EFESEY 1:3 - Bible en langue guiziga

³ Hunumukum Buymisemuŋ, Cine ngi Buy ndra Yesu Kristu. A ɗuwula ndra mi le haɗi ar ndra mujom ati Kristu, a vula ndra gwat ngi muŋhoy gar.

EFESEY 1:3 ပူးပေါင်းရင်းမြစ်များ

ZLI VIRZI 14:20

Sise da Buymisemuŋ Mimadiɗa, muvuluw mesene ɗikey asi haŋ ɗik na!» Abram a vulaŋ mukuruˀ ngi gwatay, naŋ mutuɓo taŋ gar ar vurumo.

ZLI VIRZI 22:18

Sukwi ngi mizli ngisi ruwuyoy gar a sa lumam ɗuwula mi tisi dideˀ ɗikey, asi ka micina mingiɓi ɗu.»

ƁI NGI HIN GAR MUDUMBUŊ NAŊ 29:20

A dirba nah, Davit a ɓa mizli mukos koso: «Gaka sise da Bumbulvuŋ Buymisemuŋ kumo.» Dar zigiduw gar a ga sise da Bumbulvuŋ, Buymisemuŋ ngi dideˀ taŋ. A hurukom, a hurukom huruk huruk a mbuŋ Bumbulvuŋ waɗ a mbuŋ buyo.

ƁI NGI HIN GAR MUDUMBUŊ NAŊ 4:10

Yabes a dir dibiɗ ani: «Buymisemuŋ ngi Israyel, ɗuwuliy mi, ska hirwuy ɗu, jiy kaw a haŋ ɗiki, ɓula hiryi ati bonoyo kileŋ avu ya!» Dar Buymisemuŋ a gaŋ gwat naŋ mucufuɗa tuwa.

ƁI NGI HINEY MUCUW NAŊ 31:8

Ezekiyas ati mizli hirnga naŋhay musoko puraka gwatay mizikitiŋ zikitiŋ tuwa na, a gaka sise da Bumbulvuŋ waɗ da Israyel, mizli naŋhaya.

NEHEMI 9:5

A dirba nah, Levihey, ti: Yesuwa, Kaɗmiyel, Bani, Hasapneya, Serebiya, Hodiya, Sebaniya waɗ Petahiya, a tilam mi, a ɓam: «Slikiɗam, gaka sise da Bumbulvuŋ, Buymisemuŋ kum. Gakaŋ sise ndrehhe, hã ngi sete.» «Bumbulvuŋ, Buymisemuŋ, anja mizli a gukuw sise ti zila slimiɗ ɗik misi dudok na, asi dudok ɗike naŋ haɗa, a zli ta wãˀ. A funa ɗuwula mi ati hunuma vuhoyo le gar.

DIMISEY 134:3

Anja Bumbulvuŋ miga muŋ ati ruwuyo a ɗuwulukum mi zle ar hay naŋ a Siyoŋ.

DIMISEY 72:17

Anja slimiɗ ngi buyo, a zil hã ngi sete, anja a ndih asi pasa zlar gar! Anja mizli a ɗuwulam mi ar wala taŋ ti slimiɗ naŋ, yo anja sukwi ngi mizli gar a ɓam, buy madiɗa naŋ ar mumul.

DIMISEY 72:19

Gaka sise ngi caˀa da Bumbulvuŋ misi ti dudoko! Anja hirwuyo gar a nihi ti dudok naŋ! Amin, haˀaw, anja a gi kanah gisiŋ!

EZAYI 61:9

Mizli a sa sinaka dideˀ kumoyo, a wuzla sukwi ngi mizli ɓaˀ li, yo a sa sinaka tizer kumoyo, a wuzla mizli. Mizli misa puraka taŋ le gar na, a sinaka taŋ, taŋ i sukwi Bumbulvuŋ muɗuwula taŋ mi le.

DANIYEL 4:34

Wurenna, ya Nabukodonozoro, i ra hunuma Buymuŋ, i ra jaŋ salalay, waɗ i ra gaŋ dudok. Asi gwat ngi gi naŋ, naŋ kasl kasl, jiviɗ naŋ, naŋ jeŋŋe, yo mizli mahuhumom vu na, a mataŋ nga ruwuyo gu.»

Ɓimezle ngi Yesu Kristu LUK mitil di mi 2:28

Simeyoŋ tuwa a zuɓa Yesu gumbuˀ a haŋ, a hunuma Buymisemuŋ, a ɓi:

Ɓimezle ngi Yesu Kristu ZAŊ mitil di mi 14:20

Tapasa, kisa sinaka, ya jom ati Baha, kumo, kum jom ati ya, yo ya kwana jom ati kum aya.

Ɓimezle ngi Yesu Kristu ZAŊ mitil di mi 17:21

Anja taŋ gar a tiram purla kaɓa ka Baha, ka mujom ati ya, ya kwana, ya mujom ati ka na ya. Anja taŋ kwana, a ndiram jom ati ndra ya, ɓa duniya a tiɓa i ka mislino ya.

Ɓimezle ngi Yesu Kristu ZAŊ mitil di mi 20:17

Yesu a ɓaŋ: «Ki tikiy ta, asi yi ru ng'avi Baha t'aruŋ. Amma ka, ara luuma sukum ɗuwoyo, ɓa taŋ na: i ra ru le ng'avi Baha, Cine kum, ng'avu Buymisemuŋ ɗu, Buymisemuŋ kum.»

