DIMIS MIMEZLE 1:3 - Bible en langue guiziga

³ i mezle fineˀ zĩˀĩ ngi urdi ɗikey na. Deŋ ɗike, naŋ ka urdi mipal naŋ kine mazĩˀĩ ndum. Diilihey mawuɗokuw haɗa na vurˀe.

DIMIS MIMEZLE 1:3 ပူးပေါင်းရင်းမြစ်များ

DIMISEY 133:2

Naŋ ka mal mezle mipaka le a hirnga Aroŋ, a yum sesẽŋ avu mazlamay naŋ, hã sesẽŋ avu ˀay ngi zana naŋ.

DIMISEY 45:14

Zuŋ ngi buyo a ro a hur haya. Kayya, hiri a ɗuv ava ta wãˀ. Naŋ ti zana misilmir, migakaŋ wuya geˀ geˀ ti ɓiri tapasl tapasl.

BI NGI ISRAYELEY 33:12

Moyis a ɓa Bumbulvuŋ na: «Cin ɗi Bumbulvuŋ, ka ti haŋ ɗike ki ɓiy na: Aru ti mizli tayna, amma ki ɓiy ɓi ngi mbur ka mawuɗo sliniy di, ɓa a jiniy na ta. Na zle, ki ɓiy na: Ki muɗiy le ceɗ pal, yo ki ra giy mezleŋ.

BI NGI ISRAYELEY 33:19

Bumbulvuŋ a ɓaŋ: «I sa cuh a mbuŋ ɗike, i sa buguw gi mezle ɗu wãˀ bal ti zila slimiɗ nga ya ‹Bumbulvuŋ›. I sa ga mezle da mbur ya mawuɗ gaŋ mezleŋ, yo i sa pura ircece da mbur ya mawuɗ puraŋ ircece.»

MIKUCUWULOY 27:9

Mal ngi puy ati urdi a vul mumul a mevele, yo ngama miteˀteˀe, a funa kuta hirnga ɗik tehhe a muŋ na le.

TILA MI 7:1

Slimiɗ mazil ti mezle na, a funa urdi mazĩˀĩ ndum haɗa le, hin ngi muco, a funa hin taŋ muyukuw na le.

DIMIS MIMEZLE 3:6

Maso ti wuzlaɓuh mikirɗak kirɗak na i waka? Maso kaɓa musuure ngi cunju, a go urdi mir ati mukuturɓuy ngi zlum ti zlum, bik bik kaɓa urdi musoko di ti so ti ruwuy mulak na i waka?

DIMIS MIMEZLE 4:10

Haˀaw sukum ɗu, mangasl ɗu ngaya, wuɗa vu ɗik a ciriy hiri le haɗa! Kayya! Wuɗa vu ɗik na, ndum naŋ a funa mbaazla le, yo zĩˀĩ ngi urdi misi avu vu ɗike, a funa urdi mihindrik hindrikeye le ceke.

DIMIS MIMEZLE 5:13

Kwala naŋ kuy kaɓa li miɗiya ar jarne misi ti mufuyukoy ara mazãˀãm ndummo. Mi naŋ kaɓa matay mezle mafuyuk, urdi mir mikiler, a gico ti vaˀaŋ.

DIMIS MIMEZLE 5:5

Akẽh na, ya i slikiɗ pirtaˀ, i wuna miviŋ da mikiɗa may ɗu. Joˀ urdi mir a guco ti haŋ ɗu, yo urdi mir mikiler a ɓulo lelele ti vu muzuŋ haŋ ɗuwoyo ng'avi li ji haŋ ngi li zlira miviŋ.

DIMIS MIMEZLE 6:8

Ko da buyo naŋ ti maˀãyay kukur merkeɗe, mangaslaya, kukur dangafaɗa, yo ziri diiliheye slaf le ta tekeɗe kwana,

EZAYI 61:3

ɓa i tuwuɗa loppol a hirnga mizli mutuwa Siyoŋhoyo. Haˀaw, i sa tuwuɗa taŋ di i loppol gisiŋ, i pa taŋ fucu a hirnga ta, i sa pa taŋ urdi mimezle haɗa ngi vula mumul, i urdi ngi tuwa vagay ta, i sa vula taŋ zana ngi muguzlum, ar deɗe ngi ndurɓo hiri taŋ. Hana gar na, ɓa mizli a sa zilaka taŋ ‹Widis ngi ɗuva hirnga da Buymisemuŋ, yo guva ngi Bumbulvuŋ, mihĩˀĩ ngi biga dudok naŋ›.

Matiye 25:1

«Yo Zumabuy ngi muŋ a sa gi kaɓa ɓi ngi ziri diilihey kuruˀu, muzuɓaka lampe taŋhay, mibam nga ji hirnga ti zil muzuɓ taŋ.

Ɓimezle ngi Yesu Kristu ZAŊ mitil di mi 12:3

Dar Mariya a zuɓa koloba ngi urdi misi cikili naŋ haɗa, migaka ti nardi pal naŋ. A pa da sar ngi Yesu, a tukuɗaŋ di ti himac hirnga naŋ. Ziˀĩ ngi urdi tuwa a zlira haya gar.

KORENTIHEY MUCUW NAŊ 11:2

I ra wuɗukum suloŋ suloŋ haɗi, yo wuɗavu musuloŋ suloŋ nah a so tivu Buymisemuŋ. Kum kaɓa diili mungbuˀo kine, ya mitikukum da zil purla, i Kristu.

FILIPIHEY 4:18

Na zle, gwat ya muwuɗ gar na, ada avu ya, hã a funa le ma. Y'anta ti may ngi gwat mekelem mata. Epafrodit a siy ti gwat kum muvulikiy di na le. Naŋ kaɓa urdi mazĩˀĩ ndum, i mikuli Buymisemuŋ mitiɓa le, maciraŋ hiri.

ƁIMUNJUYO 14:4

Mizli tayna, ko a hiryaka vu taŋ ti hin ti ngwasaya ta, taŋ ngbuˀo ngbuˀo kine. A ra sipaka tumuŋ ng'ar li naŋ maru gar. A mbuɗo hirnga taŋ le ti wuzla mizli, taŋ i muvula mudumbuŋ dumbuŋhoy da Buymisemuŋ, waɗ da tumuŋ.