EFESEY 1:7 - Bible en langue guiziga

⁷ Kristu a mbiɗa hirnga ndra le ti pumbus naŋ ar ndra mujom ati naŋ, yo mungra ndrahay a puyam le avra kaɓa gimezle Buymisemuŋ miga ndra di haɗi na.

EFESEY 1:7 ပူးပေါင်းရင်းမြစ်များ

Ɗerewol JOP 33:24

anja modro nah a puraŋ ircece, a ɓa Buymisemuŋ: «Ki pulaŋ a ci hirnga ng'ar vigiɗ ta, ani i lum jiviɗ ngi mbiɗa hirnga ngi mbur misenna le!»

DIMISEY 130:4

Amma, ɓi ngi pula mungra na, i gwat ɗiki, mizli magam luɓ luɓ avu ka na vurˀeŋ.

DIMISEY 130:7

Sukwi Israyel, njih hiri njah asi Bumbulvuŋ, asi gi mezle i gwat naŋ, yo naŋ ti wer wal wal haɗa ngi mbuɗo hirnga ɗike.

DIMISEY 86:5

Bumbulvuŋ, ki mbur mezle haɗa, yo ki pul mungra ma, mizli matumbulukuw gar na, ki vula taŋ gwata ti gula ti hazum.

BI NGI ISRAYELEY 34:7

I biga gi mezle ɗu hã dideˀ dideˀ durmuk. I ɓusa malambaˀ ati slikiɗa ɓi waɗ mungra. Amma mbur migi gwat le na, y'anta tiɗi kalaf ara ta. I mbiɗi hirnga avu mbur migi mungra, avu ziri naŋhay hã dideˀ dideˀ makir malla mufaɗa.»

EZAYI 43:25

Amma ya, y'ada nga ya nga yahha, kum mislikiɗam ɓi avu ya na, i pula ɓi nah le, ko y'anta ja ɓi ngi gwat malambaˀ kumoy na a kwacay ɗu mata.

ZEREMI 31:34

«Sinaka Bumbulvuŋ ayɗi» na, ko mbur masa ɓa cala malla sukumuŋ kahana anta mata. Asi taŋ cek a sa sinikiy, ziri ati mizli madiɗahaya. Mungra taŋ madiɗa ati malambaˀ taŋ na, y'anta sa ɓa avu mi mata. I ya Bumbulvuŋ maɓi.

DANIYEL 9:19

Bumbulvuŋ ɗu, cine ndra di! Bumbulvuŋ ɗu, pula mungra ndraˀahaya. Bumbulvuŋ ɗu, jiko slimiɗe, yo ga gwat nah, ki mur ta. Aw Buymisemuŋ ɗu, slimiɗ ɗik mazil ar walahay ɗik, yo a wuzla mizli ɗikey vur ka vuna.»

DANIYEL 9:9

Amma Bumbulvuŋ Buymisemuŋ ndra, i slikiɗam ɓi le avu ka, pura ndra ircece, pula mungra ndraˀahaya.

ZONAS 4:2

A tumbulo Bumbulvuŋ, a ɓaŋ: «Aw Bumbulvuŋ ɗu! Ti ya misi angi hirwuy ɗu na, i ɓi a kwacay ɗu zleˀe kahana vuna. Ya muwus vu ngi kil nga Tarsis na vurˀe. I si na le kuy kuy zleˀe si, ki Buymisemuŋ migi mezle, mapur ircece, maji mevel kutum ta, mawuɗ vu haɗa, yo da ka mujuwa ɓi le a mevel ngi gi malambaˀ da mburo na, ki pula teˀe.

MISE 7:18

Buymisemuŋ, ka mapuy mungra, yo ka mapula slikiɗa ɓi ngi mizli ɗikey mindiram ti siifa na, ngi wi ati ka vuna i kuli wanaka? K'anta ki ji mevele ngi wãˀ ta, ka, ki wuɗ di i gi mezle da ndra.

