DIMISEY 67:2 - Bible en langue guiziga

² Aw Buymisemuŋ ɗu, pura ndrˀircece, yo ɗuwula ndra mi! Anja ki pura ndra ti hiri mezleŋ.

DIMISEY 67:2 ပူးပေါင်းရင်းမြစ်များ

DIMISEY 117:2

Asi gi teŋteŋ naŋ vur ndra, naŋ haɗi fineˀ gidaŋ, yo Bumbulvuŋ naŋ mezle hã ngi sete. Haleluya!

DIMISEY 4:7

Mizli haɗa ara cufuɗam vu: «Masa ga ndra ɓa i mumulom i waka?» Bumbulvuŋ, ciɗiko mihiri ɗike njahha ng'ar ndra.

DIMISEY 41:5

I ɓi na: «Bumbulvuŋ, puriy ircece, mbuliy, asi i gi malambaˀ le avu ka.»

DIMISEY 43:5

Ki lik vur mike, membezleŋ ngi vu ɗu? Ki niˀic ar ya vur mike? Zuwen ɗuva wuluko taˀ ar Bumbulvuŋ! Haˀaw, i sa gaŋ muguzlum ava ma. Naŋ milih ɗu, yo i Bumbulvuŋ ɗu ma.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 52:10

Bumbulvuŋ ara biga gidaŋ naŋ mipala, a mbuŋ sukwi ngi mizli gar. Ko angi hirwuy mira kiɗo mi kwana, mizli a sa puraka Buymisemuŋ ndra malaha ndra.

DANIYEL 9:17

Aw Buymisemuŋ ndra, wurenna so na, cine diradibiɗ ati tumbul ngi gawla ɗik na. Go mihiri ɗike njahha ng'ar hay ɗik muwaha na, ɓa mizli a sunukuw ki Bumbulvuŋ.

Matiye 28:19

A ram ng'avu sukwi ngi mizli gar so, tiram taŋ mizli ngi si yahay: Caka taŋ ar yam ti slimiɗ ngi Cine, ngi Mangal ati ngi ˀUf Mipal.

Ɓimezle ngi Yesu Kristu LUK mitil di mi 3:6

Mizli gar a sa puraka lahavu Buymisemuŋ malaha taŋ.»

SLRA 13:10

a ɓaŋ na: «Ka mbur mundus ti wer malambaˀ ati ketele a kwacay ɗike! Mangal ngi Satan, mesene ngi gi gwat mijeŋŋe! Ki wuɗ ki pula hirya jiviɗ ngi Bumbulvuŋ mikaslsla na ta kpak kwa?

SLRA 18:25

A dubunakaŋ jiviɗ ngi Buymisemuŋ le kuy kuy. Naŋ ti lesl miwirwir haɗi. A tila mi, yo a dubuna ɓi ngi Yesu da mizli ti jiviɗ naŋ kaslsla. Amma a sin di i ɓi ngi ci ar yam ngi Zaŋ tewle si.

SLRA 22:4

Mizli masipam jiviɗ ngi Buymisemuŋ na, yi sipa taŋ le nder nder hã mekelemey a lumam mucu. Yi ji ziley ati ngwasaya le kaˀ kaˀ ti celelu ng'ar dangay.

SLRA 9:31

Cikil ngi misikristuhoy misi angi hirwuy Yude, Galile ati Samari gar na, a roko zuy zuy, ara lumam gidaŋ, ara hinam hirnga a mbuŋ Bumbulvuŋ, mbele ˀUf Mipal majina taŋ, yo ara sikam nga mbuŋ nga mbuŋ.

Ɗerewol TIT 2:11

Asi Buymisemuŋ a njika gimezle naŋ le, miviɗi viɗi ngi laha vu naŋ ar gimezle nah vuna.