DIMIS MIMEZLE 4:3 - Bible en langue guiziga

³ Mi ɗik ka mazum di gwata, naŋ kaɓa gabaga mislirkeɗ, mindezze, yo mingiɓi ɗike ndum haɗa. Kwala ɗike, a puro ligidaˀligidaˀ tir zana ɗik minjar a hirnga na, ka yi ngi hunduruk micahaka le cah a wuzla cuw.

DIMIS MIMEZLE 4:3 ပူးပေါင်းရင်းမြစ်များ

ZLI VIRZI 32:10

A dirba nah, Zakop a dir dibiɗ: «Aw Buymisemuŋ ngi dideˀ ɗu Abraham ati ngi baha Izak, ka Bumbulvuŋ miɓiy: Mi nga hirwuy ɗik, nga wuzla muy ɗikey, i sa guw mezle tuwa na,

ESDRAS 9:6

i ɓaŋ na: «Buymisemuŋ ɗu, lesl ɗu a mbiɗi le, mesem ara giy haɗi ngi ɗuva hiri ng'avi ka Buymisemuŋ ɗu, asi malambaˀ ndra a ji le haɗa dum hirnga ndra, yo mungra ndra, naŋ jirngasl jirngasl haɗa, sesẽŋ a muŋ.

DIMISEY 119:13

Ɓi ka mujuwa a mevel, mubo le ti balam ɗik gar na, i ra slufa taŋ tiɗeˀe ti irne ɗu.

DIMISEY 37:30

Mi ngi mbur mijeŋŋe, a ɓi di i ɓi ngi sinmijileŋ, yo irne naŋ, a ɓi di i ɓimujuwa mitaˀ gar.

DIMISEY 45:2

A ra giy vekeɗ vekeɗ a mevele ngi ɓi ɓi mezle, i wuɗ i zli di dimis ngi ɗuva hirnga da buy madiɗa. Anja ˀirne ɗu a bam vu ati gwat ngi toho gwat ngi mbur misina toho gwat le ti jiviɗ naŋ cirɗeɗɗe.

MIKUCUWULOY 10:13

A lumam sinmijileŋ angi mingiɓi ngi mbur misi lesle, amma mbur gilaw a, a kiɗaka ti ganday a duba.

MIKUCUWULOY 31:26

A wuna mi ngi ɓa ɓi ti sinmijileŋ, yo mi ngi irne naŋ, i ngi kuta vu ti ˀay ɓaˀ a ruwuy.

DIMIS MIMEZLE 1:5

Kum diili Zeruzalemey, ya kakayak kakayak ɓula, amma yi diili mukuy, ya kakayak kakayak kaɓa guɗuk a Kedar, kaɓa godo hirngahay.

DIMIS MIMEZLE 4:11

Haˀaw mangasl ɗu nga ya, mididigin ara guco tivi mi ɗike, irne ɗik ara ɓulo mam ati ɗuwa, yo zana ɗikeye, a zãˀãm jirre kaɓa muwã Libaŋ.

DIMIS MIMEZLE 5:13

Kwala naŋ kuy kaɓa li miɗiya ar jarne misi ti mufuyukoy ara mazãˀãm ndummo. Mi naŋ kaɓa matay mezle mafuyuk, urdi mir mikiler, a gico ti vaˀaŋ.

DIMIS MIMEZLE 5:16

Mi ngi balam naŋ i mi ngi zuy, yo deŋ ngi vu naŋ vuna si na, ki hĩyã si. Kum diili Zeruzlemey, mikiɗa may ɗu, yeme ɗu na, naŋ kahana.

DIMIS MIMEZLE 6:7

Kwala ɗike, a puro ligidaˀligidaˀ tir zana ɗik minjar a hirnga na, ka yi ngi hunduruk micahaka le cah a wuzla cuw.

