DIMIS MIMEZLE 5:2 - Bible en langue guiziga

² I ra hinje zleˀe, amma i puɗuk le: i cine na, mikiɗa may ɗu ara kiɗo miviŋ. Wuniy miviŋ, sukum ɗu mongoso, yeme ɗu, ka goonok ɗu mifetek fetek. asi hirnga ɗu a ro ti wulngar, yo ti duvuɗo, ngwic hirnga ɗu yororo.

DIMIS MIMEZLE 5:2 ပူးပေါင်းရင်းမြစ်များ

ZLI VIRZI 29:20

Zakop a ga slra da Labaŋ vi tarnaˀ, amma a pura kaɓa a gia hin slaffa si, asi a wuɗ Rasele haɗi.

DIMISEY 119:1

Mizli misi gwat ngi gi taŋ naŋ ti mevel purla, yo masipaka ɓimujuwa ngi Bumbulvuŋ na, a mumulom.

DIMISEY 81:10

Buymisemuŋ mekelem a hay ɗike mbak ya le na, anta, Buymisemuŋ mekelem pal, ɓa ki huruk a mbuŋ naŋ na, anta.

MIKUCUWULOY 23:26

Mangal ɗu, puliy mevel ɗike mbak da ya, yo anja ki sipa sar ɗu ti cira hiri.

DIMIS MIMEZLE 1:16

Kay, ka kuy teˀ, mikiɗamay ɗu, kay, ka kuy teˀe! Gwat ngi hin ndra kuluf kulf ka kalaf tukuzoŋ!

DIMIS MIMEZLE 2:10

Mikiɗa may ɗu ara zli dimis, a ɓiy na: «Yeme ɗu, mifetek fetek hiri ɗu, slikiɗi, sawa.

DIMIS MIMEZLE 2:14

Minjeɗeɗ ˀay ka gonok, ka misi ar wala muwã, ka muɗum ar butumoy, bigiy vu ɓa i pura mihiri ɗik ayɗi, ɓiy ɓa i cine ˀay ɗike, asi ˀay ɗike, a cin calala, yo mihiri ɗike kuy teˀe.»

DIMIS MIMEZLE 2:8

Yi ra cine ˀay ngi mikiɗa may ɗu! Nˀani, ara sawa! A ra jiɗawa ar muwãhaya fãt fãt, ara kito li miɗagaraya kat kat.

DIMIS MIMEZLE 3:1

Kap ngi duvuɗ ar li hin ɗu na, i ru ti sipa mbur ngisi mevel ɗo, i sipa i sipa, amma ko i ji di hirnga ta.

DIMIS MIMEZLE 4:7

Yeme ɗu, kay, kuy ɗike, a zli ta wãˀ. Ko gwat mikic neˀ tekeɗe avu ka anta.

DIMIS MIMEZLE 4:9

Haˀaw sukum ɗu, mangasl ɗu ngaya, kay, ki wiy le duwlak so, ka misliɗa hiri le sliɗ ng'ar ya na, a wiy duwlak wãˀ, virzle migindaɗ purla ngi si ˀay ɗike, a wiy le dulak.

DIMIS MIMEZLE 5:11

Hirnga naŋ kaɓa ɓiri tapasl tapasl mileɗeɗe. Ngwic hirnga naŋ ndococco kaɓa mufuyuk ngi dibinoji, titira kaɓa magagak.

DIMIS MIMEZLE 5:6

Joˀ ya i wuna miviŋ da mikiɗa may ɗu! Amma mikiɗa may ɗu tuwa, a mi, a cuh le. Ya i bi, i sipaŋ. I sipaŋ i sipaŋ, amma i ji di hirnga ta. I zilaŋ i zilaŋ, amma ko a ziliy mi ta.

DIMIS MIMEZLE 6:9

amma ngwas ɗu nga ya, naŋ purla tewle si, gonok ɗu mifetek fetek, naŋ kpesl kine a haŋ mumuŋ, naŋ i ngisi mevel ngwas miyi naŋ. Ziri diilihey a purakaŋ na, a hunumakaŋ, maˀãyay ati mangaslaya, a ngilam di wuy ɓaˀa.

DIMIS MIMEZLE 7:9

Joˀ yi ɓi: «Sey i jiɗ ng'ar babazla ɗu, i ngila yi naŋ mudocok» na. Anja ɗuwa ngi didak ɗike, a tiri kaɓa yi ngi gudubun mudocok, yo hutuŋ ɗik maŋzoˀo kaɓa yi ngi mayngoro.

