DIMIS MIMEZLE 1:4 - Bible en langue guiziga

⁴ Jiy haŋ kaw, kulukum cuwa. Buy ɗu ci ti ya nga viŋ ɗiki. Juɗukum mececẽleŋ, mumulukum asi mezle ɗik na. Gukum muguzlum ngi wuɗa vu ɗik mundum fineˀ mbaazla na. Ziri mongosohoy mawuɗam ka haɗa na, naŋ kaslsla.

DIMIS MIMEZLE 1:4 ပူးပေါင်းရင်းမြစ်များ

DIMISEY 111:4

Cekenehey, naŋ miga taŋ na, a wuɗ le ɓa mizli a wulkaka taŋ keŋŋe. Bumbulvuŋ naŋ mezleŋ, yo a pur ircece haɗi.

DIMISEY 119:32

I ra wus vu ngi sipa jiviɗ ngi ɓimuɗuva ɗikeye, asi ki wuniy lesle le.

DIMISEY 119:60

I wus vu le ngi ja ɓimuɗuva ɗikey a hirnga, ko i zum vu neˀ le ta.

DIMISEY 149:2

Israyel, mumul asi migi ɗik i naŋ, mizli Siyoŋhoy, gam muguzlum, asi i buy kum madiɗaŋ.

DIMISEY 42:4

Ti duvuɗ ati papas gar na, ɗaf ɗu i tuwuy, asi ara ɓikiy vur hin gar: «Buymisemuŋ ɗike naŋ a maka?»

DIMISEY 48:9

Gwat ndra micinaka maɓaka ɓi naŋ tuwa na, i puraka le ti hiri ndra, ar walahay madiɗa ngi Bumbulvuŋ, Buy misi gidaŋ wãˀ, ar walahay madiɗa ngi Buymisemuŋ ndra, Buymisemuŋ ara vulaŋ gidaŋ ngi caˀa.

DIMISEY 63:5

I sa guw sise ar hin ngi siifa ɗu gar, yo i sa zuɓa haŋ paɗ a muŋ, ngi guw dudok ti slimiɗ ɗiki.

DIMIS MIMEZLE 3:4

Ya mupula taŋ mbakka neˀ si na, i ji hirnga ti mbur ya mawuɗ tuwa. Ya mija ndap avu haŋ na, ko yi pulaŋ ta, hã i ci di ngi hay maha, nga viŋ mahayaw ɗu miyiy.

DIMIS MIMEZLE 4:10

Haˀaw sukum ɗu, mangasl ɗu ngaya, wuɗa vu ɗik a ciriy hiri le haɗa! Kayya! Wuɗa vu ɗik na, ndum naŋ a funa mbaazla le, yo zĩˀĩ ngi urdi misi avu vu ɗike, a funa urdi mihindrik hindrikeye le ceke.

EZAYI 25:8

A sa kiɗa muco ngi wãˀa. Bumbulvuŋ Buymisemuŋ a sa sõhõ tuwuy ngi hiri mizli gar, yo a sa ɓula mesem ngi mizli naŋhaya, asi ruwuy keɗeɗe. Naŋ Bumbulvuŋ a ɓa le.

EZAYI 45:25

Amma dideˀ ngi Israyeleye, a sa ndiram jeŋŋe, yo a sa mumulom na, mbele ya.»

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

EZAYI 63:7

Gi mezle Bumbulvuŋ miga gar, yo ɓi mahunumakaŋ vurˀe na, i wuɗ i mahiri ngi ɓa ɓi nah ava, i ɓi ngi gwatay, Bumbulvuŋ miga taŋ gar vur ndra, haˀaw, i gi mezle naŋ mihaɗa da sukwi Israyel, ati gwat mezlehey naŋ miga taŋ, vur naŋ mawuɗ taŋ haɗa na.

ZEREMI 31:3

A sa ɓi: ‹Bumbulvuŋ a bigiy vu le deŋ kileŋ.› Joˀ yi mbiɗaŋ di: ‹Yi ra wuɗ ka zle misi ngadana ta, yo ma na, ya maɗuɗo ka ng'avi ya na, asi ki ngama ɗu.

Ɗerewol OZE 11:4

I ra ɗiɗa taŋ ti mezle, kaɓa ji ngama ngi mbur titiraŋ, mujumo ndra ati taŋ i wuɗa vu. I gi ti taŋ, kaɓa mazuɓam zuŋ gaza gumbaˀ a didak, i vulaŋ gwat ngi zumo.

SOFONI 3:14

Walahay Siyoŋ, ji salalay, Israyel, ngil di wuy ˀay paɗ a muŋ, Walahay Zeruzalem, ka mumul, yo singir ti mevel ɗik pusak.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 25:10

Diyli gilawaya, ti taŋ maram nga hiɗika mal tuwa na, zil a ndilawa. Diyli werey muwam vu tuwa, a cam ng'ar hay ngi vula ngwasa jom ati zil tuwa. A gicaka mizlingre.

Ɓimezle ngi Yesu Kristu LUK mitil di mi 2:10

Dar modro a ɓa taŋ: «Ki zluwunam ta, ani yi so ngi tulukum mi ti ɓimezle. Mizli gar a sa mumulom di haɗi.

Ɓimezle ngi Yesu Kristu LUK mitil di mi 22:19

Joˀ a zuɓa ɗaf, a ga sise da Bumbulvuŋ, a dirba nah, a ngilaŋ, a vula taŋ di, a ɓi: «Hana i dumvu ɗu muvula vur kum. Gaka kahana ti wuluk ar ya.»

Ɓimezle ngi Yesu Kristu ZAŊ mitil di mi 12:32

Nga ya na, da a sa zuɓikiy le baɗ ti ruwuyo nga muŋ na, i sa ɗiɗa mizli gar ng'avi ya.»

Ɓimezle ngi Yesu Kristu ZAŊ mitil di mi 6:44

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

EFESEY 2:6

Ar ndra mujom ati Kristu na, Buymisemuŋ a slikiɗa ndra le ti wuzla mumucahaya ati naŋ, a cifa ndra le ar li ngi muŋ.

EFESEY 6:24

Mizli mawuɗaka Buy ndra Yesu Kristu ti wuɗavu mahiryi ta na, anja Buymisemuŋ a ga taŋ mezle gar.

FILIPIHEY 3:3

Asi macam mizaw migisiŋ gisiŋ na, i ndra, ndra madiram dibiɗ ti ˀUf ngi Buymisemuŋ, ndra majijaham mbele Yesu Kristu, yo ndra mupulaka vu ndra da hirnga ndra tehhe a muŋ ta na.

FILIPIHEY 4:4

Mumulom angi pas gar, asi kum mujom ati Bumbulvuŋ. I ra mahiri naŋ ava ma, kum mumulom.

HEBEREY 12:1

Naŋ kine so, ndra kwana, migi sedewohoy haɗi a gunom ndra hirnga le gun. Gwat ndra majijiraka gar ati mungra maja ndra kutum kutom kutom na, hizigukum taŋ avra. Kulukum mi humbaɗ, i kiɗaka mi ngi pi mi ndra.

PIYER MUDUMBUŊ NAŊ 1:8

Yesu Kristu, ko da ki purakaŋ ɗaˀ ta tekeɗe kwana, ki ra wuɗakaŋ. Kum anta purakaŋ t'aruŋ, amma ki ra tiɓakaŋ. Vurˀe, ki ra mumulom ti mumul mududok haɗa wãˀ, a funa ngi ɓi avu mi le.