ZAKARI 13:1

«Tapasa, yam a sa bo vilvil ar deɗe ngi slalak ngi buna dili ati mungra ngi mizli ngi hay Davitey ati ngi Zeruzalemeye.»

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

ZAKARI 9:11

Buymisemuŋ a ɓi: Naka so na, asi ya mujum ˀay ati ka, pumbus ngi gwat mikiɗa ngi mikuli mibiga na, i sa bo ti mizli ɗik mijahay na tir vigiɗ manja yama.

Matiye 20:28

Naŋ kanah ya, Mangal ngi mbur a so ɓa mizli a tiram gawla naŋhay ta, amma ɓa a tiri gawla taŋ jaka, ɓa a vula hirnga naŋ ngi mbiɗa hirnga ngi mizli haɗi.»

Matiye 26:28

Asi hana i pumbus ɗu, pumbus ngi jumoˀay, a pi ɓa ngi buna mungra ngi zigiduw haɗi.

Matiye 6:12

Pula gwat malambaˀ ndra migaka, kaɓa ndra mupulaka ngi mizli migam ndra di na ya.

Mark 14:24

Joˀ Yesu a ɓa taŋ: «Hana i pumbus ɗu, pumbus ngi jumoˀay, a pi vur mizli haɗi.

Ɓimezle ngi Yesu Kristu LUK mitil di mi 1:77

ɓa mizli naŋhay a sinaka Milahavu, asi naŋ mapuya mungra taŋhay avra.

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

Ɓimezle ngi Yesu Kristu ZAŊ mitil di mi 20:23

Mizli kum masa puyaka taŋ mungra taŋhay avra na, Buymisemuŋ a sa puya taŋ mungra taŋhaya. Mizli kum masa ngumam puya mungra taŋhay avra ta na, Buymisemuŋ anta sa puya taŋ di ta ya.»

SLRA 10:43

Mijiviɗey gar migam sedewo na, ar naŋ, a ɓam na: ‹Ko wa gar mitiɓaŋ le na, mungra naŋhay a puyam le, ti gidaŋ ngi slimiɗ naŋ.›»

SLRA 2:38

Piyer a mbiɗa taŋ di: «Mbiɗaka mevel kumoyo, anja mbur gar a ci ar yam ti slimiɗ ngi Yesu Kristu, ɓa mungra kumoy a puyam avra, yo ɓa kisa lumam gwat ngatara ngi Buymisemuŋ, i ˀUf naŋ Mipal.

SLRA 20:28

Jiginaka hirnga kumo, yo jiginaka ginewey, ˀUf Mipal mucufukum ɓa ki jiginaka taŋ na. Cikil ngi misikristuhoy, naŋ mimbiɗa hirnga naŋ ti pumbus naŋ na, jiginakaŋ.

SLRA 3:19

Mbiɗaka mevel kumoyo so, moko ng'avi Buymisemuŋ, ɓa a puya mungra kumoy avra,

ROMAHAY 2:4

Buymisemuŋ maɓus ɓi haɗi, mavul haɗa, gimezle naŋ mihaɗi na asin ta, ki ra gi di kaɓa ɓi ngi sefel kwani? Mezle ngi Buymisemuŋ maguw di, ɓa ki mbiɗa mevel ɗike na, ki si na takwa?

ROMAHAY 3:24

Amma asi gimezle naŋ na, a ɗiya taŋ le jeŋŋe ngatara tisi Yesu Kristu mambiɗa hirnga taŋ na.

ROMAHAY 3:25

Buymisemuŋ a vul di i Yesu vuna ngi gi mikuli a mbuŋ Buymisemuŋ ngi buna mungra ngi mizli ti pumbus naŋ, asi tiɓi taŋ. Buymisemuŋ a wuɗ ɓa a biga avu mizli, naŋ jeŋŋe: asi ti mizli migam mungra angi hin naŋ muɓus ɓi zleˀe na, a pula ɓi nah le, a ga taŋ kiita ta.