ROMAHAY 12:5

Naŋ kanah ya, ndra mujom ati Kristu na, ko ti ndra mihaɗi tekeɗe kwana, i tiram le i dumvu purla. Ndra purla purla gar, i jumom le kaɓa hirzlik ngi vuhoy mujumom ar li purla.

ROMAHAY 15:6

ɓa ki hunumaka Buymisemuŋ, Cine ngi Buy ndra Yesu Kristu, ti mevel purla, yo ti ˀay purla.

KORENTIHEY MUDUMBUŊ 1:30

Kum misi jom ati Yesu Kristu na aseˀeŋ, naŋ a tiri le i sin ndra mijileŋ muso ti vu Buymisemuŋ, miɗiy ndra jeŋŋe a mbuŋ Bumbulvuŋ, mitiri ti ndra mizli nga naŋhay, yo mucuko ndra tir mungra ndrahay.

KORENTIHEY MUDUMBUŊ 12:12

Naŋ kine, wukum ɓi ani ti wi: dumvu, naŋ purla, yo hirzlikey ava wal wal haɗi ngbaŋ. Amma ko ti hirzlik ngi dumvu mihaɗi na tekeɗe kwana, a jumom le i dumvu purla na si. Vur Kristu kwana, naŋ kanah ya.

KORENTIHEY MUCUW NAŊ 1:3

Gukum sise da Buymisemuŋ, Cine ngi Buy ndra Yesu Kristu, Cine mapur ˀircece, yo i Buymisemuŋ musõhõ tuwuy ngi mizli angi gwat gar.

KORENTIHEY MUCUW NAŊ 11:31

Buymisemuŋ, Cine ngi Buy Yesu, maɗuwulam di mi hã ngi set na, a si na le, y'anta gi slir ta.

KORENTIHEY MUCUW NAŊ 5:17

Yo ma na, da mbur mujum le ati Kristu na, a tiri mbur nawaya le. Gwat magala a cuh le, puraka, gwat nawaya naŋ da.

KORENTIHEY MUCUW NAŊ 5:21

Kristu a gi mungra ɗaˀ ta. Amma Buymisemuŋ a tiri di misi purla ati ndra migi mungrahay, ɓa Buymisemuŋ a ɗiya ndra jeŋŋe a mbuŋ naŋ, ti seˀeŋ.

GALATAY 3:9

Naŋ kine, Abraham a tiɓi le, yo mizli matiɓam gar na, Buymisemuŋ a sa ɗuwula taŋ mi jom ati naŋ ya.

EFESEY 1:10

Ɓi Buymisemuŋ mujuwa a mevele, ɓa a sa ga wãˀ ar kiɗa mi ngi hin na, i naŋ muwuɗ ɓa a jumo gwat ngi muŋhoy ati ngi ruwuyoy kurzluˀ gar arleˀe, ɓa Kristu pal naŋ macifi buy a hirnga taŋ.

EFESEY 1:17

Anja Buymisemuŋ, ngi Buy ndra Yesu Kristu, Cine misi ti dudoko, a vulukum ˀUf misi sinmijileŋ, manjikukum Buymisemuŋ, hã ɓa ki sinakaŋ kuy kuy wãˀa.

EFESEY 1:20

A biga ti naŋ mislikiɗa Kristu baɗ ti wuzla mumucahay, naŋ micifaŋ tir vay hazum naŋ a muŋ.

EFESEY 2:6

Ar ndra mujom ati Kristu na, Buymisemuŋ a slikiɗa ndra le ti wuzla mumucahaya ati naŋ, a cifa ndra le ar li ngi muŋ.

EFESEY 3:10

Naŋ kine, wurenna gwat misi gidaŋhay, yo mazumam buy a muŋ, ɓa a sinaka sinmijileŋ miwal wal ngi Buymisemuŋ cek gu na, mbele Cikil ngi misikristuhoy.

EFESEY 6:12

Ndra makiɗam vu na, ati mizli ta, amma ati gwat madiɗahay, gwat misi gidaŋhay, yo mazumam buy ar luvuŋ ngi duniya hana, waɗ ati gidaŋ ngi Satanay mazumam buy ar birngiŋ ngi muŋ.

FILIPIHEY 2:11

ɓa mizli gar a tilam mi, a ɓam: «Yesu Kristu i Bumbulvuŋ», ɓa ngi ga dudok da Cine ndra Buymisemuŋ.

HEBEREY 8:5

Amma masay tayna madilkam na, avu fotohoy, avu susuɗuk ngi gwat migisiŋ gisiŋhey a muŋ, kaɓa Buymiemuŋ miɓa ɗaˀ ɗaˀ le da Moyis ti di naŋ muwuɗ ɓa a ɗiy guɗuk mipal na. Buymisemuŋ a ɓaŋ: «Pura ɗi, ki ɗiya heˀ ka ya mubuguw di a muwã.»

HEBEREY 9:23

Foto ngi gwat migisiŋ gisiŋ ngi muŋhoyo, da muzuɓa dili taŋ avra i mezegwel tayna na, naɓa gwat migisiŋ gisiŋ ngi muŋhoyo, a zlir le mazuɓa dili taŋ i gi mikuli a mbuŋ Buymisemuŋ mimezle.

PIYER MUDUMBUŊ NAŊ 1:3

Hunumukum Buymisemuŋ, Cine ngi Buy ndra Yesu Kristu. Ar pura ˀircece naŋ mihaɗi na, a ya ndra le sar mucuw naŋ ma ti naŋ mislikiɗa Yesu Kristu ti wuzla mumucahay na, ɓa njaha hiri ndra ar gwat mezlehey, naŋ masa vula ndra taŋ na, a muc ta,