DIMIS MIMEZLE 7:9

Joˀ yi ɓi: «Sey i jiɗ ng'ar babazla ɗu, i ngila yi naŋ mudocok» na. Anja ɗuwa ngi didak ɗike, a tiri kaɓa yi ngi gudubun mudocok, yo hutuŋ ɗik maŋzoˀo kaɓa yi ngi mayngoro.

EZEKIYEL 16:63

ɓa kisa wuluk keŋ, ɓa kisa pi mesem, yo ti ya masa puluw mungra ngi gwat ka miga taŋ gar na, a sa guw gigisl, kisa wuna mi gu mata. I ya Bumbulvuŋ, Buymisemuŋ maɓi.»

LEVIHEY 14:4

mbur miɗiyi tuwa, masay a ɓi ɗaˀ, a sakaŋ ti gwatay ani: ɗiyuw misi titirihey cuw, misi i mupula jiviɗ naŋ le ngi zumoy, dum ngi miter, ngwic ngi tumuŋ, munduva ndezze, waɗ mihaŋ ngi widis mazilaka izop.

LEVIHEY 14:6

A zuɓa ɗiyuw misi titiri tuwa, dum ngi miter, ngwic ngi tumuŋ, munduva naŋ ndezze, waɗ mihaŋ ngi izop tuwa, jom gar taŋ ati ɗiyuw misi titiri na, a ca taŋ jugoɓ ng'ar pumbus ngi ɗiyuw mislaka ˀay naŋ a hirnga yam munuwo di ar miviɗiviɗi naŋ tuwa.

SLUFA VU 19:6

Masay a sa wuɗ dum ngi miter, mihaŋ ngi izop waɗ ngwic ngi tumuŋ, ngwic munduva migagaza ndezze. A sa pa taŋ cek ng'ar vu mazlumam di sla tuwa.

SLUFA VU 4:8

A sirtam gabaga mindezze ngi ngwic ngi tumuŋ a hirnga nah, waɗ garak mupuɗaw mislirkeɗ cay a hirnga taŋ gar, a caka ɓeɓele ngi zuɓ naŋ kulaˀ kulaˀ ava.

Matiye 12:35

Mbur mezle a bo ti gwat mezle tir mevele mezle, mbur malambaˀ kwana, a bo ti gwat malambaˀ tir mevele malambaˀ aya.

Ɓimezle ngi Yesu Kristu LUK mitil di mi 4:22

Mizli gar a hĩyãka ɓi naŋ le, ɓi mezle mabo ti balam naŋ na, a zuma taŋ hirnga le, a ɓam: «Hana i mangal ngi Zozef tuwa takwa?»

EFESEY 4:29

Anja ko ɓi malambaˀ pal a bo ti balam kumo ta. Da ki wuɗam ɓi ɓi le na, sey ɓi mezle, ɓa a jina mizli micin naŋhaya gu, yo a ga taŋ mezle.

KOLOSOY 4:6

Anja mingiɓi kum i mezle ndrehhe, i ɓi mundum. Sinaka mbiɗi mi da mburo kaslsla ti jiviɗ naŋ.

HEBEREY 9:19

Dumbuŋ na, Moyis a til mi ti ɓimuɗuva da mizli gar, kaɓa naŋ muluma ar ɓimujuwa. A dirba nah, a wuɗ pumbus ngi ngarihey ati ngi bazuwayaya, lahaɗ ti yam, a kuca da ɗerewol ngi ɓimujuwa vuna waɗ da mizli gar. A kuca ti zana gagaza ngi ngwic ngi tumuŋ waɗ ti mihaŋ ngi izop.

ZOZUWE 2:18

Ti ndra masa coko nga ruwuy kumo na, zeweɗ gagaza hana, kisa juwa tizirehhe a mi fenetir ka mupo sar ti ndra ti nga na. Ki sa cikila miyi ɗikeye ngi hay ɗiki, sukum ɗikey ati mizli ngi hay kumoyo gar.