ROMAHAY 9:23

Yo naŋ miga kanah na, asi a wuɗ le ɓa a biga gi dudok naŋ mihaɗi na da mizli naŋ mupura taŋ ˀircece, naŋ miɗiya taŋ daf dumbuŋ zleˀe, ɓa a sa lumam dudok na.

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUCUW NAŊ 8:9

Naŋ kine, mezle ngi Buy Yesu Kristu miga ndra di na, ki sinaka le: naŋ misi zlili zleˀe na, a tiri misi murga vur kum, ɓa a gukum zlili ti murga naŋ na.

EFESEY 1:14

Lih ndra masa laham wãˀ na, i gwat mezlehey Buymisemuŋ miwi taŋ vu da mizli naŋhay. Ndra masinaka i gisiŋ gisiŋ na, avu ˀUf naŋ vuna. Hunumukum Buymisemuŋ misi ti dudoko so!

EFESEY 1:18

Anja Buymisemuŋ a pusluɗukum mevele njahha, ɓa ki sinaka naŋ muzulukum, ɓa ki njaham hiri njah. Yo ɓa ki sinaka dudok naŋ mihaɗi waɗ gwat naŋ miwi taŋ vu da mizli naŋhaya,

EFESEY 1:6

Hunumukum Buymisemuŋ so, asi gimezle naŋ misi ɓi nah a ɓi ta, naŋ miga ndra di haɗa ar ndra mujom ati Mangal naŋ, naŋ mawuɗ haɗa na.

EFESEY 1:8

A ga ndra mezle le haɗi fineˀ gidaŋ, a vula ndra sin naŋ mijileŋ le haɗa, yo a vula ndra lesl le haɗa.

EFESEY 2:4

Amma Buymisemuŋ a pur ˀircece haɗi teˀe, asi wuɗavu naŋ, naŋ muwuɗ ndra haɗa na.

EFESEY 2:7

Naŋ kine, gimezle ngi Buymisemuŋ, misi gwat ngi wa ti naŋ, anta na, Buymisemuŋ a wuɗ le ɓa a sa biga ndra di ti mbuŋ tisi gimezle naŋ, naŋ miga ndra di ar ndra mujom ati Yesu Kristu na.

EFESEY 3:16

I ra tumbulo Buymisemuŋ misi ti dudok mihaɗi na, anja ɓa tiri ti kum gboŋgboŋ ti gidaŋ ngi ˀUf naŋ, ɓa mbur ngi hur kum a lum gidaŋ.

EFESEY 3:8

Mitiɓihey ngi dirbahay wãˀ na, yi mikiɗa mi taŋ ndok wãˀ. Dambalaka na, Ɓimezle ngi Kristu mihaɗi makiɗ mi ta na, Buymisemuŋ a giy mezle le, ɓa i til di mi da mizli Yudehey ta na.

FILIPIHEY 4:19

Buymisemuŋ ɗu a sa vulukum gwat kum misi ti may naŋ gar, weˀe avu zlili naŋ mihaɗi tisi Yesu Kristu na.

KOLOSOY 1:14

Mucuko ndra, yo mupula mungra ndrahay na, i Mangal naŋ vuna.

KOLOSOY 1:27

Buymisemuŋ a wuɗ ɓa mizli naŋhay a sinaka ɓi muɗum nah na, i ɓi madiɗa, yo naŋ ti dudok haɗa a wuzla mizli duniyahaya. Mbiɗeˀvra: Kristu a wuzla kum, kum minjah hiri asi dudok naŋ na vurˀeŋ.

KOLOSOY 2:13

Yo kumo, i mumucahay zleˀe asi kum magam mungra waɗ kum micam mizaw ta na. Amma Buymisemuŋ a vulukum siifa le jom ati Kristu. A puya mungra ndraˀahaya le gar avra.

