DIMIS MIMEZLE 2:3 - Bible en langue guiziga

³ Mikiɗa may ɗu, a wuzla ziri mizileheye, naŋ kaɓa mayngoro a wuzla widis ngi ɓuhoy. Yi wuɗ le haɗa ɓa i naˀa susuɗuk naŋ, yi nah, naŋ deɗek a balam ɗu.

DIMIS MIMEZLE 2:3 ပူးပေါင်းရင်းမြစ်များ

DIMISEY 45:2

A ra giy vekeɗ vekeɗ a mevele ngi ɓi ɓi mezle, i wuɗ i zli di dimis ngi ɗuva hirnga da buy madiɗa. Anja ˀirne ɗu a bam vu ati gwat ngi toho gwat ngi mbur misina toho gwat le ti jiviɗ naŋ cirɗeɗɗe.

DIMISEY 45:3

Ki funa mizli le gar ti kuyo, mingiɓi ngi balam ɗike, naŋ ndum haɗa teˀe. Yo Buymisemuŋ a ɗuwuluw mi le hã ngi set.

DIMISEY 57:1

Dimis ngi wuzla dimis ngi Davitey. I mulumo di ar ɗerewol ngi buy dimis. A ɓi ɓi ngi Davit mikil ng'ar butum, ɓa a lih avu Sawul. Dimis ngi zli ti ˀay maɓi: «Ki pula a hiryi ta…»

DIMISEY 89:6

Bumbulvuŋ, anja modro ɗik ngi muŋhoy a hunumukuw asi gwat ngi zuma hirng'aka maga na, yo anja a hunumukuw ar kus ngi mizli ɗikey a muŋ asi gi teŋteŋ ɗik na.

DIMISEY 91:1

Mbur maɗum ti Buymisemuŋ Mimadiɗa na, kite ara hin a susuɗuk ngi Buymisemuŋ misi gidaŋ wãˀa.

DIMIS MIMEZLE 1:16

Kay, ka kuy teˀ, mikiɗamay ɗu, kay, ka kuy teˀe! Gwat ngi hin ndra kuluf kulf ka kalaf tukuzoŋ!

DIMIS MIMEZLE 2:5

Jihikiy ɗangal ti maɗaf ngi gudubun, vulikiy gidaŋ ti yi ngi mayngoro, asi wuɗa vu a kiy jiji le.

DIMIS MIMEZLE 4:13

Hunduruk ara pus haɗa ar jarne ɗike, ara yi zingaˀ mimezlehey: kalaf hene ati nardi, ada pusam haɗa a diga.

DIMIS MIMEZLE 4:16

Himiɗ vay muŋ, puɗuku! Himiɗ vay ruwuy, sawa! Gi fiɗek fiɗek ar jarne ɗu na, ɓa urdi mihindirik hindirik naŋhay a zãˀãm jirre! Anja mikiɗa may ɗu a co ng'ar jarne naŋ, ɓa a zum yi ngi widis mimezle ngi raˀahaya.

DIMIS MIMEZLE 5:16

Mi ngi balam naŋ i mi ngi zuy, yo deŋ ngi vu naŋ vuna si na, ki hĩyã si. Kum diili Zeruzlemey, mikiɗa may ɗu, yeme ɗu na, naŋ kahana.

DIMIS MIMEZLE 7:13

Prik prik na, akum ng'ar guva ngi gudubun, akum ɓa i ra puraka, zliv gudubun ara gi ɗangal, ɗangal ara wuna mi naŋ mimbizeˀ na kwa mbrike? Yo zliv hunduruk ara fuyuk kwa mbrike? I sa buguw wuɗa vu ɗu a diga.

DIMIS MIMEZLE 8:11

Salomoŋ naŋ da ti guva ngi gudubun a Baˀal-Hamoŋ. A vula guva tuwa da mizli ɓa a jiginakaŋ. Mbur gar na, sey a lumo suloy gabal purla ti yi ngi gudubun tuwa.

DIMIS MIMEZLE 8:12

Guva ngi gudubun inga ya ɗu. Ka Salomoŋ, suloy gabal purla na, da ka, amma suloy skat cuwo ani, da mijigina guvahay.

DIMIS MIMEZLE 8:5

Ngwas maso ani a diga tir li papala, ginasl ti mikiɗa may naŋ na, i waka? I puɗuko ka asi widis mezle ngi zum ar li munuk miga hur ɗik ara, ar li munuk miyuw anga

EZAYI 25:4

Asi ki li ɗumo mbur hĩhĩy, li ɗumo misi murga misi ar bonoy, li ɗum vur vuŋ, susuɗuk ngi niˀi vur pasa, asi himaˀ ngi mbur magi gwat ti gidaŋ na, naŋ kaɓa burgataŋ madumbusla mohol,

EZAYI 32:2

Mbur gar a wuzla taŋ, a sa tiri kaɓa li ɗum ti himiɗ mibiwbiw, kaɓa li ɗum ti vuŋ misi burkataŋ. A sa tiram kaɓa yam maɓul ar li muˀuloŋ, kaɓa susuɗuk ngi gidigil muwã ar papala.

EZAYI 4:2

Ti hin nah, Bumbulvuŋ a sa vul ɗongor ati dudok da mizli, yo hirwuy a sa ga ɓa mizli Israyeley mindiram ti siifa na, hiri cira taŋ, yo a zilam slimiɗe.

EZAYI 4:6

A sa tiri guɗuk, mazlaɓ miɗiya ti kalafay ngi gi susuɗuk ti papas micãˀ cãˀ, a sa tiri li cifi ati li ɗum vur burgataŋ ati vuŋ.

EZEKIYEL 47:12

Sukwi ngi widis ngi zumoy a sa gilam a mi mizawa, a ˀaydidikeye, ti ka ti ka cuw taŋ. Kalaf taŋhay anta sa ɓutom ɓut le ta, yo yi taŋhay kwana anta sa kiɗam mi pas le ta. Vur kiya gar na, a sa yam, asi yam ngi mizawa, a bo tir hay ngi Bumbulvuŋ. Yi taŋhay a sa ndiram ar deɗe ngi ɗafa, yo kalaf taŋhaya kwana ar deɗe ngi slalaka.»

ZOWEL 1:12

Gudubun a muˀul le, uruf a guvuˀ le, widis grenade, Babazla waɗ widis pomoy, na zle widis ngi zum ngir guvahay gar, a muˀulom le. Mumul a kiɗ mi le avu mizli.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

MIGI KIITAHAY 9:15

Amma sisim a ɓa widiseye: ‹Da ki wuɗam ya le ngi buyo gisiŋ na, soko nga su suɗuk ɗu! Da kanah ta na, anja vu a bo tir hadaw ɗuwoyo, ɓa a wura miter ngi Libaŋhaya.›