DIMISEY 81:2 - Bible en langue guiziga

² Zluzluɓam a mbuŋ Buymisemuŋ, mavula ndra gidaŋ i naŋ, jam salalay da Buymisemuŋ ngi Zakopo.

DIMISEY 81:2 ပူးပေါင်းရင်းမြစ်များ

DIMISEY 92:3

Ɓa i tilam mi ti ɓi ngi wuɗa vu ɗike, zle ti mipriki, yo kap ti duvuɗo, i tilam mi ti gi teŋteŋ ɗiki,

Mark 14:26

Dar a zlam dimis ngir ɗerewol Dimis, a dirba nah, a bam nga muwã Tutumbur.

BI NGI ISRAYELEY 15:20

Yo ngwas ada, i Miriyam mijiviɗ ngi Buymisemuŋ, i sukum ngi Aroŋ, a zuɓa jãwjãw, ngwasay gar a sipakaŋ ti ɓuruk asi jãwjãw tuwa

Ɗerewol ZAK 5:13

Mbur masi bonoy ada a wuzla kumo kwa? Anja a dir dibiɗ. Da ara mumul na, anja a hunuma Buymisemuŋ ti dimisi.

KOLOSOY 3:16

Anja Mingiɓi ngi Kristu a cifi ti gidaŋ haɗa a mevel kumo. Dubunam gwat, yo ɓam ɗaˀ ɗaˀ le ar wala kumo ti sinmijileŋ miwãˀ naŋ. Zlam dimis ngi ga sise da Buymisemuŋ ti mevel purla, hunumakaŋ ti dimis ngi Bumbulvuŋ, ti dimis maɓi ɓi ngi ˀUf Mipal mavula.

EFESEY 5:19

Ɓam ar wala kumo ti ɗerewol ngi hunumavu, ti dimisey, waɗ ti dimis mabo ti vu ˀUf Mipal. Zlam dimis, yo hunumaka Bumbulvuŋ ti mevel purla.

ƁI NGI HINEY MUCUW NAŊ 5:13

Mifi zarahay ati mikiɗa gwat ngi dunguroyo, a jumom gar taŋ arleˀe ngi hunuma Bumbulvuŋ, yo ngi gaŋ dudok ti ˀay purla. Taŋ mira faka zara, ara kiɗaka jãwjãw ati gwat ngi dungur mekelemeye na, ara hunumaka Bumbulvuŋ, a ɓam: «Buymisemuŋ naŋ mezleŋ, yo gi teŋteŋ naŋ a ndir ngi sete.» Akẽh na, gazlavay a naha hay ngi Bumbulvuŋ tirslik.

NEHEMI 12:42

Yo waɗ Maˀaseya, Semaya, Elazar, Uzi, Yohanaŋ, Malkiya, Elam waɗ Ezer. Mizli dimisey mazlaka dimis taŋ macin na, baɗ tivi Izrahiya.

DIMISEY 59:17

Na, ya i ra zli dimis ngi hunumuw, asi gidaŋ ɗiki, ti miprike, i juw salalay, asi gi teŋteŋ ɗiki, asi ka, ki li ɗu muguno ti mohol, li ɗum ɗu tapas bonoy mulumiy le.