DIMISEY 7:3 - Bible en langue guiziga

³ Da kanah ta na, a sa slikiy ˀay, yo a sa puwikiy, kaɓa moboroy mapuwam gwat, ko mbur mitiɓi ɗu anta pal ta.

DIMISEY 7:3 ပူးပေါင်းရင်းမြစ်များ

Ɗerewol JOP 11:14

Da ki zuɓa haŋ ɗike le, ki gi di malambaˀ le zleˀe na, zliɗa malambaˀ tayna kileŋ, yo anja gi moˀore a ndir a hay ɗike ta.

DIMISEY 22:12

Ki cifi kileŋ avu ya ta, asi ɓi a wuɗ a lumiy gweˀe, yo mijini ɗu anta.

DIMISEY 22:20

Amma ka, Bumbulvuŋ, ki cifi kileŋ avu ya ta! Aw Bumbulvuŋ gidaŋ ɗu, so jiniy! Wuso vu!

DIMISEY 59:3

Lihiy avu mizli mawuɗam a gikiy malambaˀa, yo jiginiy avu mikiɗa hirngahaya.

DIMISEY 66:18

Da wuluk ɗu, i ngi gi malambaˀ zleˀe na, anja ani Bumbulvuŋ a ciniy di zleˀe ta.

ZOZUWE 22:22

«Bumbulvuŋ, Buymisemuŋ i madiɗa wãˀ, Bumbulvuŋ, Buymisemuŋ i madiɗa wãˀ. Ndra migam kanah na, da i slikiɗam di i ɓi malla da i gam di i teŋteŋ avu Bumbulvuŋ ta na, Bumbulvuŋ a si na le, yo Israyeley kwana a sa sinaka ya. Anja Bumbulvuŋ a pula ndra caˀa ti siifa ta.

SAMUYEL MUDUMBUŊ NAŊ 20:8

Biga gi mezle vur ya gawla ɗike, asi mike na, i jumomˀay le ngi ngama ar slimiɗ ngi Buymisemuŋ. Na zle, ko da i gi malambaˀ le na, zuwen ka vuna makiɗiy, a funa ka mavuliy da bunuk na le ta kwa!»

SAMUYEL MUDUMBUŊ NAŊ 22:13

Sawul a ɓaŋ: «Ahimelek, ka ati mangal ngi Zese, ki gam gidiɓi ar ya vur mike? Ki vulaŋ gwat ngi zum waɗ maslalam, yo ki cufuɗa Bumbulvuŋ le vurˀeŋ, ɓa a slikiɗ ɓi avu ya, yo ɓa a pur jiviɗ ngi ziza hirnga ɗu, kaɓa ɓi nah macuh dana ani na.»

SAMUYEL MUDUMBUŊ NAŊ 22:8

Kum magam gidiɓi ar ya na, vurˀe sukwa? Mangal ɗu majam ngama ati mangal ngi Zese na, ko mbur purla mafiy ɓi nah anta, ko mbur purla malika ɓi ɗu anta. Mangal ɗu a cica gawla ɗu, ɓa a ziziy hirnga, kaɓa ɓi nah macuh ani dana na, ko mbur mafiy ɓi nah anta mbrike?»

SAMUYEL MUDUMBUŊ NAŊ 24:11

Ani dana, ki pura le ti hiri ɗike: Buymisemuŋ a vuluw le asi haŋ ɗu ngadana ar butumo. A ɓikiy ɓa yi kiɗuw zleˀe, amma yi puruw ircece le, joˀ yi ɓi: ‹Y'anta ja haŋ avu buy ɗu ta, asi i buy Buymisemuŋ muwunaŋ.›

SAMUYEL MUDUMBUŊ NAŊ 24:9

A dirba nah na, Davit a slikiɗ, a bi tir butumo, a tila mi da Sawulo, a ɓaŋ: «Mobor, buy ɗu.» Sawul a puro hiri nga dirba. Davit a guɓ midibiɗ durus da ruwuy, a putukul a mbuŋ naŋ.