EFESEY 1:8 - Bible en langue guiziga

⁸ A ga ndra mezle le haɗi fineˀ gidaŋ, a vula ndra sin naŋ mijileŋ le haɗa, yo a vula ndra lesl le haɗa.

EFESEY 1:8 ပူးပေါင်းရင်းမြစ်များ

DIMISEY 104:24

Bumbulvuŋ, ki gi gwatay le haɗi, ki ga taŋ cek ti sin ɗik mijileŋ, hirwuy a nih le ti gwatay ka miga taŋ na.

MIKUCUWULOY 8:12

Ya sinmijileŋ na, ji lesl, i hay ɗu, i luuma sin ngi gi gwat mijam haŋ kuy kuyo le.

EZAYI 52:13

Bumbulvuŋ a ɓi na: «Gwat mawuɗam ngi gi na, gawla ɗu a ga gu, a sa tiri ɗongor, madiɗa, a sa hunumakaŋ hunum muwãˀ naŋ.

Matiye 11:19

A dirba nah, Mangal ngi mbur a sawa, ara zum, ara si. Joˀ mizli a ɓam: ‹Puraka ayɗi! mbur misenna a zum haɗa, a wi ti mbaazla haɗa! Ingama ngi micikila buutuhoy, ngi migi gwat malambaˀhay ma!› Amma mizli a sinaka sinmijileŋ ngi Buymisemuŋ naŋ jeŋŋe na, avu slra naŋhay.»

ROMAHAY 11:33

Yawwa! Buymisemuŋ naŋ ti zlili haɗi wãˀ! Sin naŋ mijileŋ ati sin naŋ ngi gi gwata, taŋ jileŋ haɗi! Wuluk naŋ mujuwa le a mevele na, maɓa mbiɗeˀvra naŋ gu, i waka? Gwat naŋ miɗiya jiviɗ naŋ le na, masla wala naŋ gu, i waka?

ROMAHAY 5:15

Amma mezle Buymisemuŋ maga ndra di na, i gwat mupurla ati mungra ngi Adamu na ta. Asi da mizli haɗi a micam le vur mbur pal migi mungra na, sokkota gimezle Buymisemuŋ miga ndra di, naŋ mipa a hirnga zigiduw haɗa tisi mbur pal, Yesu Kristu na jak kwa?

KORENTIHEY MUDUMBUŊ 2:7

I tilam di i mi ti sinmijileŋ ngi Buymisemuŋ, sinmijileŋ mufuna wuluk ngi mbur, miyaŋ, ɗum zleˀe. Dumbuŋ angi Buymisemuŋ miga duniya t'aruŋ, a wi di vu le, ɓa a sa vula ndra dudok naŋ ti naŋ.

EFESEY 1:11

Ar ndra mujom ati Kristu vuna ma na, ar ɓi ngi lahavu na, i lumam mi ngi ndra le, asi Buymisemuŋ a wina ndra le daf dumbuŋ ka naŋ miɗiya jiviɗ naŋ,

EFESEY 1:7

Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.

EFESEY 1:9

Ɓi naŋ mufuna wuluk ngi mbur, naŋ mawuɗ, yo ɓi mezle naŋ mujuwa a mevele daf dumbuŋ zleˀe na, a biga ndra di le.

EFESEY 3:10

Naŋ kine, wurenna gwat misi gidaŋhay, yo mazumam buy a muŋ, ɓa a sinaka sinmijileŋ miwal wal ngi Buymisemuŋ cek gu na, mbele Cikil ngi misikristuhoy.

KOLOSOY 2:3

Sinmijileŋ ati sin maso ti vaˀa gar na, taŋ ɗum ɗum angi Kristu.

ZUDE 1:25

yo Buymisemuŋ mupurla tew, Milih ndra tisi Buy ndra Yesu Kristu na, anja hunum, dudok, madiɗa waɗ gidaŋ gar a ndir da naŋ zle dumbuŋ angi naŋ miga gwatay gar, zle wurenna hã ngi sete. Amin.

ƁIMUNJUYO 5:12

A ra tilam mi ti gidaŋ, a ɓam na: «Tumuŋ mikiɗaka vagay zleˀe na, a ndila le ter ɓa mizli a vulakaŋ madiɗa, a gi zlili, a lum sinmijileŋ, a lum gidaŋ, a ɗuvakaŋ hirnga, a gakaŋ dudok waɗ a hunumakaŋ.»