DIMIS MIMEZLE 8:7

Yam ngir mubuliye gar, a muca wuɗa vu gu ta, yo mizaw madiɗahay a ndakaŋ gu ta. Mburo, lum ngi hay naŋ gar, da ko a vula le ar deɗe ngi wuɗa vu tekeɗe kwana, mizli a sa purakaŋ hiris le na si.

EZAYI 50:6

I taha duba le da mizli makiɗikiye, i vula kwala ɗu le da mizli mamuɗikiy mazlamaya, mizli mazikiy, yo matufikiy tazlay na, i ɗumo mihiri ɗu ta.

EZAYI 52:14

Zigiduw haɗa masa puraka na, a sa zluwunam di, asi mihiri naŋ a mbiɗi le, anta kaɓa ngi mbur mata, yo deŋ naŋ kwana, anta kaɓa ngi mbur titira mata.

DANIYEL 8:18

Ti naŋ maɓiy na, i ro ɗokɗok, durus a ruwuy. A wusiy, a slikiɗiy deŋ ar li ɗu a muŋ.

ZAKARI 4:1

Modro maɓiy tuwa a so puɗukiy kaɓa mapuɗukam mbur mihinje le.

Matiye 7:8

Asi mike na, mbur gar macufuɗ gwata, a vulakaŋ, mbur masipi gwata, a lum, mbur matil mi ngi haya, a wunakaŋ mizlingre.

Matiye 8:17

A gi kahana, ɓa ɓi mijiviɗ Ezayi miɓa zleˀe na, a gi muduba, asi a ɓi zleˀe: «I naŋ mitiɓa hĩhĩy ndraˀahaya, i naŋ muɗupa jiji ndraˀahaya nga hirnga naŋ.»

Mark 1:35

Ngi miprik, ngi li biŋ biŋ aruŋ na, Yesu a slikiɗ, a bi, aru nga pala silaŋ pal naŋ. Joˀ a dir dibiɗ a diga.

Ɓimezle ngi Yesu Kristu LUK mitil di mi 22:44

Didak a muɗaŋ haɗi, a dir dibiɗ ti gidaŋ fineˀ misi zleˀe. Lihriɓ naŋ a tiri kaɓa pumbus miji le, magic nga ruwuy.

Ɓimezle ngi Yesu Kristu LUK mitil di mi 6:12

Ngi pas mekelem ada na, Yesu a jiɗ nga dira dibiɗ a muwã. A hin kap ar li tumbulo Buymisemuŋ.

Ɓimezle ngi Yesu Kristu LUK mitil di mi 9:32

Piyer ati cil naŋhay a hinjam le ɗok ɗok wãˀ, amma taŋ mupuɗkam na, a puraka dudok ngi Yesu waɗ mizli mucuwoy tuwa dedeŋ ati naŋ.

Ɓimezle ngi Yesu Kristu ZAŊ mitil di mi 10:4

Da a bi taŋ le gar ng'avra na, a ki ɓaˀ a mbuŋ, joˀ tumuŋhoy a sipakaŋ, asi a sinaka ˀay naŋ le.

GALATAY 2:20

Ya ti siifa ɓula, amma i ya mata, i Kristu misi a hur ɗu. Asi ya misi ti siifa wurenna na, i ndir di ti tiɓa Mangal ngi Buymisemuŋ muwuɗ ya, naŋ muvula hirnga naŋ asi ya.

EFESEY 5:14

Vur gwat minjik le gar na, i li minjahha. Vurˀe, a ɓam na: «Ka mahinje na, puɗuku, slikiɗ ti wuzla mumucahaya, joˀ Kristu a sa pusluɗa li njahha ar ka.»

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.

ƁIMUNJUYO 3:20

Cin, y'ani deŋ a miviŋ, i ra zil vu. Da mbur a cin ˀay ɗu le, yo a wuniy miviŋ le na, yi sa ci ng'avaŋ, i sa zumam cuwa. Ya ati naŋ, yo naŋ ati ya.

ƁIMUNJUYO 3:4

Amma mizli mekelemey ada a Sardese, a jupaka zana taŋhaya ta. A sa ram asi ya, zana babarahay ɓaˀ ɓaˀ avu vu, asi a ndilaka le ngi ki naŋ.