrehhe i jiviɗ Bumbulvuŋ Buymisemuŋ kumo mubugukum di na si, naɓa kisa ndiram ti siifa, kisa ndiram ar wuya, yo kisa ndiram hutuŋ subur a ruwuy masa ndir i ngi kum na.

FILIPIHEY 1:6

Yi tiɓa le gisiŋ gisiŋ: Buymisemuŋ mizla virzi ngi slra mezle hana a hur kum na, a sa ru di caˀa kine, gbaˀ avu kiɗa mi naŋ, hã tapas Yesu Kristu masa mawa.

FILIPIHEY 2:13

Asi Buymisemuŋ ara gi slra ndrehhe a hur kumo, ɓa a tiri ti kum ter ngi wuɗa gwat ati ngi gi naŋ, kaslsla kaɓa naŋ miɗiya jiviɗ naŋ.

KOLOSOY 1:10

ɓa kahana na, ki cifam ka Bumbulvuŋ mawuɗ, yo ɓa ki sipam gi gwat maciraŋ hiri wãˀ. Joˀ kisa gam slra mezle ti sukwi wal wal gar, yo kisa sinaka Buymisemuŋ nga mbuŋ nga mbuŋ.

KOLOSOY 3:10

Yo ki kam kpak ngi vu nawaya le. I kpak ngi vu ngi mbur nawaya, maɗiyi nawaya nawaya ndrehhe, ɓa a tiri kaɓa Buymisemuŋ migi naŋ vuna, ɓa a ndila si na Buymisemuŋ kuy kuy wãˀ.

TESALONIKEY MUCUW NAŊ 2:17

a tuslu kum mevel, yo a vulukum gidaŋ angi gwat mezle kum magaka gar waɗ angi ɓi mezle kum maɓaka gar.

TIMOTE MUDUMBUŊ NAŊ 2:10

Amma anja a ɗiyam vu ti gwat ngi gi taŋ mezle jaka, i gwat mizlir le avu ngwasay mazluwunam ti Buymisemuŋ.

TIMOTE MUDUMBUŊ NAŊ 5:10

Anja mizli a sinaka le, i ngwas magi slra mezle, a gila ziri naŋhaya le kuy kuy, a tiɓi mulakay le a hay naŋ, a bun sar ngi mitiɓihey le. Mizli muroko ar bonoyo, a jina taŋ le, a gi sukwi ngi gwat mezlehey le gar.

TIMOTE MUDUMBUŊ NAŊ 5:25

Naŋ kanah ya, slra mezleheye, taŋ njak njak a mihiri ngi mizli. Ko da mekelemey anta njikam ta tekeɗe kwana, a ɗumom ta.

TIMOTE MUDUMBUŊ NAŊ 6:18

Anja a gam mezle, sey gimezle a tiri i zlili taŋ, anja a vulam ti gula ti hazum, a wunkaka zlili taŋhay ati mizli mekelemey.

TIMOTE MUCUW NAŊ 2:21

Mbur mubuna vu naŋ le tir gwat malambaˀ tayna na, naŋ a sa tiri kaɓa i tutuŋ ngi gi gwat mitaˀ ti ɗuf, tutuŋ mipal, mapul gir da Buy naŋ, hĩˀĩ ngi gi slra mezle gar.

TIMOTE MUCUW NAŊ 3:17

ɓa mbur ngi Buymisemuŋ a ndila kuy kuy wãˀ, i mbur mujuw vu le ngi gi gwat mezle ko wanaka gar.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

Ɗerewol TIT 2:7

ar gwat gar. Ka vuna, gi gwat mezle ɓa mizli a sipaka sar ɗik aya. Dubuna gwata da mizli cirre kaɓa mbur mindila le.

Ɗerewol TIT 3:1

Mahiri ngi ɓi hana da mizli gar, sey a hinam hirnga a mbuŋ mizli miwi hirwuyoy, waɗ a mbuŋ mizli madiɗahay. Sey a cinaka taŋ mi, yo anja a juwam vu ngi gi gwat mezle ko wanaka gar.

Ɗerewol TIT 3:14

Sey mizli ndraˀahaya kwana, a dubunaka gi gwat mezle ti jiviɗ naŋ kuy kuy, ɓa a jinaka mizli ar gwat taŋ mawuɗam gurjike. Kahana na, naɓa a ndiram joˀ joˀ ngatara ta.

Ɗerewol TIT 3:8

Ɓi hana a ndila le ngi tiɓi njah wãˀ. I wuɗ na, ɓa ki ki slimiɗ kuy kuy wãˀ ar ɓi hana, ɓa mizli mitiɓaka Buymisemuŋ le na, a hurdumom ngi gi gwat mezlehey gar. Gwat mezle mapul gir da mizli, i nah.

HEBEREY 10:24

Anja mbur gar a ki slimiɗ ar cala, ɓa i lumam gidaŋ ngi wuɗavu ati ngi gi mezle.

HEBEREY 13:21

anja a tiri ti kum wirwir ngi gi gwat mezle, naŋ mawuɗ gar. Gwat maciraŋ hiri na, anja a ga a hur ndra tisi Yesu Kristu, mizli mavulakaŋ dudok hã ngi set na. Amin!

PIYER MUDUMBUŊ NAŊ 2:12

Sey ki cifam ti gi gwat mezle a wuzla mizli ngi duniyahaya, da ko ara kupukum ɓi, a ɓukum, kum i migi malambaˀhay tekeɗe kwana, tapas Buymisemuŋ masa so na, ɓa a sa puraka gi gwat kum mezle tuwa, yo a sa hunumaka Buymisemuŋ.

ZAŊ MUDUMBUŊ NAŊ 1:7

Amma da i ra ram angi li minjahha kaɓa naŋ vuna misi angi li minjahha na, naɓa jumoˀay ada ar wala ndra, yo pumbus ngi Yesu Kristu, Mangal ngi Buymisemuŋ, a buna mungra ndraˀahaya gar avra.

ZAŊ MUDUMBUŊ NAŊ 2:6

Mbur mawa kaɓa naŋ jom ati Buymisemuŋ na, sey naŋ vuna a sipi jiviɗ mupurla ka Yesu misipa na ya.