EFESEY 2:1 - Bible en langue guiziga

¹ Zleˀe na, kum i mumucahay asi gi malambaˀ kum, yo asi gi mungra kum.

EFESEY 2:1 ပူးပေါင်းရင်းမြစ်များ

ZLI VIRZI 8:21

Mikuli misi zĩˀĩ naŋ a tisl mevel tuwa, Bumbulvuŋ mizãˀã na, dar a ɓi a mevele: «Y'anta sa nisa hirwuyo asi mburo mata ndiɗaˀ wãˀ. Gisiŋ wuluk ngir mevel ngi mbur ngi gi malambaˀa, naŋ zle ti zuŋ. Amma y'anta sa ziza gwat misi titiriheye keɗeɗe kaɓa ya miga hana mata ndiɗaˀ wãˀ.

Matiye 8:22

Amma Yesu a ɓaŋ: «Sipiy, pula mumucahay a dikaka mumuca taŋhaya.»

Ɓimezle ngi Yesu Kristu LUK mitil di mi 15:24

Asi mangal ɗu hana, a muc le zleˀe, ani a mo le ti siifa. A zizi le zleˀe, amma yi luuma le a muŋ.› Dar a zlaka muguzlumo so.

Ɓimezle ngi Yesu Kristu LUK mitil di mi 15:32

Na sukum ɗik hana, a muc le zleˀe, amma n'ani ti siifa, a zizi le zleˀe, yi sa luuma le a muŋ. A zlir le ɓa i gam muguzlum, i mumulom takwa?›»

Ɓimezle ngi Yesu Kristu ZAŊ mitil di mi 10:10

Muhulo, a so sey ngi hul, ngi sli ˀay ngi gwat, yo ngi hirya gwat tewle. Ya i so ɓa mizli a lumam siifa, ɓa a lumam haɗa hã fineˀ gidaŋ.

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.

Ɓimezle ngi Yesu Kristu ZAŊ mitil di mi 5:21

Naŋ kine, Cine maslikiɗa mumucahay waɗ naŋ mavula taŋ siifa na, naŋ kanah ya, Mangala kwana, a vul siifa da mbur naŋ muwuɗ le gar.

Ɓimezle ngi Yesu Kristu ZAŊ mitil di mi 5:25

Gisiŋ gisiŋ, yi ɓukum na: Pas naŋ ara ndilawa, wurenna a ndilo le vuna si. Tapasa mumucahay a sa cinam ˀay ngi Mangal ngi Buymbulvuŋ, yo micin naŋhay gar na, a sa ndiram ti siifa.

ROMAHAY 8:2

Naŋ kine, ɓimujuwa ngi ˀUf Mipal, ɓi mavul siifa da mbur mujom ati Yesu Kristu na, a lihiy, le tivu ɓimujuwa ngi mungra ati ngi muco.

KORENTIHEY MUDUMBUŊ 15:45

Naŋ kine, a tohoko na: «Adamu, mbur mudumbuŋ, naŋ ti dumvu misi ti siifa.» Amma Adamu ngi dirba, i ˀUf Mipal mavul siifa.

KORENTIHEY MUCUW NAŊ 5:14

Wuɗavu ngi Kristu a ca ndra le asi vu. I sinaka le gisiŋ, mbur pal mumuc vur mizli gar na, mbiɗeˀvra: mizli gar a micam le.

EFESEY 4:18

Lesl taŋ, naŋ angi luvuŋ, yo siifa Buymisemuŋ mavula na, taŋ a lumam neˀ ta, vur a sinam gwat ta wãˀ, hirnga taŋ gidaŋ.

EFESEY 5:14

Vur gwat minjik le gar na, i li minjahha. Vurˀe, a ɓam na: «Ka mahinje na, puɗuku, slikiɗ ti wuzla mumucahaya, joˀ Kristu a sa pusluɗa li njahha ar ka.»

KOLOSOY 2:13

Yo kumo, i mumucahay zleˀe asi kum magam mungra waɗ kum micam mizaw ta na. Amma Buymisemuŋ a vulukum siifa le jom ati Kristu. A puya mungra ndraˀahaya le gar avra.

TIMOTE MUDUMBUŊ NAŊ 5:6

Amma wudiga mawuluk nga naŋ sey gwat maciraŋ hiri na, ko vur naŋ misi ti siifa tekeɗe kwana, kite a muc le si.

ZAŊ MUDUMBUŊ NAŊ 3:14

Ndr'i sinaka le, i cohom le tir muco ng'ar li ngi siifa, asi ndra i ra wuɗam sukum ndraˀahaya. Mbur mawuɗ vu ta na, muc ara zum buy ar naŋ.

ƁIMUNJUYO 3:1

«Toho da modro ngi cikil ngi misikristu ngi Sardeseye ɓaŋ na: Mbur misi ti ˀUf ngi Buymisemuŋhoy tarnaˀ waɗ wurzlaŋhay tarnaˀ ma na, a ɓi: i si na gwat ngi gi ɗike le, slimiɗ ɗik ada zil, a ɓam ka ti siifa, dambalaka na, ki mumucaŋ.