DIMISEY 71:6 - Bible en langue guiziga

⁶ Diga taŋ miyikiy cak si na, i ro jahha ti ka, ani mubo ti ya ti kwacay maha i ka. Ya mahunumuw ndrehhe nakaslsla!

DIMISEY 71:6 ပူးပေါင်းရင်းမြစ်များ

ZEREMI 1:5

«Ya misa kicuwuw a kwacay munuk na, naɓa i sinuw le si. Ka misa bo tikeˀe ti kwacay naŋ na, naɓa i guhuw le gwah pal vur slra ɗu si. I tiri ti ka mijiviɗ le ng'avu sukwi ngi mizli.»

GALATAY 1:15

Amma Buymisemuŋ ti gimezle naŋ na, a winiy le zle a kwacay maha, yo a ziliy le ti mezle naŋ, a pura le kuy,

EZAYI 49:5

Asi mike na, wurenna, Bumbulvuŋ a ɓa le njah, naŋ mukicuwiy zle a kwacay maha na, ɓa i tiri gawla naŋ, ɓa ngi mo ti dideˀ ngi Zakopoyo ng'avaŋ, ɓa i cikilaŋ hirnga ngi Israyeleye jom ar leˀe. Akẽh so na, Bumbulvuŋ a puriy, ya puɗaw a mbuŋ naŋ muduba, yo gidaŋ ɗu i Buymisemuŋ vuna.

EZAYI 49:1

Kum mizli mikileŋ kileŋhey, cinaka mingiɓi ɗu ani, kum mizli mizar zaray, jikaka slimiɗe. Bumbulvuŋ a ziliy zle ti taŋ miyikiy t'aruŋ, a zila slimiɗ ɗu zle ti ya misi a kwacay maha aruŋ.

DIMISEY 34:1

Dimis ngi wuzla dimis ngi Davitey. A mbuŋ Abimeleke, Davit a gi ka mibirngaŋ. A dirba Abimelek muɓulaŋ na, Davit a ɓi ani:

ZEREMI 3:4

Ani wurenna ma na, ki ra ziliy: «Baha! Ka yeme ɗu, diga ti ya misi ti zuŋ!

MIKUCUWULOY 8:17

Yi wuɗ di i mizli mawuɗikiy, yo mizli masipikiy hirdam hirdam na, a sa lumikiy.

DIMISEY 71:14

Yi ro hiri njah ndrehhe asi ka, yo i ro hunumuw hirdam hirdam ti dimisi.

EFESEY 5:20

Gaka sise da Cine ndra Buymisemuŋ ti slimiɗ ngi Buy ndra Yesu Kristu ar pas gar, yo asi ɓi mike gar.

DIMISEY 22:11

Diga miyikiy cak si na, a vulikiy da ka, zle ti ya misi a kwacay maha na, Bumbulvuŋ ɗu i ka!

DIMISEY 40:4

A vuliy dimis nawaya taˀ avu mi, dimis ngi hunuma Buymisemuŋ ndra. Mizli haɗi a sa purakaŋ, a sa zluwunam ti Bumbulvuŋ, yo a sa njaham hiri njah aseˀeŋ.