KOLOSOY 2:2

Ya mawuɗ na, ɓa a ndiram ti tumo vu a mevel taŋ, ɓa a ndiram jom purla ti wuɗavu, a ndilaka luuma lesl mihaɗa ngi Buymisemuŋ, waɗ ɓa a sinaka gwat mufuna wuluk ngi mbur ngi Buymisemuŋ zleˀe na, mbiɗeˀvra: Kristu.

TIMOTE MUDUMBUŊ NAŊ 2:6

Naŋ, a vula hirnga naŋ le, ɓa ngi mbuɗo hirnga ngi mizli gar. Naŋ kine, Buymisemuŋ a wuɗ ɓa mizli gar a laham. A biga tisi Yesu Kristu muvula hirnga naŋ angi hin Buymisemuŋ misla na.

Ɗerewol TIT 2:14

Kristu a vula hirnga naŋ le ti haŋ naŋ vur ndra, ɓa ngi mbuɗo hirnga ndra tir gi gwat lambaˀ gar, yo ɓa a buna ndra celelle da naŋ, ndra mihirdam hirdam ngi gi gwat mezlehey na.

Ɗerewol TIT 3:6

ˀUf naŋ nah na, a ˀufo ndra di sirit hirnga ndra wãˀ, tisi Milih ndra Yesu Kristu,

HEBEREY 9:22

Avu ɓimujuwa mawuɗ na, vendeke ngi gwat gar na, a zuɓaka hiryi naŋ avra ti pumbusu, da pumbus a pi sek le ta na, naɓa pula mungra anta.

PIYER MUDUMBUŊ NAŊ 2:24

Kristu ti haŋ naŋ, a zuɓa mungra ndraˀahaya le avu dumvu naŋ, angi dum mizliraŋ, ɓa i micam avu mungra ndraˀahaya, yo ɓa i cifam ti gi gwat mijeŋŋe. Kum mumbulom na, asi waˀa naŋhay na.

PIYER MUDUMBUŊ NAŊ 3:18

Asi mike na, Kristu ti haŋ naŋ, a muc is purla tewle vur mungra ngi mizli. Naŋ, mbur mijeŋŋe, a muc vur mizli migi gwat mijeŋ tahay, ɓa a sa bugukum da Buymisemuŋ. A kiɗaka le vagay ar dumvu naŋ, amma ˀUf Mipal, a mo di le ar siifa a muŋ.

ZAŊ MUDUMBUŊ NAŊ 2:12

Ziri ɗuwoy, i tuhukum ɓi ani: «Mungra kumoy i mupuyahay le avra tisi slimiɗ ngi Yesu.»

ZAŊ MUDUMBUŊ NAŊ 2:2

Asi naŋ, i mbur muvula hirnga naŋ ngi gi mikuli a mbuŋ Buymisemuŋ ɓa ngi zuɓa mungra ndrahay avra. I mungra ngi ndrahay tew ta, amma vur mungra ngi mizli ngi duniya gar.

ZAŊ MUDUMBUŊ NAŊ 4:10

Wuɗavu na, n'ani: i ndra muwuɗam Buymisemuŋ ta, i naŋ muwuɗ ndra, a slino Mangal naŋ ngi gi mikuli ngi puya mungra ndrahay avra.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

ƁIMUNJUYO 5:9

A zlam dimis nawaya ani: «Ki ndila le ter ngi tiɓa ɗerewolo, ɓa ngi turo sluruɓoyo. Asi a kuɗukuw le vagay zleˀe, yo ki mbiɗa hirnga ngi mizli le ti pumbus ɗiki, ɓa a ndiram da Buymisemuŋ. Mizli muboko tisi sukwi mitaˀ taˀ gar, maɓam mi wal wal ngi wuzla mizli, waɗ ngi wuzla sukwi ngi ruwuy gar.