EFESEY 1:1 - Bible en langue guiziga

¹ I ya Pol, Buymisemuŋ a wuɗ le ɓa i tiri mislin ngi Yesu Kristu. I ya matoho ɗerewol hana da mizli ngi Buymisemuŋhoy misi a Efez, mizli miteŋteŋhey ar taŋ mujom ati Yesu Kristu.

EFESEY 1:1 ပူးပေါင်းရင်းမြစ်များ

SLUFA VU 12:7

Amma ngi gawla ɗu Moyise naŋ kanah ta, naŋ i mbur magi welele ti mevel purla vur mizli ngi sukwi ɗuwoy gar.

Ɓimezle ngi Yesu Kristu LUK mitil di mi 16:10

Mbur mindila le ngi pulaŋ gwat mineˀ asi haŋ naŋ, ɓa a gi di slra na, a ndila le ngi pulaŋ gwat mihaɗa asi haŋ naŋ, ɓa a gi di slra ya. Mbur magi slra mikaslsla ta ar gwat mineˀ na, a gi slra mikaslsla ta ar gwat mihaɗa ya.

SLRA 16:15

A cakaŋ ar yama, naŋ ati hay naŋ gar, a zila ndra, a ɓa ndra: «Ani da ki puraka le, i tiɓa Buy Yesu le gisiŋ na, soko pam sar a hay ɗu.» Dar a tika ndra ˀay ɓa i ngumam na si.

SLRA 18:19

A ndilam a Efez, Pol a wunkam ati Akilas waɗ Prisil a diga. Naŋ aru ng'ar hay ngi diradibiɗi, a ɓa ɓi da Yudehey.

SLRA 18:21

Ti naŋ mira cuh so na, a ɓa taŋ na: «Da Buymisemuŋ a tiɓa le na, yi sa mo ngi hay kumo pas mekelem aruŋ.» A ci palalam a Efeze, a cuh.

SLRA 9:13

Ananiyas a mbiɗaŋ di: «Buy, malambaˀ ngi mbur nah gar, naŋ miga da mizli ɗikey mipal, misi a Zeruzalem na, i cine ɓi nah le.

ROMAHAY 1:1

I ya Pol, gawla ngi Yesu Kristu. Buymisemuŋ a ziliy ɓa yi tiri mislin naŋ, a winiy ngi tila mi ti Ɓimezle mubo baɗ ava.

ROMAHAY 1:7

I ra tuhukum di da kum ngi Romahay, Buymisemuŋ ara wuɗukum gar, a zulukum le ɓa ki tiram nga naŋhay. Anja Cine ndra Buymisemuŋ ati Buy Yesu Kristu a gukum mezle, a vulukum zuy.

ROMAHAY 8:1

Wurenna, mizli mujumom le ati Yesu Kristu na, Buymisemuŋ anta ga taŋ kiita mata.

KORENTIHEY MUDUMBUŊ 4:12

Slra ndra magaka ti haŋ ndra na, i ra giram di kupuyah kupuyah wãˀ. Da mizli ara zam ndra na, ndr'i ɗuwulaka taŋ mi jaka. Da ara sipam ndra nder nder kwana, i ra ɓusakaŋ.

KORENTIHEY MUDUMBUŊ 4:17

Ya muslinukum Timote, mangal ɗu ya mawuɗaŋ haɗa, miteŋteŋ ar naŋ mujom ati Bumbulvuŋ na, vurˀeŋ. Naŋ a sa mukum hiri ngi ɓi ngi cifi ɗu mujom ati Kristu na, ka ya madubuna ko maka gar, da mizli ar Cikil ngi misikristuhoy gar.

KORENTIHEY MUCUW NAŊ 1:1

I ya Pol, Buymisemuŋ a wuɗ le ɓa i tiri mislin ngi Yesu Kristu, i ya ati sukum ɗu Timote mutohoko ɗerewol hana da Cikil ngi misikristu, mizli ngi Buymisemuŋhoy misi a hirwuy Akaya gar.

GALATAY 1:1

I ya mislin Pol. Yi mislin ngi mizli ta, ko yi mislin ngi mbur ta ma, amma yi mislin ngi Yesu Kristu waɗ ngi Cine naŋ Buymisemuŋ mislikiɗaŋ ti wuzla mizli mumucahay.

GALATAY 3:26

Asi mike na, kum gar i ziri ngi Buymisemuŋhoy tisi tiɓi kum, asi kum mujom ati Yesu Kristu.

GALATAY 3:28

Vurˀe, mbur Yude malla Grek, asinta, beke malla diimu, asinta, zil malla ngwas, asinta. Asi kum jom purla gar kumo, tisi Yesu Kristu.

GALATAY 3:9

Naŋ kine, Abraham a tiɓi le, yo mizli matiɓam gar na, Buymisemuŋ a sa ɗuwula taŋ mi jom ati naŋ ya.

EFESEY 1:15

Vurˀe, ya kwana, zle ti ya micina kum mitiɓaka ɓi ngi Buy Yesu, yo kum mawuɗam mitiɓihey gar na,

EFESEY 2:10

Na, miga ndra i Buymisemuŋ, a ga ndra ɓa i gam gwat mezlehey ar ndra mujom ati Yesu Kristu. Buymisemuŋ a ɗiya gwat mezle tayna le daf dumbuŋ ɓa i gaka taŋ.

EFESEY 2:13

Amma wurenna, kum mikileŋ zleˀe tuwa, ki kirohoko le gweˀ ng'ava, mbele Kristu mipa pumbus naŋ.

EFESEY 2:6

Ar ndra mujom ati Kristu na, Buymisemuŋ a slikiɗa ndra le ti wuzla mumucahaya ati naŋ, a cifa ndra le ar li ngi muŋ.

EFESEY 6:21

Tikik, sukum ɗu ya mawuɗaŋ, mijini ɗu miteŋteŋ ar ya mujom ati Bumbulvuŋ na, a sa slufukum ɓi ngi cifi ɗu ati gwat ya maga, ɓa kum kwana, ki sinaka ya.

KOLOSOY 1:2

matohoko ɗerewol hana da mizli ngi Buymisemuŋhoy misi a Kolos, sukum ndra miteŋteŋhey tisi Yesu Kristu na. Anja Cine ndra Buymisemuŋ a gukum mezle, a vulukum zuy.

ƁIMUNJUYO 17:14

A sa gam vurum ati tumuŋ, amma tumuŋ a sa pa taŋ hirnga. Asi tumuŋ i Bumbulvuŋ mifina kulihey, yo i Buy madiɗa ngi buy madiɗahay. Mizli, naŋ mizila taŋ, naŋ muwuna taŋ, yo miteŋteŋ naŋhaya, jom ati naŋ, a sa paka taŋ hirnga ma.»

ƁIMUNJUYO 2:10

Bonoy ka masa sa na, anja ki zluwun di ta. Pura, Satan a sa pi mizli mekelemey a wuzla kumo ng'ar dangay, ɓa a ci a kwacay kumo. Ki sa gam hin kuruˀ angi bonoyo. Ndir teŋteŋ hã gbaˀ avu mucu. I sa vuluw loppol ngi siifa.

ƁIMUNJUYO 2:13

I si na li ka micifi a nga na le, i li Satan mazum buy anga. Amma k'ada zlak gidaŋ gidaŋ avu ya. Yo ka mitiɓiy na, ki ji di mi ta. Antipas, migi sedewo ɗu miteŋteŋ, ko ti taŋ mikiɗaka vagay angi li Satan micifi anga a hay kum na tekeɗe kwana, ki ji mi ta.