DIMISEY 72:16 - Bible en langue guiziga

¹⁶ Anja daw a gi haɗa asi ruwuyo, anja a gam hirnga zingit zingit a muwãhaya, hurzlozlo kaɓa muwã libaŋ, tir walahaya, a pur sikiniy kaɓa giziŋ a ɓuh.

DIMISEY 72:16 ပူးပေါင်းရင်းမြစ်များ

BUYOY MUDUMBUŊ NAŊ 4:20

Mizli ngi Zudahay ati ngi Israyeleye, taŋ haɗi teˀe. Taŋ haɗa, a slufam ta wãˀ kaɓa muyuŋ a mi mubuliy. Tˀada ti gwat ngi zum ati gwat ngi si, hã mbaka, yo taŋ ar cira hiri ma.

Ɗerewol JOP 5:25

Ziri ɗikeye, kisa pura taŋ na, a jam haɗi, yo dideˀ ɗikey a sa gilam kaɓa giziŋ asi ruwuy.

Ɗerewol JOP 8:7

A sa gi na, joˀ ɗik misi zleˀe i lambaˀa, ko a dukom duk le ati mezle ka masa luuma tumbuŋ na neˀ le ta.

DIMISEY 104:16

Bumbulvuŋ, widis ɗikey ara mbam ti yam, i miter ngi Libaŋhay, ka minga taŋ na.

DIMISEY 72:6

Anja buy a ndir kaɓa vuŋ magi ar guvahay, kaɓa yam mahuluɓa hirwuy!

EZAYI 29:17

Hin neˀkini nga mbuŋ na, li mingriɗ ti widis a Libaŋ, a sa tiri ngiriɗ ti widis mayam zingahay. Amma li mingriɗ ti widis mayam zingahay, a sa tiri ngiriɗ ti widis hõ gar takwa?

EZAYI 30:23

Da ki zligam gwat ngi hilfahay le na, Buymisemuŋ a sa vulukum vuŋ. Hirwuy a sa gi gwat ngi zum haɗa yo i mundumoy ma. Ti hin nah, ginew kumoy a sa zumam ar li zum taŋ miciɗak ciɗaka.

EZAYI 32:15

hã Buymisemuŋ a slino ndra ˀUf naŋ ti muŋ. Dar li papala mikirɗak kirɗaka, a sa tiri i li misi widis ngi zumoy, yo li misi widis ngi zumoyo jak na, a sa tiri li misi widis ho gar ngiriɗ.

EZAYI 32:20

Kumo kisa mumulom: ar li misi yam gar, kisa zligaka gwata, kisa pulaka sla ati zungu kumoyo manja masapata.

EZAYI 35:2

Anja a pus giziŋ, anja a jiɗ mececẽleŋ, a ɓuruk yo a ji salalay. Buymisemuŋ a vulaŋ dudok ngi muwã Libaŋ le da naŋ, Muwã Karmel mimezle ati li micay ngi Saroŋ na, a vulaŋ di le ma. Dar mizli a sa puraka dudok ngi Bumbulvuŋ, ati mezle ngi Buymisemuŋ ndra.

ZEREMI 33:22

Dideˀ ngi Davitey ati Levi, mizli madiɗa ngi slra ɗuwoy na, i sa ska taŋ a slufam ta, kaɓa wurzlaŋhay a muŋ maslufam ta, yo kaɓa muyuŋ ar mubuliy mawi gu ta na ya.»

SLRA 1:15

Ti di nah na, mitiɓihey a gam gwat ngi skat ti kukur cuw gu, a kusom le. Piyer a slikiɗ deŋ a wuzla taŋ, a ɓa taŋ:

SLRA 2:41

Mizli mitiɓaka mingiɓi naŋ gar na, a cam ar yam. Angi hin nana, gwat ngi mizli durmuk makir mujumoko ng'avi taŋ.

SLRA 4:4

Amma a wuzla mizli micinaka mingiɓi ngi misliney tuwa, mizli haɗi a tiɓaka le. Taŋ jom gar, a gam gwat ngi mizli durmuk zlum gu.

ƁIMUNJUYO 7:14

Yi mbiɗaŋ di: «Buy ɗu, misina, i ka!» Dar a ɓiy: «Taŋ i mizli mucohoko baɗ tir bonoy madidiɗa. A bunaka jibe taŋhaya le, yo a pusluɗaka taŋ le angi pumbus ngi tumuŋ.

ƁIMUNJUYO 7:9

A dirba nah na, i pur zigiduw haɗi, ko a sluf ta. A boko ti ngi sukwi gar, ti ngi sukwi mitaˀ taˀ gar, tir lihey wal wal ati li maɓam mi wal wal gar. A cicam dedeŋ a mbuŋ janga ngi buyo, a mbuŋ tumuŋ. A kam jibe babarahay waɗ mihaŋ ngi dibinojehey kaw kaw a haŋ taŋhaya.